الله يباركلك يا أستاذ ممدوح
عرض للطباعة
الله يباركلك يا أستاذ ممدوح
أستاذ ممدوح
أنا شفت الرشاشات الى عندى و لقتها زى النوع الوحش علشان السيارة موديل 2001 بس انا عاوز أسئل هو ضروى تكون وحشة؟ ولا ممكن يكون بعضهم كويس.
بصراحة العربية عمله 90 ألف و من ساعة ما أشتريتها و فيها الرشاشات دى و بصراحه عمرها ما طلعت دخنه و معدل استهلاك البنزين رائع و العربية بتدور من أول تكة و مبتقطعش لا فى الطلوع ولا فى المشى بس أنا بصراحه على طول أيدى فيها يعنى بغير كل السيور و البوجبهات فى ميعادها.
سؤال تانى (واسف على الأطالة) انا عندى علبة الشكمان الأمامية (الصغيرة) محتاجة تتغير عندكم فكرة عن سعرها و منين أشتريها؟
شكرا و جزاكم الله كل خير
لو اصدك على المسورة الى بين الفرن و علبة البيئة دى تمنها 150 جماقتباس:
سؤال تانى (واسف على الأطالة) انا عندى علبة الشكمان الأمامية (الصغيرة) محتاجة تتغير عندكم فكرة عن سعرها و منين أشتريها؟
هو فى الحقيقة قالولى ان فى علبتين فى الشكمان و احدة خلفية كبيرة وواحده امامية صغيره و ان الأمامية عاوزة تغيير علشان فى حاجة فى المصفاة بتاعتها
مش شرط بس 99% من اللى عندهم الرشاشات دى حصلهم مشاكل... عموما طالما عند شغالة يبقى خليهم و لو حصل منهم مشاكل انت عارف الحل ;)
العلبة اللى فى النص ب 150 جنية صناعة ابو اليزيد
MMamdouh
كلام سليم
بالنسبة للشكمان انا تسببت اثناء القيادة فوق حجر كبير باتلاف كلا من نصف علبة الشكمان الخلفى و نصف علبة الشكمان الاوسط
فرحت سألت عند الكثيرين عندى فى الهرم و هناك من افتوا بعمل لحام اجزاء على اجزاء ( محلات الشكمانات ) و لكن سبحان الله
وجدت ان الشكمان اللى فى السيارة نفسه هو ماركة ابو اليزيد و هو يتم تصنيعه فى مصر لحساب مصانع السيارات
و بالصدفة الشديدة اكتشفت بعد لف و دوران ان منفذ بيع شكمانات ابو اليزيد - التابع لمصنع ابو اليزيد نفسه ( البيع و التركيب ) موجود بجانب العمل عندى و مكانه بالتحديد اول ش مكرم عبيد داخل مركز خدمة النصر للسيارات و بيبقى شغال طول اليوم على اما اعتقد حتى بعد انتهاء دوام مركز خدمة النصر للسيارات
و قام بتغييره على طول باستخدام ماكينة رفع السيارة
و كمان عنده مكتب مكيف خاص للانتظار لو معاك المدام و الاولاد( فى الصيف ) زى ما حصل معايا و الاسعار معتدلة جدا جدا اعتقد شبيها بالاسعار المعلنة فوق .
شغلانة بسيطة بس كالمعتاد اذا لم يحالفك الحظ فى اختيار الشخص المناسب ممكن تبقى شغلانه كبيرة و تسبب مشاكل
هذا الموضوع حصل معايا من سنة و حبيت اتشاركه معكم
تحياتى
الله ينور عايك يا كريم
دى معلومه ممتازة و ياريت المسؤلبن عن المنتدى يعرفوها لكل الأعضاء
تسلم ايد كل اللي نفعنا بالمعلومات القيمة دي من اول الموضوع لاخره
من باب المعرفه وتبادل الافكار لى سؤال
هل ممكن ان ابدل الرشاشات من الاماكن الخاصة بها يعنى الرشاش الاول يتبدل مكان الرابع يعنى كلهم بيشتغلوا بمعدل واحد ودفعه واحده ونفس كميه الوقود ممكن علشان انا عارف ان حركه البستم مختلف
مع بعضهم يعنى لو عندى السحب فى العالى كويس ممكن ابدل الرشاشات ليصبح السحب فى السرعات الاقل هو اللى كويس افدونى افادكم الله
انا مفهمتش سؤالك الحقيقة بس حاحاول اجاوب على قد ما فهمت
اولا ممكن تركب اى رشاش مكان التانى لان الرشاشات الاربعة زى بعض و ملهمش مكان محدد على المسطرة
تركيب رشاش مكان التانى مفيد فى حالة اذا كان فيه شك ان رشاش قاطع فا بتبدل مكانة مع اللى جنبة يعنى مثلا شلت الرشاش اللى على بستم نمرة 1 اللى انت شاكك انه قاطع مع الرشاش اللى على بستم نمرة 2
لو الرشاش اللى انت شاكك فيه اشتغل لما حطيتة على بستم 2 يبقى الرشاش سليم و المشكلة ممكن فى ضفيرة الرشاش او فى بوجية نمرة واحد او اى حاجة تانية غير الرشاش اما لو فضل مش شغال يبقى الرشاش مات
اما تبديل الرشاشات سعيا وراء اداء احسن فا دة مش حيفرق خالص لان الرشاشات كلها بتشتغل مع بعض... او بمعنى اخر لو فيه رشاش مخرف حيبرجل الدنيا بغض النظر عن موقعة او عن سرعة لفات الموتور
ارجو ان تكون هى دى الاجابة اللى انت منتظرها و لو مش هى فا ارجو توضح بالضبط انت بتسال عن ايه عشان اعرف اجاوب مضبوط :)
MMamdouh