مشكلة فى الموتور

**gbgeorge** · 03-10-2009 04:56 PM

ياجماعة انا عندى فيات 132 رحت امبارح بيها مشوار نصف ساعة وجيت الصبح اشغل العربية لقيت صوت الموتور عالى لدرجة انى حسيت ان الشكمان مكسور فتحت الكبوت اشوف الصوت من الشكمان لقيت الصوت طالع من الموتور وفية زى صوت شخللة مع الصوت بس مش دايمة الصوت العالى هو ايلى دايم على طول ياريت حد يفيدنى ويقولى دة اية السبب

**sab3aawy** · 03-10-2009 06:03 PM

صوت الشخللة احتمال كبير جدا يكون اما من بليه طرمبة المية او بلية الدينامو، او ممكن يكون من ان طارة عمود الكرنك بتحف فى الميزان بسبب ضعف قواعد الموتور، بص على الحاجات دى الاول ، طبعا هى مجرد احتمالات لكن هى اقرب الاحتمالات للحدوث

**samirayad** · 03-10-2009 07:35 PM

أكشف برضه على سير الدينامو
أحتمال يكون تالف وعاوز يتغير

وبرضه حاول تحدد المكان بالتقريب من خلال الفحص الجيد لحوض الموتور

والمكنه دايره على السلانسيه
علشان تعرف الحاجه اللى بتحف دى أيه

**gbgeorge** · 04-10-2009 12:26 PM

اشكركم على اهتمامكم انا رحت للميكاميكى شاف العربية ولقى الصوت خارج من فرن الشكمان المتوصل بالمتور كان فية شرخ مخرج الصوت ورحت لبتاع الشكمانات وقالى انة لازم يتغير لانة لو اتلحم ممكن يرجع تانى فغيرة لحد قبل العلبة واخد 100 جنية فهل دة تمن معقول