ارجوا الخبره والافاده بخصوص كرولا2004 حاله نادره

**mazgangy** · 03-10-2009 03:53 AM

السلام عليكم العربيه دى معروضه ادامى للبيع وانشاء الله ناوى انزل اخلص فيها بكره فكنت عاوز طبعا من حبيبى اعضاء المنتدى قبل ما انزل اخلص فيها بكره تقرير شامل عن كل حاجه تخص العربيه ثبات وقطع غيار وصيانه واستهلاكل بنزين وقوه التحمل ولو ان دى فى تويوتا مش عاوزه سوال بس معلش بقى وكل حاجه كبيره وصغيره وكماليتها بالتفصيل واركز فى ايه وانا بشوفها واكشف عليها فين كويس فيها وخصوصا كمان انى انا بايع الكريستاله حاله نادره فعلا فمش عاوز بعديها اركب اى عربيه انا طبعا عارف اسم تويوتا عامل ازاى بس عاوز اعرف كل حاجه عن العربيه والموديل ده 2004 بالتفصيل وايه كماليتها غير المرايات الضم والكاسيت السى دى والفوجات وده بس اللى اعرفه فيها وحاله العربيه كالاتى موديل 2004 عداد 39 الف كيلو فقط فبريكه بالكامل وحاله الدهان نادره واللون شامبين ومطلوب 88 وقابل للتفاوض البسيط وده السعر المطلوب فيها مستنى ارائكم ومعلوماتكم وردودكم بسرعه لانى ناوى انشاء الله انزل اخلص فيها بكره لانى بقالى مده كبيره من غير سياره واشكركم واسف انى صدعتكم معلش بس عشمى فى اعضاء نايل موتورز كبير

**mazgangy** · 03-10-2009 02:15 PM

والله يا جماعه انا كنت فاكر انى اول لما اعمل الموضوع حلاقى ردود كتير ويكون قسم التويوتا انشط من كده وقولت حسمع التفاصيل كلها والسعر المناسب وكل حاجه واى معلومه عن العربيه دى ووالله انا عارف انى لسه عامل الموضوع امبارح بس فالسه يعنى بس والله غصب عنى ده انا نازل اشوفها دلوقتى حالا وملقتش والا حتى رد وانا عارف انى مستعجل لانى من قبل العيد من غير عربيه والف تحيه لاصحاب التويوتا ولو انى زعلان ده مفيش حتى اى واحد عبر الموضوع بكلمه واحده

**abohalmos** · 03-10-2009 02:34 PM

المشاركة الأصلية كتبت بواسطة mazgangy

والله يا جماعه انا كنت فاكر انى اول لما اعمل الموضوع حلاقى ردود كتير ويكون قسم التويوتا انشط من كده وقولت حسمع التفاصيل كلها والسعر المناسب وكل حاجه واى معلومه عن العربيه دى ووالله انا عارف انى لسه عامل الموضوع امبارح بس فالسه يعنى بس والله غصب عنى ده انا نازل اشوفها دلوقتى حالا وملقتش والا حتى رد وانا عارف انى مستعجل لانى من قبل العيد من غير عربيه والف تحيه لاصحاب التويوتا ولو انى زعلان ده مفيش حتى اى واحد عبر الموضوع بكلمه واحده

و الله يا باشا العربية دى زى الفل

انا بموت فى كاوتش الكورولا و نفسى فيها

العربية دى 1300 مش كدة ؟؟؟؟؟؟ العربية كانت معايا فى العيد بس موديل 2006 و عاملة برضه حوالى 40 الف كم عربية روعة و كنا بنركب فيها 5 بالتكييف فى عز الحر و روحنا العين السخنة و جينا على 140 كم و التكييف كان تلاجة و الشنطة مليانة على الاخر
اما استهلاك بنزين فيها بتشم بنزين

عربية روعة من الاخر و ربنا يهنيك بيها و يجعل فيها الخير ليك

انا عن نفسى فيها بجد بس للاسف مش معايا تمنها كاش و انت عارف المستعمل فلوسه توتو على كبوتو للاسف لو لقيت حد عاوز يقسطها على سنة او كده يبقى عملت فيا معروف كبير اوى

**Sharky** · 03-10-2009 02:53 PM

رأى الشخصى أخر السيارة دى 80 الف جم
لو حالتها فابريقة فعلا

السياردة دى المعروضة للبيع فى مصر الجديدة ؟

**M.FOUAD** · 03-10-2009 03:35 PM

السعر مبالغ فية جدا انت ممكن تجيب 2006 بنفس الحالة و السعر

**mohamad80** · 03-10-2009 07:44 PM

المشاركة الأصلية كتبت بواسطة mazgangy

السلام عليكم العربيه دى معروضه ادامى للبيع وانشاء الله ناوى انزل اخلص فيها بكره فكنت عاوز طبعا من حبيبى اعضاء المنتدى قبل ما انزل اخلص فيها بكره تقرير شامل عن كل حاجه تخص العربيه ثبات وقطع غيار وصيانه واستهلاكل بنزين وقوه التحمل ولو ان دى فى تويوتا مش عاوزه سوال بس معلش بقى وكل حاجه كبيره وصغيره وكماليتها بالتفصيل واركز فى ايه وانا بشوفها واكشف عليها فين كويس فيها وخصوصا كمان انى انا بايع الكريستاله حاله نادره فعلا فمش عاوز بعديها اركب اى عربيه انا طبعا عارف اسم تويوتا عامل ازاى بس عاوز اعرف كل حاجه عن العربيه والموديل ده 2004 بالتفصيل وايه كماليتها غير المرايات الضم والكاسيت السى دى والفوجات وده بس اللى اعرفه فيها وحاله العربيه كالاتى موديل 2004 عداد 39 الف كيلو فقط فبريكه بالكامل وحاله الدهان نادره واللون شامبين ومطلوب 88 وقابل للتفاوض البسيط وده السعر المطلوب فيها مستنى ارائكم ومعلوماتكم وردودكم بسرعه لانى ناوى انشاء الله انزل اخلص فيها بكره لانى بقالى مده كبيره من غير سياره واشكركم واسف انى صدعتكم معلش بس عشمى فى اعضاء نايل موتورز كبير

السعر عالى !!!!!!
eWaseet: Waseet newspaper online ...site - buy sell and get informed online - Beirut Automotive Cars
راجع الوسيط
وكمان شكل 2005&2006 احلى من 2004

**Sharky** · 03-10-2009 09:57 PM

المشاركة الأصلية كتبت بواسطة mohamad80

السعر عالى !!!!!!
ewaseet: Waseet newspaper online ...site - buy sell and get informed online - beirut automotive cars
راجع الوسيط
وكمان شكل 2005&2006 احلى من 2004

حضرتك ممكن تنزل السوق و حتلاقى السيارات اللى بتتباع فعلا بأقل من كده
و حتلاقى ان سعرها كده عالى فعلا
دا غير ان فى لينك الوسيط فيه كرولا موديل 2006 فول اوبشن اتوماتيك إستعمال راقى مطلوب فيها 85 الف :)

**mazgangy** · 04-10-2009 01:09 AM

فعلا السياره معروضه فى مصر الجديده عند الشريف ام للسيارات خلف الكليه الحربيه وطلع كالاتى لما روحت شوفتها الاول كلمتهم فى التليفون واكدلى كذا مره انها قبريكه بالكامل واول يد وبحاله الفبريكه وكده ولما روحت طلع كالاتى راشه اكصدامين وباب ده بعد القرص عليه اعترف وكمان انا لحظت ان فيها حاجات معموله بقلم بويه على الخفيف وشويه حاجات رد على البارد خفيف جداااا ومش متاكد من حوار قلم البويه ده انا على قدى يعنى والله اعلم وتقيم عام للعربيه جيده جدا بصراحه على موديل 2004 عدادها حلو على سنها بس بصراحه كان بيتكلم فى 88 ووصل اخره 86 ونص وطبعا قولتلوا سلامو عليكم ومشيت وياريت لو حد ادامه واحده كامله يبلغنى شرط الفبريكه الكامله والحاله والعداد مش ازيد من 40 وياسلام لو مانويل ولو انى قليل جدا بل نادر لما الاقى منها مانويل للبيع والشكل من 2004 الى 2007 وشكرا

**mohamedbook** · 04-10-2009 01:20 AM

انا شريت لابن عمي 2004 من سوق الجمعة فول ابشن اتومتك 1300
من حوالي 3 -4 شهور كانت عاملة 79 الف جنية كانت بتاعة رتبة في الجيش وكان راجل محترم
والعربية كانت عاملة 37 الف تقريبا وكانت فبريقة ورفعناها في البنزيمة ولم نجد فيها اي شي
السعر الي بيتكلم فية الراجل مبالغ جدا فية

**mazgangy** · 04-10-2009 01:47 AM

المشاركة الأصلية كتبت بواسطة mohamedbook

انا شريت لابن عمي 2004 من سوق الجمعة فول ابشن اتومتك 1300
من حوالي 3 -4 شهور كانت عاملة 79 الف جنية كانت بتاعة رتبة في الجيش وكان راجل محترم
والعربية كانت عاملة 37 الف تقريبا وكانت فبريقة ورفعناها في البنزيمة ولم نجد فيها اي شي
السعر الي بيتكلم فية الراجل مبالغ جدا فية

الف شكر يا باشا وانا شوفت واحده على كونتاكت كار وده اللى مكتوب فى الاعلان

وبصراحه انا حابب ال 2004 فى الشكل عن 2006 و2007 ودى اذواق بقى معلش علشان محدش يعترض معايا انا عارف ان معظم الناس العكس بس انا دماغى بتقفل على حاجات غريبه الصراحه

85000 جنيها

موديل 2004 | 0 كم
السياره فبريكه بالكامل من الداخل والخارج ولا يوجد بها اي خدوش اسود اللون حاله شاذه ممتازه المريات تقفل اتوماتيك

مش كاتب العداد اولا وثانيا طالب 85 وثالثا كاتب فبريكه بالكامل من الداخل والخارج ولا يوجد بها اى خدوش ولما تتفرج تلاقى حاجه تانيه خالص وكان الكلام على عربيه تانيه وانا بخاف بصراحه من الناس اللى مش بتكب العداد بحس انه كتيير على الاقل بالنسبه ليا لانى عمرى ما اشتريت مستعنل معدى ال 20 الف ولكن مع الكرولا انا رافع العداد لحد 40 ودى وجه نظرى المتواضعه اللى مش عارف اغيرها وبجد معرفش ليه وعلى فكره الراجل اللى عامل الاعلان بكلمه مبيردش