سؤال بخصوص كاوتش النيفا علشان نازل اغيرة بكرة ان شاء الله

**elhagan** · 03-10-2009 12:07 AM

السلام عليكم
الى السادة خبراء النيفا واللادا عموما
انا اشتريت سيارة نيفا موديل 81 وبصراحة حالتها من الخارج والداخل كان شكلها كويس
بس للاسف مكنش معايا ميكانيكى ولا سمكرى ولا حد بيفهم فى العربيات المهم اشتريتها ب 13000 الف وطبعا انا لسة بتعلم السواقة المهم خدتها ورحت للميكانيكى قاللى الموتور خفيف شوية
انما العفشة مش مظبوطة وتقريبا الموتور خارج من مكانة المهم انا صدقتة لانى لما كنت بضرب فرامل على سرعة 60 مثلا كنت بحس ان فية حاجة بتتحرك من مكانها فى العربية وفعلا تم ثبيت الموتور مكانة وقاعدة الفتيس مكنش فيها ولا مسمار وكان فية بوش فى جلب عمود الكردان
كلة اتظبط الحمد لله
فاضل مشكلتين على السرعة 90 الدركسيون بيهتز والعجل بيحدف شمال
سئلت قالوا روح رصص عجل واظبط زوايا
روحت ارصص عجل توكيل بريدج ستون قاللى للاسف الاربع عجلات كلهم عيوب ومش نفس مقاس بعض فمش هينفع الترصيص وكذلك طبعا ظبط زوايا لانى الترصيص على حسب ما عرفت لازم يكون الاول
مقاسات العجل الموجود حاليا
امامى 16-60- 205
خلفى فردة 16-55-225
والاخرى 16-60-215
وناوى اغير الاربع فرد امامى وخلفى لانهم كلهم عيوب فعلا
تنصحونى اغير بمقاس كام واجيب ماركة اية الانسب
يعنى فردة تيوبلس تكون فى حدود 500 جنية وتكون لايقة على النيفا وتعملها شكل
اسف للاطالة ومنتظر ردودكم الكريمة

**well12m** · 30-10-2009 01:19 AM

اقولك على احسن مقاس مركبو عندى ومخلى العربيه طلقه وشكلو حلو وعريض شويه و واطى جدا 16 205 55

**batman121** · 31-01-2010 02:16 AM

افضل مقاس عن تجربه 16/215/65 ويريت يكن بريدج ستون( ديولر) اواى نقشة خشنة (قبقاب)
متجيبش فرد قصيرة وعريضة لأنى جربتهم مش كويسين فى المطباط اودام .
كما ان العريض هيتقل معاك الدركسيون اووى
وخشنة علشان بيفرق كتير لو انت بتمشى فى طرق وعرة كتير

**أحمد علوان** · 01-02-2010 01:27 PM

المشاركة الأصلية كتبت بواسطة batman121

افضل مقاس عن تجربه 16/215/65 ويريت يكن بريدج ستون( ديولر) اواى نقشة خشنة (قبقاب)
متجيبش فرد قصيرة وعريضة لأنى جربتهم مش كويسين فى المطباط اودام .
كما ان العريض هيتقل معاك الدركسيون اووى
وخشنة علشان بيفرق كتير لو انت بتمشى فى طرق وعرة كتير

ودول سعرهم يعمل كام

**Ellawai** · 01-02-2010 01:56 PM

اسال توكيل بريدجستون علي مقاس الكاوتش الاصلي اللي بينزل في النيفا و هوه غالباُ 185 علي مش فاكر كام و حاول تجيبه .. النيفا ماتستاهلش المصاريف

**gsober** · 02-02-2010 03:51 AM

قبل متجيب تيوبلس وتتكلف اكشف على لاجنوظ لحسن تكون مخرومه
ومتنفعش للتيوبلس
لحسن تعمل زى حلاتى وبعد متجيب العجل جديد تروح تجيب داخلى للعجل وكانك يابو زيد ما غزيت
وهات كاوتش قبقاب زى مقال الاخ الكريم
واكشف على العفشه عشان الرجه والحدفه
لان الحدفه مش زوايا وبس ممكن يكون العيب من الفرامل (واحده بتقفش والتانيه لا)

**emad_ms** · 02-02-2010 06:59 PM

بصراحة انا عندى سيارة لادا قبل ما اغير كاوتش نصحنى البعض ما اجبش الكاوتش العريض لانة بيتقل الدركسيون ووقتها لم اجد بريد جستون عند المحل الى بتعامل معة فجبت كاوتش كورى الفردة225 جنية يعنى غيرت 4 فرد باقل من1000 جنية والكاوتش الكورى والتايلاندى شغال كويس وعن تجربة اما بالنسبة للمقاس اسال عن المقاس الى اساسا بتنزل بية العربية لانة بيكون الافضل للسيارة