الموضوع: عربيتى الفنتازيا الجديدة 2010

الف مبروك وربنا يحميهالك ويكفيك شرها بس انا عندى سؤالين
هى العربيه سعرهه كام ؟
واستلمت فى مده قد ايه ؟

ويا ريت اعرف من حضرتك الاوبشنز بتاعها كله اصل انا عايز اشترى واحده من نفس الفئه ويا ريت تقولنا على اداءها وتقيمك ليها فى المده دى ؟؟؟؟؟
وانا اسف انى بطول عليك

المشاركة الأصلية كتبت بواسطة y2y1500

بس التوكيل بأه زبالة وشفق جبر ده راجل حرامى ومستغل

وخسارة فيه التوكيل والعربية دى

هو احنا ينفع نشتكيه فة جهاز حماية المستهلك لمشاكل الصيانة ؟؟؟؟

الف مبروك عليك واختيارك فى محله وربنا يباركلك فيها انشاء الله
بس ايه اللى مضايقك من التوكيل يعنى ياريت حضرتك تحكيلنا على اللى حصل معاك واوجه التقصير اللى شوفتها

وبعدين نشوف نقدر نعمل ايه خاصة انه خلاص دلوقت تولى ادارتها راجل محترم وناجح اسمه م/مصطفى شاهين المدير التنفيذى لتويوتا ايجيبت سابقا واكيد الراجل ده بصمته هاتظهر فى القريب العاجل على توكيل كبير ومهم زى سكودا ارتوك اوتو [/QUOTE]


يا باشا ربنا يبارك فيك

وعلى فكرة انا مش زعلان خالص من الاختيار بالعكس انا الحمدلله مبسوط بيها جدا ودى تانى اوكتافيا اركبها

بس اللى حصل انى بعد CD محتاج تكويد وكمان محتاج اركب شريحة البلوتوث وعشان العربية نازلة من غير طفاية ولا ولاعة رغم ان اللى اقل منها نازلة بيهم

فرحت اعمل الحاجات دى وكنت جايب من برة قاعدة الولاعة اللى عايز اركبها لان اللى راكبة مابتشتغلش مع صباع الولاعة

وطبعا كنت هاشترى منهم صباع الولاعة وكمان العلبة السودة اللى جوا الطفاية عشان اركبها

المهم ..... وصلت التوكيل الساعة 12 ظ وطبعا لقيت طابور طويل جدا قافل الشارع من العربيات السكودا مستنى الدور ومعظمهم فانتازيا جديد

فضلت واقف فى الطابور لغاية ما دخلت جوا الساعة 1 تقريبا وكانو واقفين برة بالجهاز بيكودوا ال CD بتاع العربيات عشان اللى جاى عشان كدة يمشى على طول

ولغاية ما جالى مهندس يستلم العربية وصلت الساعة 1:30 والغريب انها كانت مهندسة مش مهندس
وقالولى استنى حضرتك فى الاستراحة لغاية ما نخلص ونبلغك

المهم استنيت شوية وابتديت الاحظ ان فى عربيات جت بعدى وبتدخل قبلى قلت يمكن غلطة ولا حاجة

وبعدين لقيت الموضوع بيتكرر فرحت سالت مدير الاستقبال فقاللى : يعنى هوا انت شايف حد بيمشى ؟؟

استغربت جدا وبعدين قاللى هو حضرتك بتعمل ايه ؟

فقلت له انا بس عايز اغير قاعدة الولاعة واركب شريحة البلوتوث وهاشترى صباع الولاعة والطفاية.

ده مع العلم انهم قفلوا منفذ بيع قطع الغيار من برة وبقيت لو عايز تشترى اى حاجة لازم تدخل التوكيل وتفتح جوب ( وده طبعا عشان ياخدوا مصنعية )
المهم رد وقاللى بس ربنا يسهل وعربيتك تخلص النهاره!!!!

قلتله ليه دى حاجات تخلص فى عشر دقايق

رد وقاللى اصل احنا زحمة اوى وبعدين الولاعة فى الكعرباء والطفاية تبع السمكرة والعربية كده هتدخل القسمين

قلتله : سمكرة ايه يا بيه دى طفاية هتركب مكانها فى ثانية هاتوها وانا اركبها
قاللى : لأ لازم هما فى السمكرة اللى يطلبوها


المهم رحت ادام الورشة اسئل المهندسة ايه الاخبار واحاول اسرع المسائل

فسألتنى هو حضرتك كنت عايز ايه ؟

المهم حكيتلها تانى وكان معدى مهندس من جوه فبصلى وقاللى هو حضرتك هتعمل ايه ؟

حكيتلوه تانى هوا كمان وكانت الساعة بات 2:45 فرد وقاللى لا مش هاينفع وكمان البلوتوث مش موجود

فقلتله ليه مش هاينفع ؟

قاللى انا ماقدرش اعدل على مواصفات المصنع وكمان فنيا الفيوز بتاع الشاحن غير فيوز الولاعة

قلتله خلاص نغير الفيوز. قاللى لا برده اصل هما بره مرفعين السلك ومش هيستحمل الولاعو ومعدلين الضفيرة كمان

وهنا باه ماقدرتش امسك نفسى

زعقت وقليت ادبى وهزأته ( طبعا هما زحمة فانا كده جاى اتدلع فكان بيوزعنى )

وجاللى واحد من جوا خدنى وهدانى وبعد 3 ساعات تقريبا وبعد ما وصلت لمدير المركز عملت اللى انا عايزه غصب عن مناخيره

بس كان هيموت.....

ولقين عندهم البلوتوث بدل ما كان ب 92 جم بقى ب 200 جم وكمان مش موجود

ورحت ركبته قى وهدان ب 92 جم و25 مصنعية واصلى ماهو وهدان وكيل

دوول زبالة والهى

وبخصوص مصطفى شاهين انا طبعا عارف انه راجل محترم بس ربنا يستر ويصبر على شفيق جبر

ومايزهأش ويمشى

واسف على الاطالة

المشاركة الأصلية كتبت بواسطة pop

ويا ريت اعرف من حضرتك الاوبشنز بتاعها كله اصل انا عايز اشترى واحده من نفس الفئه ويا ريت تقولنا على اداءها وتقيمك ليها فى المده دى ؟؟؟؟؟
وانا اسف انى بطول عليك

اما يا باشا عن الاوبشنز فهى كالاتى

1- زينون + رشاشات
2- كراسى جلد مش كهرباء
3- فتحة سقف
4- Cd Changer 6 + memory card reader
5- جنوط 16
6- مثبت سرعة
7- مرايات ضم وتعتيم
8- سخانات كراسى
9- 2 ثلاجة
10- ASR وليس ESB
11- ستارة خلفيى مانوال
12- الفوانيس بتتحرك يمين وشمال مع الباور ( جامدة اوى )
13- بلوتوث
14- باركنج سنسور
15- تكييف ناحيتين
16- كمبيوتر سيارة
17- مدخل AUX
18- ابانوس تابلوه
19- 6 ابرباج
20 - 8 سماعات ( جامدين )

وده اللى انا افتكرته دلوقتى

اما عن تجربتى بها هوا انا عموما لسة ماكملتش 1000 كم

بس انا حاسس ان الباور بتاعها احسن من القديمة شوية
انما نفس الموتور العربية لازم تمشى ببنزين 95 والا مش هتحس بطعمها خالص وعلى فكرة ده مكتوب فى العربية مش راى انا ( 95 - 98 )

العربية بتجرى طبعا وخصوصا على ال S او المانوال من الفتيس التيبترونيك

وطبعا مش هتكلم عن الثبات لانه مفروغ منه بس انا لسه برضه ما سافرتش بيها لسه

واوعدكم انى هاتكلم اكتر ان شاء الله بعد ما امشى اكثر شوية