الاقى نيسان صنى الشكل ده فين ياجماعة؟؟

**mohammed1985** · 03-10-2009 03:47 PM

السلام عليكم
كيفكم شباب
كنت عاوز اسأل منين اقدر اجيب نيسان صنى الشكل ده فى مصر

لانى مش لاقى الا الشكل الجديد وبصراحة تصميم غبى جدا
وشفت العربية اللى ارفقت صورتها دى من يومين هنا بمصر وحاولت اسأل عن الشكل ده بالتوكيل ومالقيتوش\ياريت حد يفيدنى بالموضوع ده ممكن اجيب العربية دى منين او ازاى هنا فى مصر
ولو تعرفو رقم معرض ممكن يخلص فى الموضوع ده او تكون عنده اصلا ياريت تدلونى عليه
واللى عنده فكرة عن مواصفاتها الفنية او سعرها كام ياريت يقول لى
تحياتى لكم وشكرا جزيلا مقدما

**karaktar** · 03-10-2009 04:00 PM

انا باردو شوفت زى الشكل ده كتير فى الشوارع والدركسيون بتاعها عامل زى التيدا
ومستغرب بيجيبوها من فين مع انى ماشوفتهاش فى اى معرض
بصراحة شكلها احسن من الصنى التانية من رأيي

**sab3aawy** · 03-10-2009 07:24 PM

ده الشكل الذى يباع فى الخليج، وهو يصنيع كورى فى مصانع سامسونج لحساب نيسان، هذة السيارة كان فترة بيجيبوها تجار السيارات الخليجى، لكن حاليا معرفش لسه حد بيجيبها وللا لأ، انت محتاج تسأل عند الناس اللى بتجيب عربيتا خليجى زى ناشيونال موتورز مثلا اذا كانوا لسة بيجيبوها وللا لأ

**محمد ابراهيم 1** · 03-10-2009 08:54 PM

بس خد بالك إن الشكل ده سعره غالى جدا

**fady_anis** · 04-10-2009 11:04 PM

الشكل دا هوا اللى بينزل فى الخليج من بعد الشكل اللى موجود حالياً وكان متواجد فى مصر من فترة بس معرفش اختفى ولا ايه وكنت اسمع انها كورى وكمان سعرها تقريباً 120 او 125 ألف

**mr_sameh** · 05-10-2009 12:54 AM

واللهي احنا بلد غريبة قوي يعني اية موديل موجود برة ومش موجود هنا

**wal111** · 05-10-2009 02:32 AM

انا كنت فى السعودية وسألت على المودىل دة الكل كان بيشكر فى الموديل الموجود فى مصر

**M.Osman** · 05-10-2009 07:21 PM

المشاركة الأصلية كتبت بواسطة wal111

انا كنت فى السعودية وسألت على المودىل دة الكل كان بيشكر فى الموديل الموجود فى مصر

تمام كلام حضرتك
انا برضه سمعت كدا من الإمارات...
كله بيقول ان الموديل دا مش حلو زي اللي قبله اللي بيتباع في مصر.

اعتقد انها مخاطرة لو حضرتك تشتري الموديل الخليجي في مصر عشان الصيانة و الضمان

**mohamedbook** · 05-10-2009 07:40 PM

ممكن تجبها من السعودية
حد ينزل بيها وتدفع جماركها
هي هي نفس العربية الصني بس دية موديل 2008 بس في الخليج
اما احنا لازم الموديل يخلل عندنا لغية ميقول جاي والشعب يتشبع ويجيله اكتأب حاد منة عشان يحدثوة
بس العربية دية بتتصنع في كوريا مصانع سامونج وعليها علامة غير النيسان وممكن تنزل عليها علامة النيسان بس في مصانع نيسان الي في كوريا متغير الفونيس من ادام وورة وكمان الفوج ليت والفرامل abs
لكن الشكل القديم ممكن تجيبة من برة بس بلد المنشأء اليابان بس الكلام دة كان زمان مش هتلاقية اليومين دولة
وانا شايف ان شكلها تحفة اقرب ما يكون الي الاسكودا اكتافيا من وجهة نظري

**hamlet76** · 06-10-2009 12:09 AM

الموديل خليجي ومش انصح بيها ومش ماشية كويس في سوق السيارات في الخليج

الموضوع: الاقى نيسان صنى الشكل ده فين ياجماعة؟؟

LinkBack

أدوات الموضوع

عرض

-

-

-

المواضيع المتشابهه

نيسان صنى 2012 الشكل القديم ولا الشكل الجديد2013

نيسان صنى 2012 الشكل القديم ولا الشكل الجديد2013

الفروق بين نيسان صني (الشكل القديم) و (الشكل الجديد)

هو انا ممكن الاقى mazda 3 الشكل القديم زيرو دلوقتى يعنى ممكن يكون في حد لسه عنده ستوك

لقينا سيراتو الشكل القديم مسروقه عندنا ... يا ترى ممكن الاقى صاحبها هنا ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة