لازم نشوف حل

**lol1986** · 04-10-2009 02:24 PM

السلام عليكم واتمنى الخير لكل اعضاء المنتدى الكريم
المهم
دلوقتى الحكومة والمرور سمحو بالعربيات اللى زجاجها ملون ومثبت فى المخالصة الجمركية
طب والباقى
عندك الكارنز مثلا زجاج ملون وتمنها 110000 طب لو انا عايز زجاج ملون قى سيراتو ماهى اعلى سعر او كوب او حتى هوندا اعمل ايه
قولنا الفاميه بس البشاوات مانعينه ايه العمل
طب نرفع صوتنا لمين
احنا مش عايزين حتى الفاميه المتنيل الاسود ولا حتى ال mediam يخلونا نفيم الفاميه الخفيف نشيل شويه من سخونة الشمس بدل مابنتعمى وعشان الخصوصية
يعنى الواحد بيبقى قاعد فى العربية ومصر كلها قاعده معاه
مش بطلب الفاميه ال dark
نخلينا فى فاميه معتدل يحد من الحرارة ونظرات الناس ولا يحجب الروؤية
عايززززييييييييييييين حل نعمل ايه

**M.Mosaad** · 04-10-2009 04:14 PM

مفيش حل قانوني
شوفلك واسطة تكتبلك في الرخصة مصرح بفاميه و خلاص
بس هو بيني و بينك المفروض ان الكارنز عربيه عائليه فدة علشان الخصوصيه انا مش عارف هي كلها متفيمه لا الخلفي بس

**Car's Sniper** · 05-10-2009 08:10 AM

عن نفسى مش مقتنع اساسا بالقانون اللى بيمنع الفاميه ده لان اللى عنده عربية مش محتاج يعمل فعل فاضح فيها لان معاه فلوس يأجر شقة من اياهم وكدة غير اللى هتلاقيه بيعمل كدة هتلاقيه من ولاد الاكابر ومفيم عربيته اساسا من غير مايكون فى رخصته فاميه وناس تانيه بتحط ستاير وساعات الظباط مابيقولوش حاجة بجد قانون مالهوش لازمة

**MoOoD** · 25-01-2010 12:01 PM

للأسف بتوع المرور عندهم حق وإحنا كمان عندنا حق
بس إزاى الطرفين يتفقوا دى بقى صعبه

مثلاً إحنا عاوزين نركب فاميه
عشان الحر والشمس
عشان لما يكون راكب معاك أهل بيتك
عشان المنظر العام للعربيه " شكل فقط"
لأسباب تانيه معقوله
----------------------------
بتوع المرور بيقولوا ممنوع
-ممكن حد يخطف حد ويحطوا جوه العربيه وفين وفين لما حد هيقولوا إفتح الإزاز وورينى ايه ورا
-فى ناس بتعمل حاجات منافيه للآداب فى العربيات المتفيمه.وبتفيم مخصوص عشان كده.
-فى بعض الناس بتعمل جوه العربيه قاعده وبيظبطوا المكان على الأخر وتلاقى جو سلطانى غريب وتحس إن فى حريقه جوه العربيه والدخان خارج من حته كده يا دوب هوه فاتحها عشان الدخانه دى متكلفه ولازم تتحبس جوه بس.

فزى مانا وضحت هما معاهم حق وإحنا معانا حق.
بس أعتقد لو كان الفميه مسموح بيه لحد 30 % فكده حل وسط يرضى الطرفين
ولا ايه رأيكم