سلام عليكم ...
انا ان شاء الله ناوي اجيب عربيه جديده بس للاسف محتار بين السيات كوردوبا و بين الهوندا سيتي
ممكن مساعدة
سؤال كمان هو فين ممكن الاقي الكوردوبا خليجي
عرض للطباعة
سلام عليكم ...
انا ان شاء الله ناوي اجيب عربيه جديده بس للاسف محتار بين السيات كوردوبا و بين الهوندا سيتي
ممكن مساعدة
سؤال كمان هو فين ممكن الاقي الكوردوبا خليجي
طبعا سيات من حيث الموتور سيات 1600 موتور وفتيس الجيتا حاجة محترمة المانى طبعا من حيث الصاج السيات تكسب من حيث الوسع فى الصالون السيتى تكسب بفرق قليل من حيث الشنطة سيات تكسب من حيث التقفيل ممكن تكون السيتى احسن فى الخامات بس بتاعت الصالون التكيف اليبانى معروف طبعا بتكيفه الجبار وخاصة هوندا
طبعا علي حسب راحتك الشخصية في الإتنين لأنهم الإتنين فيهم مميزات كتير
انا شخصيا أفضل الألماني علي اي مصنع تاني
يعني الكوردوبا أفضل من وجهة نظري
شكرا ليكم جدا
بس حد يعرف ممكن الاقي فين الكوردوبا خليجي وهي ممكن تفرق في السعر اد ايه
انا برده بفضل الالماني و انصحك بيه بعد تجربة فعلا فرق شاسع بينه و بين الياباني و كمان السيتي اعتقد انها متجمعة في حتة تانية غير اليابان مش فاكر فين
الخليجي بصراحة مش عارف امكان بيعه بس انا اعرف ان الخليجي ال 2008 ال 1400 سي سي ب 99900 الف
لما كنت ناوي أجيب عربية في حدود 80-90 الف كانت السيتي رقم واحد في إختياراتي لكن لما الوكيل استهبل و نزلها ب 129 ألف يعني فرقها حوالي 25 ألف عن السيفيك لغيتها من تفكيري خالص لأنها -من وجهة نظري- مغالي في سعرها جدا. و الايام لفت و لما ما باعتش زي الموديل اللي قبلها نزلها حوالي 14 ألف جنيه و برضه بصيت عليها نظرة أخيرة قبل ما اشتري الكوردوبا لقيت الكوردوبا فيها كماليات أكتر و قطع الغيار تكاد تكون واحدة إن لم تكن أقل لكن الكوردوبا ممكن ألاقي قطع غيارها عن بتوع سيات و سكودا و فولكس لكن الهوندا مالهاش غير هوندا بس .. قطع غيار هوندا غالية صحيح لكن معمرة و أعتقد إنها معمرة زي الكوردوبا.
هتلاقي في التوقيع مواصفات الكوردوبا لو حابب تبص عليها .. دا غير إن فيها حاجات بتكتشفها كده مع التجربة. و هاكتب عنها إن شاء الله.
قارن بين الاتنين كويس لأنهم عربيات محترمة واحدة ألماني و التانية ياباني و خد قرارك و استخير و ربنا يكتب لك الخير.
شكرا ليكم جميعا على الاهتمام ...
انا برده برجح الكوردوبا بس كنت محتار عشان العربية مش منتشرة ومش موجوده في الشوارع كتير وعشان كده فكرت في السيتي (تقفيل تيلاندي على فكره)
بس ان شاء الله هروح احجز الكوردوبا وربنا يسهل يا رب
شكرا ليكو بجد
ان شاء الله نباركلك قريب علي الكوردوبا و اهلا بيك معانا في قسم السيات