اشتريت الجيتز وعندي سؤال

**katakatakito2** · 02-10-2009 09:18 PM

السلام عليكم ورحمه الله وبركاته
كل سنه وانتو طيبين
انا كنت عملت موضوع قبل كده عشان كنت عايز اشتري عربيه والناس ناصاحوني بالجيتز كنت مقلق شويه
بس استخرت ربنا وجبتها وبصراحه ما ندمتش ع القرار
عربيه smooth قوي وسهله جدا في القياده اقتصاديه جدا ف البنزين .. عربيه مالهاش صوت لدرجه اني ساعات مش بكون عارف اذا كنت مشغل العربيه ولا لأ عشان الموتور تقريبا مالوش صوت .. الكراسي مريحه وشكلها من جوه تحفه والتكييف تلاجه بس انا فتحته مره واحده بس عشان الجو ابتدي يبقي برد
لسه مستلمها من يومين تقريبا اشتريتها مانيوال فول اوبشن
السؤال هو علل :POINTI~2[2]:
هو سؤال صغير
هو بس الحاجه الوحيده اللي مش عاجباني وبجد ندمت بعديها اني اشتريتها مانيوال بس ساعتها الميزانيه مكانشي تسمح لان لو كانت اوتوماتيك كنت هزود حوالي 8000 جنيه وده مبلغ طبعا ..هي بتتعبني شويه في الاماكن الزحمه يعني كنت ماشي بيها في مكرم عبيد ومصطفي النحاس وطبعا زحمه علي ودنه كل شويه فرامل ودبرياش واجيب الاول والتاني وادوس بنزين يعني شغله مقرفه قوي الصراحه ..
فكنت عايز اعرف هو ممكن اخليها اوتوماتيك ؟؟
ياتري انا بفكر صح اني اخليها اوتوماتيك ولا بلاش العب في العربيه واستحمل يعني عواقب قراري اني جبتها مانيوال
وياتري لو حبيت اخليها اوتوماتيك هتتكلف كام وتتعمل فين عشان برده مش عايز الضمان يضيع عليا ؟؟
ايه الرغي ده كله
معلشي طولت عليكم بس تنصحوني بايه ؟؟
وشكرا مقدما

**ابو فرح** · 02-10-2009 09:34 PM

لا حضرتك ماتحولش تلعب فى العربيه انت ممكن تروح اى معرض وتعمل عمليه استبدال والخساره هتبقى قريبه بدل ماتلعب فى العربيه والخساره تبقى بعيده

**waleedrahmy** · 02-10-2009 10:17 PM

ارضي بقرارك

**EslaM_NagY** · 03-10-2009 03:26 AM

متحاولش

هى كدة فى احسن حالاتها

**alihussien2** · 03-10-2009 10:47 AM

لف مبروك على الجيتز ولو رجعت لمشاركتي معاك انا اقلتلك افضل الاوتوماتيك؟ ماعلينا .... المهم ياباشا انتا لو سواق قديم ما تقلقش من المانوال ولو جديد حاول تتعود عليه وان ماقدرتش خش على الوكالة وغبر لاوتوماتيك وربنا يوفقك
المهم

**nab!l** · 03-10-2009 08:48 PM

اتحمل نتيجة قرارك

**caftazeen** · 03-10-2009 10:21 PM

ايه يا شباب النكد دا ،، ياعن قضيها ،، مصر اكتر من 70 % من العربيات مانويل وحتى لو ،،

الاوتامتيك مشاكلو اكتر بكتير من المانويل ،، و الزحمة استحملها ب الكاسيت ،، وانت سايق خليك رايق و خلاص ^^ وشغل اي حاجة تسلي الطريق ،،

ولا تحول ولا تغير ولا قلبة دماغ الاوتوماتيك دي خالص ،،

ودي وجهة نظري ^^

وادعي لي بقة عشان احصلك لاني حاجز اختك اللي معاك بس لسا مستلمتش

**ADELHASANALSHAAIRYN6** · 04-10-2009 12:56 AM

+++1000000000

**MEMES** · 06-10-2009 11:59 AM

الف مبروك على العربيه
و عايزك تجرب المانوال شويه فى الشد (بس فى مكان هادى و بشويش)
وساعتها هتحب المانوال

**KSA2011** · 06-10-2009 12:28 PM

لا يا باشا خساره اتعود على المانيوال الناس كلها بتسوق مانيوال من زمان
حاول تتعود عليه بس

الموضوع: اشتريت الجيتز وعندي سؤال

LinkBack

أدوات الموضوع

عرض

-

-

-

-

-

المواضيع المتشابهه

اشتريت تيدا 2012 وعندي سؤال

خلاص اشتريت الايفو وعندي سؤال للخبراء

اشتريت زينون hid وعندي شويه أسئله

اشتريت عربية ابيزا وعندي سؤال مهم جدااا

اشتريت بطاريا جديده وعندي سؤال

الكلمات الدلالية لهذا الموضوع

المفضلات

المفضلات

ضوابط المشاركة