شباب انا قرات في اهرام الجمعة من عدة معارض عن نزول اسعار لانسر 1500 بشكل كبير ( مانيول 11500 تقريبا) حد عندة فكرة عن السبب و ما هي اخرالاسعار الحقيقية
عرض للطباعة
شباب انا قرات في اهرام الجمعة من عدة معارض عن نزول اسعار لانسر 1500 بشكل كبير ( مانيول 11500 تقريبا) حد عندة فكرة عن السبب و ما هي اخرالاسعار الحقيقية
الأسعار دي حقيقية منزلها ناشيونال موتورز عربيات خليجي موديلات 2009
شوف حضرتك الموضوع ده
http://www.nilemotors.net/Nile/85612-a.html
احب احذرك يا استاذ احمد - وعن تجربة شخصية يعرفها الجميع هنا - من ناشيونال موتورز لأنهم نصابين
ِشكا للرد
حد عند فكرة عن جمرك /لانسر/كرولا/سيفيك / سيراتو
لو الواحد عرف يجيب واحدة من بره و ايه اجراءات الدخول
اي عربية محركها 1600 أو أقل هتعامل كالتالي :
جمرك 40% ثم ضريبة مبيعات 15% ثم ضريبة تنمية موارد 3% (والحساب تراكمي) واليك المثال :
نفترض سعر العربية بره 9000 دولار
وللتسهيل نفترض سعر الدولار يوم دخول العربية للجمرك 5.55 جنيه
اذن سعر العربية في الفاتورة 9000 دولار × 5.55 جنيه = 000 50 جنيه
الجمرك 40% = 000 50 × 40% = 000 20 جنيه
القيمة الجديدة التراكمية = 000 50 + 000 20 = 000 70 جنيه
ضريبة المبيعات = 000 70 × 15% = 500 10 جنيه
القيمة الجديدة التراكمية = 000 70 + 500 10 = 500 80 جنيه
ضريبة تنمية الموارد = 500 80 × 3% = 2415 جنيه
التكلفة النهائية للعربية = 500 80 + 415 2 = 915 82 جنيه
جميل. بس اسعار الجمارك بتتحسب علي السعر اللي انا اشتريت بيه من بره ام سعر السيارة عند المصنع في بلدها
ثانيا انا اعرف ان بعض التجار لما بيجيبو سيارة من الخليج بيشيل الكاسيت و المكيف و يركبهم هنا علشان الجمرك فيا تري ايه تاثير الكماليات علي الضريبة بتتحسب على السعر الاجمالي و لا ليها بنود جمركية لوحديها
حسب ماعرفت من المكتب التجارى المصرى فى احد دول الخليج ان الجرك بيكون 69% من ثمن السياره اللى انته مشترى بيه
يعنى لو العربيه ثمنها يعادل 100 الف يكون الجمرك 69 الف جنيه
والتخفيض على الجمرك كالمعروف عند دخول 1-10 -2009 يتم تخفيض موديل 2009 - 10%من قيمة الجمرك وعند 1-10-2010 يتم تخفيض 5% كل سنه
والمثال هنا عربيه 2009 ثمنها 100 الف اذا كنت حاتنزل العربيه نفس السنه حاتدفع 69% يعنى 69 الف جنيه
عند نزول السياره بعد 1-10-2009 يدفع69000 - 6900=62100
وبعد 1-10-2010 يدفع 62100-3450=58650
وطبعد كل سنه تعدى يتم تخفيض 5%
الجمارك بيكون عندهم اسعار العربيات بغض النظر عن الفاتورة اللي جاية بيها العربيه علشان لو الفاتورة فيها لعب او مجاملة (خصم ضخم)
شيل الكاسيت او المكيف او غيره بيخلي الجمرك يحسب على اللي قدامه فعليا وبيخفض من قيمة العربية بما يوازي الناقص فيها
الحسبة اللي انا عملتها دي تعمل نسبة اجمالية جمارك 65.83% من القيمة الأصلية 50 ألف جنيه
ممكن يكونوا بيضيفوا اي مسميات اخرى او بيحسب الشحن او التأمين انا لم اذكرهم فبيوصل القيمة الى 69%
بخصوص خصم السنة الأولى وما بعدها فده للسيارات المستعملة ودي لازم عند شراءها تروح تسجلها باسمك في السفارة المصرية في البلد اللي انت فيه بره مصر وتقعد زي ما تقعد وتنزل بيها وقت ما تحب فيبدأوا يحسبوا السنوات المخفضة
انما لازم تكون المالك الأول ومسجلها اول ما اشترتها في السفارة
كلام حضرتك سليم لازم عند الشراء تكون اول مالك للعربيه ويتم تسجيلها فى السفاره
انما بالنسبه للفاتوره ففعلا هوا بيحاسبك على الفاتوره اللى معاك بس تكون موثقه من السفاره المصريه وخارجيه البلد اللى انته فيها ولو موش معاك فاتوره بيحاسبك بالاسعار اللى عنده
لكن ميزة الفاتوره انها بيبقى فيها كل الاوبشن اللى فى العربيه ( رنجات -تكييف-سنترلوك-حتى لو فيها جناح- فتحة سقف)وهاكذا يعنى وبيحاسبك على 69% من قيمة الفاتورة وكما قلت كل سنه لها تخفيض وهاكذا
كيف يكون المجموع تراكمى هذا مخالف للقانون لأنه لا يجوز أخذ ضريبة على ضريبة لأن هذا ظلم وجبروت فادح