تجربتي السيئة جداَ في مركز بردجستون عباس العقاد

**د.محمود صلاح** · 03-10-2009 02:58 AM

وحذار من الصنايعية اللى ( بتفتح شغل ) , يعنى يخرم لك العجل عمدا بدون ما تشعر ويقول لك فيها مساسمير

**badblood** · 03-10-2009 05:03 AM

جزااااك الله خير على النصيحة
انا بتعامل مع فرع صلاح سالم عمارات العبور
والحمد لله لغاية دلوقتي زي الفل

**أحمد سالم** · 03-10-2009 11:54 AM

فعلا انا مرة ظبط زوايا هناك وبعد ماطلعت من البنزنه لقيت العربيه بتحدف يمين لوحدها لان الزوايا بدل ماتتصلح زود انحرافها
ده غير ان كان معايا اخى المهندس احمد حسن وكان معها تليفون غالى اتاخد من العربيه فى لمح البصر وهى مستنيه دورها لظبط الزوايا وكان المهندس نجاد موجود وقتها ولما قلنا له التليفون اتسرق من العربيه مافكرش حتى يتحرك من مكتبه وكان سلبى جدا ومن ساعتها قاطعنا كافة مراكز بريدجستون

**Ahmed Nouh** · 03-10-2009 02:02 PM

الحق يقال انا تجربتى معاهم مختلفه فى جانب الكاوتش واللى شوفته كان منتهى الامانه و كان اللى شغال فاهم كويس هو بيعمل ايه , حتى فى يوم كنت غيرت الكاوتش كله برا ورحت ارصص والصنايعى خد باله ان اتجاه كاوتش من الاربعه غلط فك وعدل اتجاهه

ظبط الزوايا انت مش اول واحد يشتكى انا شخصيا 3 مرات اكون هناك واللى واقف بيظبط زوايا يشتكى قدامى من ان العربيه بتحدف ويخرج يجرب مع الصنايعى وبرده يرجع يقول العربيه مش مظبوطه

هو شكله ايه الصنايعى اللى اشتغل فى العربيه يا محمود

**MoToRiZeR** · 04-10-2009 05:28 AM

قد تظهر بعض السلبية في التعامل مع الموقف من خلالي فعلاَ .. بس انا مبحبش الخناق و المناهدة خاصة لما أحس إن اللي قدامي عدي مرحلة المناقشة .. يعني بيقولي المفروض تزود العجل كل يومين .. ! أكيد المناقشة لن تجدي معاه لأنه من البداية مقرر إنه يشتغلني .. و للأسف انا مخدتش بالي إنه حط شنيور غير بعد ما شفته لذلك كان اللي حصل حصل خلاص .

**Samir Elshahawy** · 04-10-2009 12:23 PM

واضح أن عدم الامانة و الاستهتار و الكروته هي السمة الغالبة لمعظم الفنيين في مصر و أذا لم يوجد من يراقب و بشدة مثل هذه التصرفات من قبل بعض الفنيين كنا مش هنلاقي مركز و لاتوكيل في مصر شغالين أصلا

و ده اللي حصل برضه معايا في بريدجستون-عباس العقاد
الفني ركب الاربع عجلات دون ترصيص و لولا ان المهندس/ نجاد كان موجود و أخد باله كنت مشيت لكنه خلاه يفكهم تاني و يرصصهم

معلش حظك كان وحش يامحمود ان المهندس/ نجاد كان في أجازة بس ياريت كنت تقوله أو تحاول تتصل بيه و تشرح له اللي حصل

و تقبل خالص تحياتي
م/ سمير الشهاوي

**Karim_Monir** · 04-10-2009 12:52 PM

كان المفروض تكلمنى او تكلم مهندس نجاد على التليفون وانت واقف
واكتر من عضو لما حصلت شكوى كلموني مباشرة واتصرفت وقتها
ايش حال ان انت هنا من فحت البحر
عامة انا اشتغلت معاهم اكتر من مرة والشغل كان كويس جدا

وانا كلمت مهندس نجاد من شوية بس للاسف كان مريض وفي اجازة
لما يرجع ان شاء الله هابقي ابلغة

**MoMohsen** · 04-10-2009 01:35 PM

انا فعلا كنت كتبت موضوع قبل كدة عن شكوى من ظبط الزوايا فى بريدجيستون .الصنايعى اللى هناك بجد قل ما يقال عليه كفتجى ولا بيفهم اى حاجة و رحت مرتين عشان اظبط زوايا و كل مرة نفس الحوار لما قلت اخرى معاهم ترصيص و كاوتش بس.

-

-

الموضوع: تجربتي السيئة جداَ في مركز بردجستون عباس العقاد

LinkBack

أدوات الموضوع

عرض

-

-

-

-

-

المواضيع المتشابهه

أفاده فى عباس العقاد

بريدجستون عباس العقاد ...... أصدق مين ولا مين؟؟؟

من حلوان الى فرع بريدجستون عباس العقاد

مركز بريدجستون فى عباس العقاد

إزاى أروح مركز كارتك من عباس العقاد؟؟

الكلمات الدلالية لهذا الموضوع

المفضلات

المفضلات

ضوابط المشاركة