هأجر ومحتاج استشارتكم ؟

**محمد جلال** · 02-10-2009 11:37 PM

انا هأجر فى عمارة جديدة شقة مساحتها 170 متر لمدة 5 سنوات فى مكان كويس وبالنسبة الخلو هدفع 15000 5000 تأمين و 10000 تحت بند الايجار بأيجار 700 والايجار المدفوع 350 بعد خصم النصف من 10000 ويوجد زيادة فى الايجار 10% فى السنة الرابعة والخامسة بس انا اول مرة أأجر والشقة حالتها واخدة بطانة وفيها كرانيش ومفيش سيراميك والكهرباء والسباكة على الفينيش بعد الدهانات وتركيب السيراميك والتركيب بعد التعاقد بمعرفة المؤجر والالوان والسيراميك هيتم اختيارهم بمعرفتى ولو فى زيادة عن المعتاد فى التشطيب هدفع الزيادة بس انا عايز اعرف هل فى نصائح من الناحية الخاصة بالتعاقد من ناحية الايجار او التشطيبات اوبعد التأجير كناحية قانونية او حاجة اعملها او اى احتياطات مهمة معلش بس الموضوع جديد بالنسبالى ارجو الافادة وشكرأ ليكم جداً .

**nab!l** · 02-10-2009 11:53 PM

نستنى اراء الخبراء

**tananybasha** · 02-10-2009 11:53 PM

المفروض الأيجار الجديد يبقى تشطيب كامل و مفيهوش خلو عشان ده مش ايجار قديم و اللى بيتم دفعه تأمين فقط شهرين او اربعه بحد اقصى
اللى حضرتك بتقول عليه ده انك هتوضب الشقه و بعد 5 سنين دفعت الأيجار و وضبتله الشقه و يأجرها تانى متوضبه
رأى ان ده مش مضبوط

**tananybasha** · 02-10-2009 11:54 PM

و فترة التوضيب دى محسوبة من الأيجار و ايه الزيادات اللى هتطلبها و ال 15000 دول بتوع ايه التوضيب

**icehearted girl** · 03-10-2009 12:02 AM

انا في سؤال محيرني وبياكلني

ليه حد يدفع كل دا ويتكلف التكاليف دي في شقة مش ملكه ولا حتي ايجار جديد

ليه مثلا متدروش علي شقة تمليك بالتقسيط حتي ولو علي ميت سنة بس فالاخر هتبقي بتاعتك

ولو متقدرش علي القسط ممكن تقسط تبع اي بنك عقاري

انا شايفة دا افضل بكتير

**tananybasha** · 03-10-2009 01:04 AM

قانونأ مش منطقى و مش مقبول

**aif** · 03-10-2009 01:13 AM

اللي فهمته ان المالك هو اللي ح يكمل باقي التشطيب .... كدة صح ولا انا فهمت غلط
لو صح يبقى الامر طبيعي ... بس الخوف انه ما يشطبش كويس او يماطل في التشطيب
اللي انت دفعته ده مش خلو ... ده 5000 تأمين ( كتير شوية ) و 10000 مقدم ايجار يخصم من الايجار الشهري بواقع النصف
الايجار كويس بالنسبة للمساحة بس برضه ده يتوقف على المنطقه و الدور والوجهه وتشطيب العمارة
الف مبروك
بس حاول تأجد دفع جزء كبير من المبلغ لغاية ما يخلص التشطيب

**A.Saad** · 03-10-2009 10:24 PM

اكتب عليه انه ملزم بتشطيب مواصفاته .......... فى ميعاد اقصاه ...................
وكمان تخلى ان سداد الايجار بعد ما يخلص تشطيب لان ما ينفعش ادفع ايجار والشقة انا مش منتفع بيها
وبعدين تعرف ايه اللى فيه زيادة عن المعتاد يعنى تتفق على الفرز والمقاس
واللى اعرفه ان لسه فيه شغل فى السباكة بيكون بعد السييراميك وبرده الكهربا يبقى لازم تكتب المواصفات والمواعيد
وكمان تحدد الزيادة من اجرة العقد الاولى ولا من اجرة السنة السابقة مباشرة

على فكرة صاحب الشقة ده ناصح
لانه هياخد فلوس
يسكنك بيها ويشطب بيها الشقة
و

-

-

الموضوع: هأجر ومحتاج استشارتكم ؟

LinkBack

أدوات الموضوع

عرض

هأجر ومحتاج استشارتكم ؟ - انشر الموضوع فى :

-

-

-

-

-

-

-

المواضيع المتشابهه

عقد عمل فى الكويت اتمنى استشارتكم

ارجو استشارتكم في عربيتي ال 132

اريد استشارتكم للاهمية

عاوز استشارتكم

الكلمات الدلالية لهذا الموضوع

المفضلات

المفضلات

ضوابط المشاركة