إيه أخبار المدارس يا مهمهات و بهبهات المنتدى؟

**icehearted girl** · 04-10-2009 07:35 PM

ودي يمنعوها ازاي يا موتورايزر؟

**mr_sameh** · 04-10-2009 09:01 PM

اظرف حاجة موضوع الكمامة العيال مبسوطة بيها قوي كان علي ايامنا قمامة

**OlaOsman** · 05-10-2009 07:43 AM

بمناسبة الأماكن المزدحمة، فيه ناس راحوا المصل و اللقاح عشان التطعيم ضد الأنفلونزا الموسمية. بيقولوا المكان زحمة و بيئة خصبة جدا لنقل الأمراض.

**Ahmed Sharaf** · 05-10-2009 08:35 AM

عند اولادى فى المدرسة طلبوا من كل واحد مناديل ديتول مبللة و ترمومتر.
الـ break خلوة مرتين , وفى الوقت دة بيطهروا الفصول.
مسافة متر بين كل تلميذ و اللى جنبة.
صابون سائل فى الحمامات.
يتم تطهير الحمامات بصفة مستمرة.
يتم تطهير الباصات.
وربنا يستر علينا وعلى اولادنا إن شاء الله

على فكرة فية واحد دكتور معرفة قاللى إحتياطى ممكن ناخد " فيتامين سى - ريتارد " الاطفال 200 مم مرة واحدة يومياً و الكبار 500 مم مرتين يومياً سعر العلبة فيها 10 أقراص تقريباً 2.5 جنية .

**maka** · 05-10-2009 08:58 AM

فى هندسة القاهرة خلوه 3 و 4 فى اول تلات محاضرات يعنى من 8.5 الى 2

و سنة 1 و2 بقى من 2 الى 5 وكل قسم ليه يوم اجازة منفرد عن باقى الاقسام

**aliabutaleb** · 05-10-2009 10:36 AM

المشاركة الأصلية كتبت بواسطة OlaOsman

بمناسبة الأماكن المزدحمة، فيه ناس راحوا المصل و اللقاح عشان التطعيم ضد الأنفلونزا الموسمية. بيقولوا المكان زحمة و بيئة خصبة جدا لنقل الأمراض.

انا كنت هناك امبارح بالليل
هو فعلاً زحمة بس مش زي ما سمعت
دردشت مع فرد الأمن هناك بيقوللي ان يوم الخميس كان فيه حناقات وضرب بين الناس على المصل والطوابير

**Terrible_DaRsH** · 05-10-2009 11:31 AM

انا بشوف البنات فى الجامعة بيبوسوا بعض 4 مرات مش مرتين !!

اشمعنا ؟ و الله بيبوسوا بعض بطريقة غريبة .

انا الحمد لله مبقتش ابوس خلاص :)

**نور القمر** · 05-10-2009 04:17 PM

طالبيت الماسكات والصابونة والفوطة
والحمامات مغسولة بالكلور
بس تلاقي المدرسين والمديرة حاطين الماسك في رقبتهم
طيب فين القدوة ؟؟؟؟؟؟؟
وتكدس رهيب على اماكن بيع اليونيفورم والمصاريف والكتب
مفيش نظام
لولا اني كنت مخنوقة من الزحمة كنت صورت المنظر ده وبعته ل 90 دقيقه يتفرجوا

مصر من غير بزراميط متبقاش مصر