انا مهندس وساكن في مينه جديده وبفكر اشتري عربيه كويسه ومنشن علي الاوتوماتيك عشان انا لسه علي ادي في السواقه والمدينه الجديده فاضيه والواحد هايتعلم براحته

بس انا محتار بين شويه عربيات فيه بينهم فرق في السعر بس انا هاشتري قسط وممكن ادفع مقدم لغايه 40000 واقسط لغايه 1500 شهريا

1- الاكسنت 84000
2- الجين 2 88000
3- البيرسونا 90000
4- السيمبول 90000
5- ويوم اما افجر الياريس هاف اوبشن 96000


الاكسنت داخله دماغي عربيه حلوه وماتور قوي متطور شكل جديد واخدا جوايز في امريكا ومنتشره في السعوديه مع انها بتنزل 1400 هناك وكلنا عارفين هما بيعملو ايه في العربيات بس ماعرفش ايه اخبار الاتوماتيك بتاعها والثبات لحد 120 وكمان السحب مع التكييف والاوتوماتيك ولكن بحس انها ضيقه واحنا عيله من 5 افراد ما ان فيه ناس معاها الفرنا الي هيا اضيق وعايشين

الجين 2 برضو عربيه حلوه وناس كتير بتشكر في الماتور والكماليات وامان 2 اير باج بس بيشتكو من التقفيل وانا خايف من انها شركه ماليزي عمؤها 20 سنه بس وبرضه ما اعرفش ايه اخبار الاتوماتيك بتاعها وقلقان عشان الخبطه فيها تعور وقطع الغيار غاليه ومفيش سمكري يقدر يعدلها بالساهل خصوصا من الشنطه

البيرسونا هي الجين بس شنطه اوسع

السيمبول ما عرفش عنها حاجه


الياريس تعظيم سلام للياباني والماتور الشديد الموفر للبنزين 1300 والاوتوماتيك الياباني والتكيف الي ما بيأثرش علي السحب والامان 2 اير باج واعلي معايير الجوده تويوتا طبعا بس سعرها غالي والكبوت بلاستيك


عايز حد من الخبراء ينصحني وياريت تقيم من وجهه نظره الي هيا طبعا احسن من وجهه نظري السطحيه للعربيات الخمسه

ملحوظه انا طولي 185 س