السلام عليكم
أولا شكرا لكل اللي يشارك برأيه
الموضوع باختصار:
أنا باسافر كتيرشوية(3000كم/شهر) و محتاج عربية زيرو مانيوال حمار شغل بصيانة سهلة
يا ريت اللي يختار حاجة يقول السبب و يقول أجيبها 1/2 كماليات ولا كاملة
سقفي 70 ألف
جزاكم الله خيرا
عرض للطباعة
السلام عليكم
أولا شكرا لكل اللي يشارك برأيه
الموضوع باختصار:
أنا باسافر كتيرشوية(3000كم/شهر) و محتاج عربية زيرو مانيوال حمار شغل بصيانة سهلة
يا ريت اللي يختار حاجة يقول السبب و يقول أجيبها 1/2 كماليات ولا كاملة
سقفي 70 ألف
جزاكم الله خيرا
انا ارشحلك اللوجان وبقوة لانها عفشة حلوة وقطع غيار معمرة وواسعة وشكل حلو ولو هاتجيبها هاتها طبعا الكاملة لان الفاضية مافيهاش حاجة يدوب بتمشى
لوجان فل أوبشنز 67
بالنسبة للوجان ثابتة عن الفيرنا بكتير فى السرعات العالية و صجها أقوى و بها ايرباج و شنطتها واسعة أوى 510 لتر و الفول أوبشن ب 69900 .
و ربنا يوفقك للقرار الصحيح .
اولا الفول اوبشن ب 66900 مش ب 69900 لان ده اوفر بريس و ياريت الناس تشتري من التوكيل او من موزع معتمد بيبيع بالسعر الرسمي كفاية استغلال من التجار ,,, ثانيا بقي المقارنة دي ظلمت اوي السيينا و اللوجان لانك نزلتهم لمستوي مقارنة مع الفيرنا و الفيفيا و الاسبيرانزا دول فئة اعلي من وجهى نظري و افضل بكتييييييييير
أولا الف شكر مجددا.
ثانيا أنا لغاية دلوقت مش عارف ليه السيننا لأ. ايه رأيكم؟
أصل بصراحة شكلها حلو أوي
بص ياباشا الفيرنا ياريت تستبعدها..لانها من رايى..
1-ديقه ومش بتاعت عيله انا ركبتها اكتر من 10000 مره عمرى ما حسيت انها واسعه
2-عفشتها خفيفه على الارض (يعنى ثباتها مش حلو...لو لاقدر الله حصل حاجه مفاجأه على سرعه هتلبس هتلبس ودة لا قدر الله)
3-عربيه فقيره جدا فى التابلوه ومش بتعجبنى خالص وشكلها من جوه بيجبلى العصبى
طبعا الناس كلها هتهاجمنى فى النقط دى بس دة راى فى العربيه
الاسبرانزا والفيفا معرفش عنهم حاجه...بس عموما متدفعش فلوس فى صينى
السينا بقا عربيه ممتازه انا كنت هشتريها قبل النوبيرا ورحت شرين كار المزع المعتمد وشفتها....ومميزاتها
1-تابلوه شيك جدا جدا جدا
2العربيه واسعه وسع خرافى
3-الباور بتاعها جميل جدا (جربتها وانا واقف وشغلت الموتور كمان)
4-موتورها 1500 سى سى ايطالى 100 فى 100...والعفشه برضه...
5-الشنطه واسعه جدا
6-شكلها شيك وتكييفها رائع
لكن للاسف محصلش نصيب فى امتلاكها بسبب انها قليله جدا جدا والموضوع دة خوفنى اوى...بالاضافه انى رحت التوكيل لايته اقل توكيل فى المستوى وفى الخدمه (سئلت واحد لسا كان مخلص صيانه بونتو فى التوكيل) فأنا خفت اجازف بكل الالوفات دى
بالنسبه للوجان انا ارشحهالك...عربيه اوربى جميله والناس بتشكر فيها جامد وشكلها كويس وتوكيل محترم وكله تمام وشيك وثباتها حلو...هى انسب اختيار
دلوقتى انت بتقارن بين ال لوجان والسيينا وطبعا انا ارشحلك اللوجان