جيتزاوي 2010 اتخبطت و محتاج مساعدتكم
الحمد لله على كل شيء
الجيتز اتخبطت حتة خبطة و الله يجازي البنات ( اللي مابيعرفوش يعني ايه سواقة )
الحكاية اني كنت ماشي في ليلة العيد في امان الله و فجأة بنت حلال كانت راكنة و بترجع بظهرها عمودي على الشارع من غير ماتشوف ايه اللي وراها والحمد لله ضيعت لي الباب الوراني و الرفرف و حتة من باب السواق
كانت ليلة زي الفل رحت عند سمكري في الحي السابع كان جدع معايا قعد من الساعة 9بالليل لغاية 7 الصبح وصلاة الفجر والعيد خلصت و لسه معايا لغاية ما رد الباب تمام المهم في الاخر بعد الرش العربية رجعت جديدة الحمد لله
بس فاضل مشكلة واحدة هي ( الجريدة او الباكتة او البلاستيكة اللي في جنب العربية ) مش عارف اجيبها منين و لفيت عليها شارع دمشق كله مفيش حد يبيعها غير التوكيل و طبعا السرقة علني تخيلوا تمن الحتة الواحدة 122 جنيه وانا عاوز الجنب كله يعني جريدتين
ياليت لو حديعرف مكان يبيع الحاجات دي او عارف اسعارها يقولي او يديني نمرته اكون شاكر جدا
نفسي العربية ترجع زي الاول