استفسار بخصوص بنزين البومة

**amru3** · 03-10-2009 03:50 PM

يا شباب انا معايا بومة في الا مارات وسمعت انها لو نزلت بيها مصر لازم تحط بنزين 95 خالي من الرصاص ؟ هل المعلومة دي صحيحة ارجو الافادة

**mada121977** · 04-10-2009 01:38 AM

المشاركة الأصلية كتبت بواسطة amru3

يا شباب انا معايا بومة في الا مارات وسمعت انها لو نزلت بيها مصر لازم تحط بنزين 95 خالي من الرصاص ؟ هل المعلومة دي صحيحة ارجو الافادة

الخليجى اللى هنا بيتحطلها 92 وشغاله تمام ومافيش مشاكل
انا مره كنت بمون من بنزينه عندنا فى المنصوره وكان قدامى بوما خليجى وتخيل كان بيمون ايه ؟؟
كان بيمون 80

**amru3** · 04-10-2009 07:13 AM

شكرا يا مادا علي ردك السريع زانا مكتوب عندي علي تانك البنزين unleaded fuel only هل 92 دة كدة ؟؟ ولا اية و معلش علي الاطالة لان الموضوع دة ممكن يخليني اصرف نظر علي اني انزل بيها اصلا ....

**mohamedway** · 04-10-2009 11:09 AM

Unleaded fuel only يعنى لازم البنزين يكون خالى من الرصاص بغض النظر عن رقم الأوكتان(90 أو 92 أو 95 .......إلخ) و البنزين الموجود فى مصر دلوقتى كله خالى من الرصاص من أول البنزين 80 حتى ال95.

طبعا عربيتك مواصفات خليجيه و ده بتحتاج بنزين 95 و ده موجود فى مصر بس غالى و مش أى حد بيحطه و لو عاوزه هتلاقيه ب 2.75 قرش للتر الواحد و يوجد ال92 و ده أغلب الناس بتحطه و كويس جدا حتى مع العربيات اللى مواصفاتها خليجى زى عربيتك و أصحابها شارينها من مصر و اللتر منه ب 1.85 قرش للتر و يوجد ال90 ب 1.75 قرش للتر و يوجد ال80 ب 90قرش للتر و شوف انت اللى يناسبك.

**amru3** · 04-10-2009 12:54 PM

الف شكر ليك يا محمد باشا و اشكرك علي المعلومات الحلوه دي ودا مش غريب علي الناس الحلوه امثالك :) شكرا

**Dr.SherifMansy** · 05-10-2009 02:27 AM

عادى خالص يا باشا تحط 92
انا و تقريبا كل ملاك البومة الخليجى فى المنتدى بنحطه و الحمد لله مافيش مشاكل

اللى الكل شبه اجمع عليه ان لو حطيت 95 يبقى هاتاخد ال 122 حصان كاملين اما لو بتحط 92 زى حالاتنا يبقى هاتاخد 108 حصان بس زى البومة المواصقات المصرية

و الله اعلم