ما هو التقريط على العفشه

**ahmadalsattar** · 04-10-2009 04:35 PM

انا معايا فيرنا 2009 و عامله 2000 كيلو قالولى عند ال3000 تعمل تقريط للغفشه
ما معنى التقريط ده و هل لازم فعلا ولا ممكن فى اى وقت يتعمل و بصفه عامه ايه المفروض اللى يتعمل عند ال 3000 كيلو
شكرا لكم

**Samir_Adel** · 04-10-2009 11:55 PM

بص حضرتك, بلدنا مصر المحروسة مليانة بلاعات و نقر و طرق مكسرة و بلاوي! الطرق مش مستوية ولا نظيفة زي الدول التانية فا أي عربية في مصر كلها بتاخد مطبات و نقر و بلاعات و مع مرور الوقت العفشة بتتأثر بس بطريقة غير مباشرة (و دة علي حسب سوء الأستخدام أو نظافة الأستخدام) انت بتحس ان في تحت في العفشة غربلة و مع أي احتكاك بتحس ان في حاجات بتحك في حاجات و في ورشة تحت في العربية! فا تربيط العفشة هي تزييت العفشة و التاكد من ربط جميع الأجزاء زي المسامير و الصواميل..الخ, الناتجة عن كتر الأحتكاكات من المطبات و النقر و البلاعات الي عملت فيهم خلخلة ملحوظة بشكل غير مباشر.
ربط عقشة كل 5000 كيلو او كل 10000 كيلو, علي حسب استخدامك. و هتحس بأختلاف ملحوظ ان كل حاجة ناعمة.

**Samir_Adel** · 05-10-2009 12:09 AM

بس في مشكلة ان بعض العفشجية او الميكانيكية و هما بيربطوا العفشة انهم بيقرصوا جامد و بيقرطوا جامد أوي علي المسمار مثلا و دة نتيجتة انهم بيمطوا السن! و دي مشكلة! يعني بالبلدي بيستغبوا في الربطة! المهم ابقي ركز و اقف علي أي ميكانيكي عشان الأهمال! و ألف مبروك علي الفيرنا, بالمناسبة العربية دي عفشتها
ناعمة جدا و مبتحسش بخشونة المطبات. عندي في الدايهاتسو العربية هاتشباك فا نتيجتة ان العفشة نشفة جدا! لو في مسمار علي الأرض بحس بية و أنا ماشي.
مفيش حاجة تتعمل في ال3000 كيلو! عند ال5000 كيلو حضرتك تعمل صيانة ال5000 الطبيعية, بعد كدة كل 10000 كيلو تعملها الصيانة العادية.