أنا معايا كورولا 2002 و الكراسي بقت تعمل أصوات طقطقة في المطبات، ده غير انها أصلا مش شيك و مش مريحة زي الألماني أو الايطالي.
سؤالي هو ممكن أركب بدلهم كراسي بي ام دبليو ؟ الموضوع ده مجرد فك و تركيب و لا فيه تغييرات و تجهيزات ؟
أنا خايف الكراسي تطلع أعرض أو أعلى، هي دي المشكلة الحقيقية.
و على فكرة محدش يفكر يقنعني بالكراسي الريكارو اللى مغرقة السوق دي، ممكن تبقى ممتعة لسواقة نص ساعة في اليوم، لكن مش ممكن تبقى مريحة في سفر.
منتظر الرد، و لو حد عنده فكرة عن أسعار يقوللى ارجوكم.
انت ممكن تفصلهم جلد مثلا او قماش قطيفة وتغير المادة الداخيلة (اسفنج.فيبر .........حاجات كتييير الاحسن تنزل تشوف محل سروجى وتشوف اية الاخبار عندة )
مقاسات قواعد الكراسى كلها واحد اللى بيتغير الضهر وارتفاع الكرسى على حسب تصميم السيارة ,انت ممكن تروح لموباكو وتشوف هناك تشكيلة الكراسى واختار بس هيبقوا غالين وكلة على حسب نوع وخامات الكرسى وفرش الكرسى ايضا ,
وانت لو مش مريحك الكراسى اللى عندك ممكن تشوف مثلا لو الاسفنج بتاعهم تعب وعايزين بتغيروا مش هايكلفوك كتير
والريكارو جميلة جدا بس انواع واشكال
يعني الكرسي مش مريحك ازاااي
الحديد بتاعة فااكك من جوة ولا اية بالظبط
ولو كدة روح لحدااد كرااسي يفورة ويظبطهوولك وبعدين قفلة جلد تااني
هتلاقية رجع زي الفابريقة
شكرا على الردود
و قصدي الكرسي مش مريحني يعني زي ما تقارن كرسي شاهين بكرسي بي ام دبليو مع احترامي
و كمان انه بقى كأنه مفكوك ، الظهر مش مربوط كويس حاجة كده ، لكن السفنج كويس و مهبطش.
عموما هجرب اقتراح اني اسأل عند بتوع الفرش
لو ممكن تقوللي مكان موباكو ده فين ؟؟
يا جماعة موباكو ده بتاع ملابس اساسا
يمكن تقصد موبيكا
هو موجود في شارع البطل احمد عبد العزيز في المهندسين جنب كولومبوس كافية
ده الموقع بتاعهم و فية عناوينهم كلها
هم اساسا بتوع اثاث بس اظن عندهم حاجات كتير تانية زي
أثاث مكتبى: أنظمة مكتب، كنب، طاولات، كراسى، خلايا عمل مكتبية، خزانات ملفات، أثاث طبى للمستشفيات، مختبرات أثاث فنادق: مطاعم، تصميم، أرضيات، أبواب، كاونترات، كراسى المؤتمرات والسينما، كسوة حوائط و أسقف، قواطيع وواجهات
مين قال ان كراسى البى ام اريح من الكورولا 2002
الا اذا كانت عريتك ضايعه خالص
يا جدعان ريحوا دماغكوا
بدل ماتدور و تلف و يطلع عينك يا معلم فى التدوير
أنت روح عند اسبير كار هوا على ماأظن فى أمتداد شارع رمسيس لانى من أسكندرية فمش عارف هوا فين بالظبط هبقى أجيبلك الموقع
و هتلاقى عندهم كراسى و فرش كتير جدا حتى لو هتقعد على كل كرسى قبل ماتشترية كمان هما أحلى حاجة عندهم راحه العميل و دا عرفتة من ردود ناس كتيرة جدا أتعاملت معاة فى المنتدى
فى الرد إلى جاى هجيبلك موقعهم أو عنوانهم
دة الموقع بتاعهم
Welcome to Spare Car
و دا موضوع كانوا الناس كلها شكرت فى سبير كار
http://www.nilemotors.net/Nile/69495-a.html
ردا على aymaym
لأ عربيتي مش ضايعة، جرب اركب بي ام 2002 أو أحدث و انت تعرف
من قال لا أعلم فقد أفتى
و شكرا للنصائح الغالية من كل الأعضاء، هشوف محل موبيكو و سبير كار.
و برده هسأل على كراسي عربيات استيراد و هقوللكم على النتيجة ان شاء الله