متابع بإهتمام لأن نفسى أخلص من المشكلة دى بصراحة عشان زهقتنى وياريت برضه أستاذ محمد يقولنا وجهة نظره فى الموضوع ده ويا ترى هو عامله فى عربيته ولا لأ
عرض للطباعة
فى الحقيقه يا أستاذ :أيمن
أنا فكرت تانى فى الموضوع ده
وشايف أن تعليقى السابق مقنع جدا بالنسبه لى على الأقل .........ليه
اللى بيشيل حمل التصادم الفجائى مع السرعه على مطب هوائى مثلا أيه
المساعد والسوسته .....ياعنى الأثنين بيشيلوا مع بعض الحمل الفجائى ده
نعم المساعد هو ماصص الصدمات
بس لما تبقى السوست طريه حتساعد المساعد فى تلقى الصدمه دى لأنها طريه وفيها مرونه
والعكس صحيح مع السوست الرياضيه الناشفه ....الحمل الفجائى ده حيكون على المساعد برضه
بس السوست مش حتنضم أكتر وممكن تنكسر وممكن يبوظ المساعد
يبقى نطلع من أيه بالحوار دا كله
عاوز عربيه شده حيلها وحتحافظ عليها من المطبات وتخللى بالك من المطبات الهوائيه وتحافظ بقدر الأمكان .....يبقى عليك وعلى السوست الناشفه
ووضعنا الحالى معروف لعدم الأطاله
انا مش مركب سوست رياضية فى عربيتى لانها عربية عيلة... بالتالى ميفعش لا تبقى ناشفة ولا تبقى واطية (للاسف)
السوست السبور بتبقى ليها مقاومة اكبر لانها تنضغط و تتفرد بالتالى تاثير المطبات عليها بيبقى اقل فى مقابل قلة عنصر الراحة
لم ا بتقابل مطب هوا بتحس ان العربية طارت من على الارض... دة بيحصل لان السوست العادية بتتفرد كتير و تنضعط كتير بالتالى بتبقى حركة جسم العربية كتير جدا و بتحس بموضوع الطيران دة
مع السوست السبور الحركة دى حتقل كتير و العربية حتحاول تتبع شكل الطريق فى الارتفاع و الانخفاض بدلا من الطيران بس دة حيبقى فى مقابل شعورك بالراحة داخل العربية... يعنى بدل ما تحس ان العربية طايرة بيك حتحس انك انت شخصيا اللى طاير جوة الصالون لان السوست مقللتش من تاثير الارتفاع و الاخفاض بالتالى التاثير دة حيتنقل للسواق و الركاب
بالنسبة لموضوع كسر السوست فا دة مستبعد تماما لان السوست دى معمولة بحساب... هى فى الاساس مش سوست انشف فقط لا غير انما تخانتها مختلفة على مدى طولها بالتالى مقاومتها بتزيد مع زيادة انضغاطها و دة اللى بيفرقها عن السوست المقصوصة
السوستة المقصوصة بتبقى انشف بكتير من السوستة الرياضية و مع تعرضها للانضغاط مع قلة عنصر الليونة بتتكسر نتيجة الاحجهاد باللى دا غير انها مبتديش ثبات للعربية لان العجل بيبداء يتنطت من على الطريق نتيجة ضعف عنصر الليونة
عموما لو حد بيفكر انة يركب سوست سبور لمواجهة المطبات و الحفر اللى فى الشوارع يبقى الموضوع مش حيتحسن خالص... السوست السبور انشف من الاصلى... لكن لو عايز تعالج مشكلة مطبات الهوا يبقى السوست السبور حتحل المشكلة
MMamdouh
الله ينور عليكم والله
يا أستاذ محمد ماهو ده السبب إللى عشانه بفكر إنى أركب السوست الرياضية إنى برضه عربيتى عربية عائلية يعنى كتير بنكون خمس أفراد جوة العربية وبسافر بيها كتير وفى الحالات دى بحس إن الكاوتش خلاص هايلمس الكارتيرة وبيحصل كده فعلاً لما باخد مطب جامد أو مطب هواء وقلبى بيتقطع وأنا بسمع صوت إحتكاك الكاوتش .. فكده أنا محتار السوست الرياضية ها تيجى بفايدة ولا هاحس إنى راكب عربية كارو من كتر النشوفية ولا أرضى بالأمر الواقع وأخلينى زى ما أنا ماشى ؟ مش عارف هل عندك حل للموضوع ده يعنى هل توجد نوعية من السوست تعطينا حل وسط ؟
بص... فيه فكرة مجنونة شوية... ركب سوست رياضية مع علايات تعادل نسبة التخفيض فى الارتفاع
يعنى السوست الابكس بتخفض حوالى 2.5 الى 3 سنتى... ركبهم مع علايات 2.5 الى 3 سنتى و بكدة يبقى العربية مازالت فى نفس الارتفاع الاصلى لكن السوست بقت انشف و العربية مش حتهبط جامد فى المطبات زى الاول
انا طبعا مجربتش القصة دى فا مش متاكد من النتيجة
MMamdouh
دى حاجة و دى حاجة تانية
MMamdouh