الفرق بين السرعة و التهور

**icehearted girl** · 05-10-2009 03:41 PM

180?

حضرتك لو بسس عديت جنبي هيجيلي heart attack

**Hegazio** · 05-10-2009 03:47 PM

انا و الله كل ما كنت اروح المشوار ده أو المدينة
و كان متوسط السرعة للأمانة 150 كنت بأجيب ال 200 لمدة ثانية واحدة عشان اتأكد ان العربية لسه بتجيب ال200
( هي نفس العربية اللي نزلتها من هناك .. ميجي حبيبتي )

**ams** · 05-10-2009 04:55 PM

المشاركة الأصلية كتبت بواسطة عبد الرحمن اسامه

فهل في الحالة دي التزم بالقانون برده ام ان القانون يعتبر غير منطقي فلا التزم به ؟

حضرتك لما يبقى اختبار التصادم بيتم على سرعة 160 او 180 كم\ساعة متلتزمش بالقانون ده

**TaoTao** · 05-10-2009 08:12 PM

لو جيت للحق السرعة نوع من أنواع التهور، ولكن .. هناك سرعة بوعي كما فعلت حضرتك في طريق سريع وممهد والكثافة المرورية مناسبة (مع امتلاك المهارة الكافية للخروج من المواقف الحرجة والتأكد من حالة السيارة)، وبين القيادة بسرعة بدون توفر أيٍ مما سبق .. المثال على هذا موضوع عمله أحد الزملاء في المنتدى حيث كان يسير على الكورنيش بسرعة 90 كيلو متر/ساعة لغاية هنا الموضوع تمام، اللي مش تمام إنه تفادى أسرة تعبر الشارع فيفاجأ بفتاة ولا يستطيع تفاديها فيصدمها لتطير وتقع على بعد 15 متر وفي الآخر يتهم عابري الطريق باللامبالاة !! طبعاً صاحبنا خد اللي فيه النصيب من تعليقات الأعضاء لأنه يقود بسرعة وتهور دون قراءة الطريق وكمان لا يبالي بحياة الناس الذين هددهم.
الخلاصة السرعة المناسبة للطريق ولحالة السيارة مش غلط، ولكن لو تركنا الموضوع لمهارة قائد السيارة كل واحد هايعتبر نفسه شوماخر ويفعل كما فعل زميلنا صاحب حادث الكورنيش. عشان كدة لازم يتعمل حدود للسرعة القصوى، ولازم نلتزم بيها.

**A.Saad** · 06-10-2009 02:40 PM

المشاركة الأصلية كتبت بواسطة ams

حضرتك لما يبقى اختبار التصادم بيتم على سرعة 160 او 180 كم\ساعة متلتزمش بالقانون ده

اسمحى لى اختلف معاك بشده
لان اختبار التصادم او اختبار اى معدة مش تصريح انك تسوقها فى كل مكان بالسرعة دى

وطبعا زى ما حضرتك عارف ان اختبارات التصادم بتتم فى اماكن مخصصة لذلك

وكمان اللى محدد سرعة الطريق ليه اسبابه

**M.Osman** · 06-10-2009 03:30 PM

لسه امبارح
مروح بالليل ماشي 90-100 كدا و الطريق قدامي وورايا كان فاضي و ماسك شمالي (لأنه طريق زراعي .. مينفعش امشي في الضلمة عاليمين ..ممكن تكون حاجة واقفة ..إلخ)

فجأة
ظهر قدامي واحد ماشي على 50 مثلا و طافي النور

يدوبك هديت و روحت معديه

**Samah AbdAllah** · 06-10-2009 06:04 PM

المشاركة الأصلية كتبت بواسطة se_coralsea

شكرا لكي أختي العزيزة و كل الاخوة اللي شرفوني بالرد في هذا الموضوع و مش هانختلف في أني مخطئ بنسبة كبيرة جدا و بالرغم من ان السبب الذي ذكرته لكم و هو حالة طارئة و لكنها خاصة جدا ليس مبرر لهذه السرعة لكني أقدم لكم الاسباب و الدوافع التي جعلتني اسلك مثل هذه المخاطرة المحسوبة :
1- احتياج العمل الشديد الذي يتوجب علي التواجد في مكان و زمان محددين بالثانية و تلك هي قيمة الوقت و الثانية في مجال النقل البحري و تقديري للمسؤلية الملقاة عليا
2- امتلاكي لأداة (السيارة) تساعدني علي تنفيذ المهمة و الوصول الي هدفي بسرعة و امان
3- حرصي الدائم علي صيانة سيارتي و التأكد من كل شئ بها قبل السفر و بعده يجعلني مطمئن لها وواثق من ادائها (طبعا التسليم بقضاء الله و قدره أمر حتمي لامفر منه و لكني بأعمل اللي عليا و بأخذ بالاسباب)
4- القيادة بسرعة لها عدة شروط بالنسبة لي يجب توافرها (طريق ممهد جيدا - الكثافة المرورية علي الطريق خفيفة أو متوسطة - الرؤية بالطريق واضحة - طقس جيد و يسمح بالرؤية - البعد عن المناطق السكنية و خلو الطريق من المشاة - المعرفة الجيدة للطريق)
5- تجنب الغرز بين العربيات ألا للضرورة القصوي و بشكل لايعرضني أو من حولي من السيارات الاخري للخطر
6- تحذير السيارات التي امامي بشكل مستمر بأستخدام النور العالي و الاشارات الجانبية او التنبيه الصوتي (الكلاكس) بأني مسرع و في احتياج للمرور بسرعة من اليسار

علي فكرة انا امبارح لو عارف ان فيه رادار برضه ماكنتش هاقلل من سرعتي لأن زي ماقولت لكم الموضوع كان فعلا خطير و مايستحملش تأخير دقيقة واحدة و كنت مستعد ادفع الغرامة لكن في نفس الوقت مش لدرجة أني اغامر بحياتي لو حالة الطريق لاتسمح لي بهذه السرعة بدليل أني اضطررت لتخفيض السرعة اكثر من مرة الي مادون ال 60 كم/ساعة اثناء مروري بمناطق سكنية أو مزدحمة بالسيارات عكس البعض ممن يستمرون بنفس السرعات و يفضلون الغرز يمين في شمال

طبعا هذه ليست دعوة للسرعة و لكنها دعوة للتأني و عدم التهور بالقيادة و ان أضطرتك الظروف الي السرعة (و ربنا مايكتب علينا حاجة وحشة ابدا) فبرضه تكون هذه السرعة مقترنة بالعقل

أرجو أني اكون قدرت اوصل الرسالة و اسف لو كنت طولت عليكم

و لكم جميعا خالص تحياتي
م/ سمير الشهاوي

انا شخصيا مقدرة تماما لقيمة الثانية فى النقل البحرى واتمنى تكون الحكومة ورجال المرور كمان مقدرين
وربنا مع حضرتك والحمدلله انك وصلت بالسلامة وبالتوفيق فى عملك ان شاء الله
بس مطمنتناش المهمة نفذت بنجاح الحمدلله؟؟؟؟

-

-

الموضوع: الفرق بين السرعة و التهور

LinkBack

أدوات الموضوع

عرض

-

-

-

-

-

-

المواضيع المتشابهه

التهور السعودي ...!!!

الى كل محبى الشد و الغرز و التهور...

دي آخرة التهور ...

هل إنت شايف إن التهور في السواقة مرتبط بالشباب ؟

الكلمات الدلالية لهذا الموضوع

المفضلات

المفضلات

ضوابط المشاركة