حد عندة فكرة عن كمبوند الربوة الهادئة ؟

حد عندة فكرة عن كمبوند الربوة الهادئة ؟
علشان معروض شقق باسعار جيدة 1400 للمتر و طرق سداد معقولة
فا لو حد عارف اى حاجة عن المكان او اى تفصيل

هو فى أنهى منطقة ؟

جنب البشاير فى منطقة التوسعات باكتوبر جنب نادى الصيد

شكرا للتوضيح

تقريبا الكومباوند نفسه لسه ما إتبناش ....

متابع للموضوع ..

وياريت اللى يعرف اى تفاصيل اكتر يقولنا

أنا واحد صاحبي جايب هناك ب 1750 المتر

ازاي حضرتك بتقول 1400 المتر
هو لسا 2011
و بتسوقه شركه بروج مقرها في هايبر ماركت
منين حضرتك المتر ب 1300 أنا أجيب هناك لو السعر بقا كده المنطقه مستقبلها ممتاز

هو أصلا مبني للقضاه و خبراء وزاره العدل

السعر انا جيبة من الشركة نفسها من المهندسين

هوا مش مبنى للقضاة مخصوص
هما بس اخدو 1500 وحدة من مجموع 2000 شقة

ممكن العنوان لو سمحت و نظام القسط ولو في تيليفون

الشرح فى الصور

0118581145

هو اللى اعرفه انهم بدأو بناء فعلا و مظم الاساسات قيد الانشاء و المساحات بتبدأ من 150 متر و كانو عاملين عرض كويس من فترة اللى يدفع اخر اربع اقساط ياخد محل فى المول مجانا تقريبا محتاجين سيوله

شكرا عالرد السريع بس يعني ايه لأعاده البيع اللي مكتوبه ديه

اقتباس:

---

المشاركة الأصلية كتبت بواسطة timodax

شكرا عالرد السريع بس يعني ايه لأعاده البيع اللي مكتوبه ديه

---

+1

وحكاية مزنوقين فى السيولة تخوف الصراحة

ومتابع باهتمام

الى مطمنى ان 1500 شقة للقضاة دى كويسة
اكيد الناس دول مش هيسبوهم كدة

صح كلامك بس الحذر واجب عشان أنا سامع كذا سعر و أنا قولت لصاحبي هايكسر الدنيا بكره أصل كده و اخدين منه بتاع 50000 زياده و ايه القسط عنده أربع سنين بس

طاب و التسليم هيبقى امتى ؟؟؟؟ ومفيش اى معلومات تانية

اقتباس:

---

المشاركة الأصلية كتبت بواسطة maka

طاب و التسليم هيبقى امتى ؟؟؟؟ ومفيش اى معلومات تانية

---

هما محتاجين سيوله عشان يخلصوا المشروع فى الوقت التفق عليه اصل اغلب المشروع قضاة و وكلاء نيابه و خبراء و اكيد مفيش حركات الاستهبال المعروفه مع الناس دول.
انا حاجز واحدة 150 متر فى القطعة 24 و المفروض التسليم يكون 6/2011 ان شاء الله و نصف تشطيب (تشطيب محارة)

اقتباس:

---

المشاركة الأصلية كتبت بواسطة timodax

صح كلامك بس الحذر واجب عشان أنا سامع كذا سعر و أنا قولت لصاحبي هايكسر الدنيا بكره أصل كده و اخدين منه بتاع 50000 زياده و ايه
القسط عنده أربع سنين بس

---

نظام التقسيط عندى كان:
1-دفعة مقدمة 40.000 فى 5/2008
2-دفعة حجز 26.000 فى 8/2008
3-اول قسط فى 10/2010و التقسيط لمدة سبع سنوات تنتهى فى 10/2016 ان شاء الله. بس دة كان نظام التقسيط مع نادى الخبراء مش مع الشركة اصلا و اكيد مع الشركة هيبقى مختلف تماما لانهم بيسوقوا الـ 500 وحدة اللى ملكهم بس.

معني كده ان العرض بتاع أستاذ شريف خليفه تبع القضاة و مش من الشركه بصوره مباشره

تبع العرض العادى .. يعنى مش للقضاه هيكون ازى؟

دفعه المقدم كام ؟ والحجز كام ؟
والقسط كام ومدته اد ايه ؟؟

العرض تبع اعادة البيع لصالح للقضاة
سعر الشركة 1750 جم

انا رحت امبارح الموقع
فى شغل بس المشكلة ان طريق الدخول لية صحرا تماما تماما
انا مش قلقان من التسليم
انا قلقان من الطرق الى حولية

اقتباس:

---

المشاركة الأصلية كتبت بواسطة Sherif Khalifa

العرض تبع اعادة البيع لصالح للقضاة
سعر الشركة 1750 جم

انا رحت امبارح الموقع
فى شغل بس المشكلة ان طريق الدخول لية صحرا تماما تماما
انا مش قلقان من التسليم
انا قلقان من الطرق الى حولية

---

طب يا ريت يا استاذ شريف توصفلى احسن طريق للموقع لانى كنت فى اكتوبر قبل كدة و معرفتش اروح و يا ريت لو تعرف تحدد المكان على Google maps

اقتباس:

---

المشاركة الأصلية كتبت بواسطة momohsen

طب يا ريت يا استاذ شريف توصفلى احسن طريق للموقع لانى كنت فى اكتوبر قبل كدة و معرفتش اروح و يا ريت لو تعرف تحدد المكان على google maps

---

هوا حضرتك حجزت من غير ما تشوف ؟!
هوا طريق من عند نادى الصيد هتكمل طوالى فى اتجاة البشاير
قيل اول يمين يدخل على البشاير هتدخل يمين فى مدق و بعد كدة شمال فى يمين هتلاقى بوبة المشروع
كل دا فى مدقات تراب وسط الرمل

اقتباس:

---

المشاركة الأصلية كتبت بواسطة sherif khalifa

هوا حضرتك حجزت من غير ما تشوف ؟!
هوا طريق من عند نادى الصيد هتكمل طوالى فى اتجاة البشاير
قيل اول يمين يدخل على البشاير هتدخل يمين فى مدق و بعد كدة شمال فى يمين هتلاقى بوبة المشروع
كل دا فى مدقات تراب وسط الرمل

---

ايوا اصلى كنت حاجزها تبع نادى الخبراء و شفت خريطه للمكان و سألت واحد صاحبى ساكن فى اكتوبر على المكان وطلع كويس و وقت الحجز كانت لسه صحراء تماما بس كانت طريقة السداد تبع نادى الخبراء مشجعه انى احجز حتى لو استثمار

الســــاده حـاجــزي وحـــدات الربـــوة الهادئـــة
برجاء التكرم بالإتصال برقم 0160810307 وذلك للوقوف على موقف الشركه فى ظل قرار سحب أرض المشروع من شركة الربوة الهادئة من قبل هيئه المجتمعات العمرانية وفى ظل قيام الشركه ببناء وحدات أقل من الموجوده فى العقد فالشقة التى تبلغ مساحتها 210 متر مربع في العقد تبلغ مساحتها على الطبيعة 119 متر مربع و للوقوف على الخطوات التى يجب إتباعها لتأمين موقفنا حيال سحب الأرض من الشركة و فى ظل هروب صاحب الشركه خارج البلاد .
نصيحــــــة هـامه لكــل الســادة حــاجزي وحــدات الربوة الهــادئة
لتأمين موقفك قبل هيئة المجتمعات العمرانية حيال سحب هيئة المجتمعات العمرانية لأرض مشروع الربوة الهادئة لعدم سداد الشركة القسط الثاني من ثمن الأرض يجب اتخاذ الخطوات التاليه :
اولاً:- الذهاب لنقطة شرطة التعمير بجهاز مدينة 6 أكتوبر
ثانياً:- عمل محضر لإثبات الحاله و التأشير على أصل العقد بالنظر وارفاق الصورة بالمحضر
ثالثاَ:- طلب المعاينه بمعرفة أحد مهندسى الجهاز
رابعاً:- أخذ صوره رسميه من نيابة 6 أكتوبر من هذا المحضر