إيه اخبار المدارس مع انفلونزا الخنازير؟
فيه احتياطات صحية و كل الكلام اللي بنسمعه في الإعلام ده؟ و لا الحكاية بزرميط؟ :b4_556:
عرض للطباعة
إيه اخبار المدارس مع انفلونزا الخنازير؟
فيه احتياطات صحية و كل الكلام اللي بنسمعه في الإعلام ده؟ و لا الحكاية بزرميط؟ :b4_556:
كنتي شفتي حلقة البيت بيتك امبارح ياعلا
فاتك كتيرررررررررررررر
بزراطيييييييييييين مش بزراميط :I_angr1[1]:
كلام جرايد للاستهلاك المحلي
انا مش عارفة ايه الوضع في المدارس ، بس ممكن اقولك الوضع في حضانة بنتي
اولا مطلوب صابون ديتول ومناديل مبللة ديتول
تغيير الفوطة يوميا
ترمومتر لقياس الحرارة يوميا
وملاحظة اهتمام زائد في النظافة
وربنا يستر بجد
زى ما انا قلت بالظبط .
يومين و كله هينســــــــي كل حاجة .
اللى خايف على نفسه بجد مينزلش اول يوم دراسة لكن امبارح جامعة عين شمس كانت قافلة مصر كلها من الزحمة .
أنـــــــــــا لسه قاعد في السعودية وبقضي الأجــــــــــازة الصيفية:120105~352:
ولسه امبارح كنت روحت لمكتب الطيران اغير الحجز وغيرته
وأنا هتابع الموقف من بعيد لبعيد:colsmil:
ترمومتر لقياس درجه الحراره قبل ما يدخلوا المدرسه
الفصول نظيفه جدا وبتترش قبل ما الاولاد يدخلوا فيها
مطلوب من كل طالب صابونه ديتول ومناديل وبعد كل حصه الاولاد لازم يغسلوا ايديهم ووشهم
ربنا يستر وتعدى على خير
بالنسبة للجامعات .. في جامعتنا "جامعة مصر للعلوم و التكنولوجيا"
كان طلع إشاعة إن تم إكتشاف حالتين في الجامعة لذلك تم إلغاء المحاضرات يوم التلات و الأربع
مش عارف صحة الموضوع ده إيه رغم إني كنت هناك .. بس عامة الإحتياطات زفت .. فيه أماكن مزدحمة جداَ جداَ ده غير السلام بالبوس و الأحضان .