الموضوع: مشكله ظهرتلى ياخونااا غريبه جدا........

لو السوست الرياضيه أنشف من اللى راكبه عندك
وبنفس الأبعاد (الطول والقطر وسمك الحلقه بتاعة السوسته )

يبقى توكل على الله وشيل العلايات والسوست الطريه اللى عندك
ومفيش أى مشاكل حتحصل على العفشه أو المساعدين
طالما أنت ملتزم بنفس أبعاد سوستك الحاليه
عن نفسى لو لقيت سوست كمان أنشف من اللى أنا مبدلهم
وبنفس الأبعاد حغيرهم تانى وأشيل العلايات كمان
أهم شىء عندى أن العربيه تبقى شده حيلها من ورا مع الأحمال الخلفيه

هو الموضوع حساس شويه برضه
وعاوزين نفكر سواء

- أيه اللى بيمتص الصدمات بتاعة العجل وهو طالع نازل على الطرق
الغير مستويه أو المطبات الهوائيه ....المساعدين
- أما وظيفة السوست عامة هو تعليق مكونات السياره (حسب الحمل ) وتفيد فى أمتصاص أى صدمه فجائيه
بتحصل على أى منطقة تعليق نتيجة تعرض العجله دى لهبوط أو صعود على مطب معين
والمساعد أساسا أسمه مخمد صدمات أو ماصص صدمات

يبقى أيه اللى حينظلم مع وجود سوست رياضيه ناشفه مع تعرضها لحمل تصادمى فجائى
طبعا السوست حتبقى ناشفه عن الازم ومش حتنضم بسلاسه وسهوله (وممكن تنكسر لو كان الحمل عنيف فى الللحظه دى )
ده مع وجود حمل صدمة على أى منطقة تعشيق فى أى مطب هواء (لأن مرونتها تكاد تكون منعدمه فى اللحظه دى )

يبقى هنا أكثر قطعه عرضه أنها يحدث عليها أجهاد شديد هو المساعد
وممكن يضرب فورا

أما الشاسيه فكده كده حياخد الصدمه دى
سواء كانت السوسته طريه أو ناشفه
بس السوسته حتشيل مع المساعد لما تكون طريه (حمل التصادم مع هبوط الفرده الفجائى ) عن السوسته الناشفه
يبقى اللى حينظلم هو المساعد مع السوست الناشفه

دول شوية دردشه كده على السريع على منفكر تانى
وكل واحد يقول وجهة نظره (لحين الأقتناع الكامل )
وأنا فكرت فى الشويه دول بسرعه لأنى نازل دلوقتى للشغل
وجارى البحث عن أفكار جديده أن وجدت وسيتم كتابتها