أنا إشتريت سيارة إسبيرانزا تيجو 1600 مانيوال و كنت قبلها راكب فولكس فاجن بولو موديل 2000 لمدة عام و بعدين إشتريت فولكس فاجن بوينتر موديل 2005 لمدة عام ثم الإسبيرانزا التيجو و بصراحة السيارة زي الفل و مفيش فيها أي مشكلة السيارة ناعمة جدا و ثابتة علي الطريق حتي علي السرعات العالية وصلت بيها حتي 150 كيلو أما بالنسبة لإستهلاك البنزين فهو معقول جدا و التكييف ممتاز يعني مع إني كنت راكب ألماني محسيتش بفرق كبير باختصار السيارة روعة و أي كلام يتقال عليها يبقي ظلم كبير ليها أنا اكتب لكم بعد ما قطعت حتي الآن مسافة 4000 كيلو متر و السيارة و الحمد لله 100% و مفيش أي مشاكل سافرت بيها كام مرة مسافات طويلة و مفيش أي ملحوظة غير عادية و طبعا كنت عملت صيانة الألف كيلو غيروا زيت المحرك و حطوا زيت 10000 كيلو و غيروا الفلتر وربطوا العفشة و ظبطوا الأبواب و تكلفت حوالي 340 جنيه ثمن الزيت و الفلتر و إن شاء الله سأكتب لكم بعد صيانة ال 5000 كيلو و أي إستفسار أنا في الخدمة