يا استاذ ايمن الكلام ده مش علمى وكلها اختراعات وافتكاسات
المفروض يغير زيت الكرونة ويكشف على عمود الكردان صلايب وكرسى النص ممكن يكون عاوز يتغير
بالنسبة للسعر
هي موديل 1987
دواخل فبريكة
ومن الخارج مدهونة بالكامل وإن كان به بعض السجحات وبعض الصدأ في الرفرف الشمال
وبها ونة كرونة مسموعة ولكن بسيطة مقبولة
وأنا كشفت عليها وتأكدت من ذلك
غير كده ما فيهاش غلطة بسم الله ماشاء الله لا قوة إلا بالله
السعر 13000 جنيه
بالنسبة للمقارنة بينها وبين الريجاتا
مينفعش
لأن الفرق في السعر كبير جداً
فوق العشرة آلاف جنيه
وبالنسبة للكشف
أنا كشفت عليها أنا وواحد قريبي
إتأكدنا إن الدواخل نظيفة فبريكة
وإن الموتور فايق ورايق وحالته حلوة
وسلمنا أمرنا لله
والحمد لله أولاً وآخراً
بلاش يا د.تيمو عزبة شلبى دى وبعدين الكاوتشات من الحاجات اللى لازم تيجى زيرو مش زى اى قطعة غيار وخلاص
دى ارواح بنى آدمين
وايه اللى ضمنا الاستيراد ده كان معمول ايه بيه قبل كده ممكن شد ولا جرى ولا فرك ولا محفور من جديد
من رأيى بلاش نتهاون فى ارواحنا وارواح الناس اللى هاتركب معانا
ياريت تجيب 175 مش 185 عشان يكون مريح على الجنط كويس ومايبقاش مضغوط من الاجناب
بس مافيش مشكلة لو لقيت 175/70 او 175/80 لأن 70 او 80 ده ارتفاع جوانب الاطار مش هاتفرق كتير بروفايل العجلة غير حاجة بسيطة فى ارتفاع العربية
فالاحسن تسأل عند ناس تانية ويكون زيرو باكياسه ومتخزن كويس وتاريخ حديث الصنع وبلاش الاستيراد ولا المستعمل ولا الصينى ولا النسر الحجرى
خليك فى الماليزى زى الفل وطرى
والمقاس 185/80 ده بتاع الفيات 132 ويبقى جنوط 14 مش 13
اصل الاستيراد ديما بيبقي غالبا افضل من الحجات الدرجة تالتة اللي بتجيلنا في كل حاجة فكان رئيي انه بدل مش لاقي المقاس الاصلي انه يجيب استيراد حالته كويسة ويكون معاه حد بيفهم فيهم عشان يضمن ان لا فيه فرك ولا فحت زي مبتقول
حضرتك بالنسبه للونه بتاعت الكرونه فيه حاجه اسمهامانع الونه من شركه موبيل عبوه صغيره بتتحط مع زيت الكرونه وممكن حضرتك تحط زيت اتقل من اللي عندك في الكرونه وفيه ناس بتحط نشاره خشب في الكرونه علشان لنا تيجي تبيعها مايبقاش فيها ونه ولما يجي اللي اشتراها يغير زيت الكرونه يلاقي صوت ونه من هنا لاول الشارع
ألف شكر يا إسلام باشا
أنا إستخدمت مانع الونة فعلاً
لكن محصلش تغيير
لكن أن رسيت في النهاية إني أمشي بيها كده وفيما بعد لو زادت أبقى أظبط فيها
شكراً لكم جميعاً
الكوتش الخلفي عندي
175/70/13
عداد السرعة مضبوط حتى سرعة 80 كلم/س
بعد كده العداد يكون 110 مثلاً لكن السرعة الحقيقية 90 كلم/س
تفتكروا السبب هو الكوتش الخلفي مش مظبوط ؟
ولا العداد بايظ