++++++++++1111111111
عرض للطباعة
طبعا انا مقدر ردودكم و مشاركاتكم اللي انا شخصيا بأستفيد منها الكثير و طبعا كالعادة كنت مسافر بالامس الي الاسماعيلية ثم العودة الي مدينة بدر ثم أخيرا الي القاهرة
- في البداية و انا ذاهب الي الاسماعيلية في الصباح كنت علي عجل من امري كي اصل في الموعد المحدد فكانت سرعتي في حدود ال (140 - 160 )كم/ساعة و لكن دون غرز و حركات بهلوانية و اللي ساعدني ان الطريق كان فاضي
- أثناء العودة من الاسماعيلية الي مدينة بدر كان امامي متسع من الوقت فكنت أسير بالسرعة القانونية للطريق (90-100) كم/ساعة و كنت اسير علي يمين الطريق طوال الوقت حتي مدخل العاشر من رمضان و أليكم ملاحظاتي التي لم ألحظها من قبل اثناء السير بسرعة عالية :
1- الجانب الايمن من الطريق كله هبوط بفعل النقل الثقيل و العربية كانت عمالة تنطط عليه كأنها ماشية علي مدق ترابي
2- لم أسلم من سباقات السرعة و محاولات التخطي من اليمين و اليسار الامر الذي دفعني كثيرا من تخفيض سرعتي حتي 40 كم/ساعة كي اتجاوز الازمات التي يحدثها القادمون من الخلف بسرعات عالية دونما تقدير للموقف أمامي (عكس ماكنت افعله)
3- لاحظت أثناء الطريق أن هناك بعض السائقين يتفننون و يستمتعون بوضع أنفسهم و من حولهم في مواقف صعبة و حرجة بالرغم من امكانية سيرهم في الطريق بسلاسة و يسر دون الاضطرار الي الغرز و الحركات البهلوانية في مسافات ضيقة
4- اكتشفت شئ مهم جدا و هو ان ماكنت ادعيه باني أقوم احيانا باتباع أسلوب الغرز فهو ليس غرز بالمرة لأني حينما كنت اتخطي سيارتين احداهما في اليمين و الاخري في اليسار فأن المسافة البينية بينهما كانت لاتقل عن 10 متر و بسرعة لاتزيد عن ال 140 كم/ساعة عكس البعض الذي يتلذذ بالتخطي بين سيارتين المسافة بينهما تكاد تكفي لمرور سيارته و بسرعة اعلي من ال 120 كم/ساعة دون اي داعي
اقتباس:
بس مطمنتناش المهمة نفذت بنجاح الحمدلله؟؟؟؟
الحمد لله وصلت قبل موعدي بنصف ساعة و اتممت مهمتي علي السفينة في 10 دقائق (أيضا لظروف خاصة بالعبور في قناة السويس) و عدت الي منزلي بسلام في المساء
حمدالله ع السلامة
عندك حق
انا ساعات بمشى بسرعه قال يعنى مستعجل وبعدى عربيات على الطريق طبعا
ولما بوصل بلاقى العربيات دى كلها ماشيه معايا يعنى فعلا فرق السرعه ده مش هيفرق اوى
هو بس سببه حاجه من ال self satisfaction حاجه فى النفس البشريه انه همشى بسرعه هسبق كل الى على الطريق هوصل قبلهم كلهم هبقى فرحان اوى
شوف حضرتك ..
علي الطرق بتاعتنا السرعة مش هاتفرق كتير لأنك بتمشي بسرعات عالية لحظيا نظرا لأنك هاتضطر تهدي لأكثر من مرة لأكثر من سبب :
- مطبات
- الطريق واقف (لجنة - حادثة - أشغال بالطريق - ....)
- عربيات بطيئة علي اليمين و الشمال
- مرور الطريق بمناطق سكنية و تقاطعات و هكذا
و بالتالي الفرق في الوقت اللي هاتوفره مش هايزيد عن 5 دقائق في المسافات القصيرة و من 15 الي 20 دقيقة في المسافات الطويلة (500 كم زي الغردقة مثلا) و ده عن تجارب قمت بها فعلا
يبقي علي أيه بقي الجري و السرعة و حرق الاعصاب و البنزين و زيادة معدل أستهلاك العربية (موتور - فرامل - كاوتش) ألا لو مستعجل بجد و فيه حالة طارئة او سبب قوي يخليك عايز توصل في وقت محدد زي مابيحصل معايا كده بسبب ظروف الشغل و هنا لازم الجري ده يبقي بنتيجة ايجابية بمعني مايكونش علي الفاض و توفر 5 دقائق يبقي ماعملناش حاجة لكن في حالتي انا وفرت 30 دقيقة بأستخدام السرعة العالية بأقل نسبة مخاطرة و دي معادلة صعبة أخدت وقت طويل لحد ماوصلت لها من خلال تكرار سفري علي طرق مختلفة
المهم انا نفسي أوصل رسالة مفادها الاتي :
- ياريت الناس اللي بتمشي لازقة في الجنب الشمال تفسح الطريق للسيارات القادمة من الخلف بسرعة اعلي
- ياريت نفكر ان اللي ماشي بسرعة ده ممكن يكون عنده سبب قوي للسرعة دي (طبيب مثلا و عايز يلحق حالة حرجة - واحد معاه حد مريض و عايز يلحق يوصله لأقرب مستشفي - ......)
- برضه اللي مستعجل ياريت يحاول يوصل رسالة للعربيات اللي حواليه بأنه في حالة طارئة زي (أشارات الانتظار - اٍستخدام النور العالي)
و برضه لو هانمشي بسرعة لأي سبب يبقي بعقل و تقدير لحالة الطريق و هل السرعة دي مناسبة و لا لأ
من 13 سنه تقريبا كنا بنسافر من المدينه المنوره لجده بالعربيه وكان والدي الله يمسيه بالخير هو اللي بيسوق ..
ومن المعروف عندنا في العائله ان والدي من اكثر الناس حرصا في السواقه واكثرهم بطئا نتيجه لحرصه الشديد
المهم ان والدي كان بيمشي على الطريق ده على سرعه 140 كم في الساعه وساعات كان بيوصل ل160 ...ووالله العربيات كانت بتعدي جمبه من اليمين والشمال ولا كانه ماشي على سرعه 20 كم
والسرعه الرسميه على الطريق كانت 120 كم ..وطبعا لايوجد عربيه واحده ماشيه على 140 حتى (غير عربيتنا:shine[1]: )
سوق بسرعه 120 تصل بسرعه
سوق بتهور 140----....*توصل متعور ان وصلت اساسا
ربنا يستر علي الجميع