الموضوع: فتيس النوبيرا الاتوماتيك المفروض ينقل على كام أر بى أم

المشاركة الأصلية كتبت بواسطة samirayad

يعنى ينفع يامحمد باشا
أننا نعدل على المصمم لمكنه نقلها بيتم عند سرعه معينه وليها فتيس معين
ونظام كنترول معين

علشان نوفر شوية بنزين

ونعمل خلل فى توافق مراحل النقل ونأثر على التورك كونفرتر
وكلاتشات مراحل التعشيق
اللى كلها قايمه على ضغوط وسرعات

بالذمه فيه حد يعمل كده .....................!!!!!

مايمكن زيادة أستهلاك البنزين ( حسب كلامك )
ليها سبب تانى

مش كده ولا أيه

انا ليا وجهة نظر يا سمير باشا و هى ان العربيات اللى بتتجمع هنا بيكون فيها نسبه توفير عاليه فى الجودة عشان يطلعو مكسب عالى.
و على سبيل المثال انت عندك النوبيرا و اللانوس برة بتنزل بمقاس جنط اكبر من اللى متجمعه فى مصر و السبب ببساطه انك هتوفر فى الجنط و الكاوتش حتى الطنابير بيكون مقاسها اقل و السبب فى كل تحقيق اكبر ربح على حساب الجودة.
انا شايف انك تعدل على المصمم حاجة مش عيب لان ما شاء الله كلنا بنفهم و نعرف ايه اللى بنعمله و مدة خطورته او مدى فائدته.
الكلام اللى انا بتكلم فيه دة مش فكرتى دية اصلا ميزة موجودة فى بعض الموديلات الحديثة زى ما انا شوفتها فى الجراند بونتو و هو نظام Economic و فكرته بسيطة جدا بتعتمد انك لما بتكون فى الزحمة متكونش محتاج حرق على الغيارات و بالتالى ممكن تنقل النقله بدرى. منها راحه للموتور و توفير للبنزين.
اللى انا بفكر فيه ان الفكرة دية تطبيقها بشكل متغير هيكون صعب لكن هتنفع تخليها دائمه بمعنى انك لو غيرت ميعاد النقل مش هينفع ترجعة زى ما كان من زرار.
على فكرة يا بشمهندس سمير انا بحترم رأى حضرتك جدا و ممكن تكون فكرتى غلط و انا هتقبل اى رأى تانى بصدر رحب بس يكون موضوعى مش مجرد ان الخواجة عمل كدة يبقى هو احسن حاجة.

المشاركة الأصلية كتبت بواسطة MoMohsen

انا ليا وجهة نظر يا سمير باشا و هى ان العربيات اللى بتتجمع هنا بيكون فيها نسبه توفير عاليه فى الجودة عشان يطلعو مكسب عالى.
و على سبيل المثال انت عندك النوبيرا و اللانوس برة بتنزل بمقاس جنط اكبر من اللى متجمعه فى مصر و السبب ببساطه انك هتوفر فى الجنط و الكاوتش حتى الطنابير بيكون مقاسها اقل و السبب فى كل تحقيق اكبر ربح على حساب الجودة.
انا شايف انك تعدل على المصمم حاجة مش عيب لان ما شاء الله كلنا بنفهم و نعرف ايه اللى بنعمله و مدة خطورته او مدى فائدته.
الكلام اللى انا بتكلم فيه دة مش فكرتى دية اصلا ميزة موجودة فى بعض الموديلات الحديثة زى ما انا شوفتها فى الجراند بونتو و هو نظام Economic و فكرته بسيطة جدا بتعتمد انك لما بتكون فى الزحمة متكونش محتاج حرق على الغيارات و بالتالى ممكن تنقل النقله بدرى. منها راحه للموتور و توفير للبنزين.
اللى انا بفكر فيه ان الفكرة دية تطبيقها بشكل متغير هيكون صعب لكن هتنفع تخليها دائمه بمعنى انك لو غيرت ميعاد النقل مش هينفع ترجعة زى ما كان من زرار.
على فكرة يا بشمهندس سمير انا بحترم رأى حضرتك جدا و ممكن تكون فكرتى غلط و انا هتقبل اى رأى تانى بصدر رحب بس يكون موضوعى مش مجرد ان الخواجة عمل كدة يبقى هو احسن حاجة.

ممكن التعديل و المعايره بعدها بحيث تكون النقله على ال 2.5 حتريح المكنه جدا وخصوصا فى المناطق المزدحمه و لكن حتحس زى ميكون فى زغطه فى النقله مش عارف ممكن تأثر على الفتيس مستقبلا ؟
و على فكره اللى بيفرق فى أستهلاك البنزين هو (أنت دايس على دواسه البنزين قد أيه) فى دوسه economic وفى واحد رجله تقيله والنتيجه فى السحب واحده تقريبا على أعتبار أنك حتقف كمان كام متر .........
أنا من رأى جرب و عاير و عدل المشوار بتاع الكابل لحد لما ترتاح على الوضعيه المناسبه.

المشاركة الأصلية كتبت بواسطة tompina

طب معلش ممكن صورة للكابل ده أو الصامولة ؟
أصل عربية الوالد عاوز أخف النقلة شوية لأنه مش بتاع جري ولا تحميل على العربية فابيستهلك بنزين زيادة على الفاضي .. ودي صورة البكرة والمانيفولد

كامري مو 2003

ماليش فى الكامرى
الكابل التانى اللى على البكره مكان تثبيته هو الرجلاش (الصاموله )