أرجو المساعدة من اصحاب و خبراء كيا سيراتو نيو
السلام عليكم و رحمة الله و بركاته
يا جماعة بصراحة و بدون مجاملة انتو مجموعة رائعة جدا من الاعضاء لأنى بجد استفدت من خبراتكم جدا جدا و فهمت حاجات كان صعب انى افهمها و اخدت قرار شراء السيراتو من خلالكم
و محدش فيكم شفته بيبخل بأى حاجة دا لدرجة ان فى منكم مصور عربيته و عمل تيست درايف
و جه حكالنا كل حاجة بالتفصيل الملل و الصور و دا اللى مالقيتهوش فى اى موقع تانى
انا يا جماعة نويت بأذن الله انى اشترى كيا سيراتو و بصراحة محتار جدا جدا فى اكتر من حاجة
اولا انا محتاج اعرف اجيبها منين بالظبط يعنى لو حضراتكم فى معارض او توكيلات كويسة
و سعرها معقول ياريت تقولولى عليها و عن المميزات اللى بتقدمها
يعنى محتاج مكان موثوق فيه و يكون فيه الالوان و الكماليات اللى عايزها بسعر مناسب
و ثانيا محتاج اعرف ايه اهم الحاجات اللى المفروض اسأل عنها فى العربية لما اكون متواجد فى معرض و هل ال ايه بى اس مهم لدرجة كبيرة؟؟؟ يعنى ممكن مشتريش العربية عشانه؟؟
و ثالثا هل الخليجى احسن من الوكيل؟؟
و اخيرا ايه التجميعة المميزة من الكماليات اللى ممكن تفيدنى مع السعر المناسب ليها
و اكون شاكر جدا لحضراتكم و جزاكم الله خير
و دى اول مشاركة ليا و اتمنى اكون ضيف جديد مش تقيل عليكم
و السلام عليكم و رحمة الله و بركاته