مصرع 13 واصابة 2 فى تصادم على طريق اكتوبر

**masterzmind** · 04-10-2009 02:46 AM

امبارح ونا راجع من الجامعة العاشر فرع اكتوبر الساعة 2:30 لقيت حدثة مروعةةةة عربية القايم بتعها فى مستوى الارش وناس حطين عليهم جرايد والصراحة الموقف كان رههههيب بالمعنى فا جبت المصرى اليوم وقولت انقل الخبر

لقى13 شخصا مصرعهم فى حادث مروع وقع ظهرا على طريق اكتوبر حيث دهست السيارة نقل سيارتى اجرة ( دة الميكروباص) وملاكى واوضحت التحقيقات والتحريات والمعاينة الاولية ان السيارة النقل كانت محملة بالرمال فى طريقها الى اكتوبر العجلة القيادة اختلت فى يد السائق وانحرفت الى الاتجاة المعاكس .................... الخ

والله الفروض يمنعو عربيات النقل دى خالص واحد ماشى من غير فرامل وواحد محشيش ربنا يستر دة طريق الكليات كتير ومعاهد استر يا رب

**amr.elsayed** · 04-10-2009 02:48 AM

لا حول ولا قوة الا بالله
ربنا يصبر اهلهم ويرحمهم ويغفر لهم
وربنا يستر طريقنا جميعا

**most_wanted** · 04-10-2009 02:56 AM

لا حول ولا قوه الا بالله
انا كل يووم وانا رايح الجامعه في طريق مصر اسماعليه بشوف حوادث كتيير اووي ومعظهم مقطوارت وملاكي لدرجه اني بخااف اروح الجامعه بالعربيه وباخد مواصلااات

**Mosmafa** · 04-10-2009 03:22 AM

طريق السويس افظع طريق ممكن تشوف عليه حوادث
بجد طريق الموت
من اول العبور لحااااااااااااااد العاشر حوادث كل يوم كل يوم
غير طبعا طرق الصعيد حدث ولا حرج وكلهم يا ميكروباص يا نقل

**Ahmed A Rahman** · 04-10-2009 04:14 AM

المشاركة الأصلية كتبت بواسطة mosmafa

طريق السويس افظع طريق ممكن تشوف عليه حوادث
بجد طريق الموت
من اول العبور لحااااااااااااااد العاشر حوادث كل يوم كل يوم
غير طبعا طرق الصعيد حدث ولا حرج وكلهم يا ميكروباص يا نقل

انت قصدك طريق الاسماعيلية طبعا صح؟؟

**Amrrr** · 04-10-2009 12:11 PM

الناس كلها نقل وغيره بتمشي بسرعات مالهاش اي لزمة وبصراحة منظر الحوادث دلوقتي بقى عادي ومش بيلفتني خالص وبحس ان اللي عمل حادثة هو المسئول عن نفسه وعن اللي وصل ليه بحياته وبعربيته - اللهم لا شماتة
انا متأكد لو واحد ماشي بسرعة معقولة وسايب مسافة معقولة بينه وبين اللي حواليه كلهم - مش اللي قدامه بس - بيتهيألي هيبقى في فرصة للتصرف
اي عربية ماشية على تسعين لو لمستلها فرامل هتقف من غير اي معاناة فوق كدة لأ
لو المسافات اللي بين العربيات معقولة هيبقى فيه فرصة للتصرف
وفي الآخر كله قضاء وقدر طبعا مفيش اعتراض بس ربنا قال ناخد بالأسباب

**hossaam** · 04-10-2009 02:25 PM

فين تواجد شرطة المرور والدوريات على مثل هذه الطرق ذات الكثافة المرورية
والتي تتكرر فيها الحوادث بدون حلول
عربيات النقل لازم يتخصصلها طرق خاصة بديلة او ساعات معينة في اليوم مع رقابة جامدة..
طبعا عارف اني باحلم..

**bassemali** · 04-10-2009 05:30 PM

انا مش عارف أخرتها أيه مع الحكومه المستهتره دي ... كل همهم الشنطه والمثلث وماتحطش أستيكرات وفاميه وسايبين بتوع النقل دول ماشيين محششين ومتنيلين بنيله ومتجاوزين للسرعه ومابيلتزموش بالحاره بتاعتهم في الطريق أقصى اليمين .... وادي النتيجه حوادث فظيعه كل يوم والتاني ... وشيل الله ياحكومه نظيفه.... .

**MoToRiZeR** · 04-10-2009 05:41 PM

هو ده طريق الإسماعيلية ولا طريق الواحات ؟!

انا شفت حادثة بشعة إمبارح علي طريق الواحات و برضه مات فيها 13 واحد .. عربية نقل عدت الجزيرة اللي في النص و دخلت في ميكروباص ماشي الناحية التانية و دخلته في ملاكي تقريباَ .. ده وصف واحد صاحبي، انا اللي شفته العربية النقل داخلة في بوابة كومباوند سكني عالناحية التانية (!!!!!!!!) و عربيات متشدشة .

المشكلة الناس بتاخد غرز عالطريق ده و هو سئ جداَ جداَ و غير مناسب للسرعات فوق 70 و الله ! لأن شايلين من أجزاء الأسفلت لإعادة السفلتة و طبعاَ النقل مش بيتوصي .