تشخيص المشكلة :
أولاً : نسبة كبيرة من المدارس لغت الباصات .. وبالتالي بقى لازم الأب أو الأم يدبروا مواصلة أو ياخدوا أولادهم بنفسهم .. والحكاية دي سببت ارتباك رهيب جداً
ثانياً : مواعيد انتهاء اليوم الدراسي اتغيرت بالنسبة للمراحل الدراسية بقى الكي جي بيخلص 12 الظهر ويبدأ 9
والابتدائي من 7.30 لحد 2.30
والإعدادي من 8.30 لحد 3.5
والثانوي من 9 لحد 4
وده طبعاً هلاك صريح لأولياء الأمور بقوا مضطرين ياخدوا المشوار مرتين رايح جاي لكل طفل ده لو عندهم طفلين في مراحل مختلفة .
المدارس الحكومية بقت فترتين الأولى بتبدأ من 7 لحد 12.30 والثانية من 1 لحد 6 مساء
والحكاية بقت بزرميط على الآخر
فطبيعي جداً الدنيا كلها تتعك زي ما كلنا شفنا النهاردة ولسه كمان الأيام القادمة لحد ما كل أسرة تظبط أحوالها وظروفها ..
وربنا يسهل
تقبلوا خالص مودتي
المفضلات