إقتراح للسيد رئيس الوزراء لوقف نزيف الأسفلت

**bassemali** · 04-10-2009 06:02 PM

بسم الله الرحمن الرحيم
أرجو ان يصل إقتراحي هذا للسيد رئيس الوزراء الدكتور / أحمد نظيف
أرجو ان يصلكم مايصلنا من الحزن والأسى على ضحايا الطرق الذين يموتون يوميا بسبب إهمال ورعونة سائقي المقطورات والنقل والميكروباص حيث انهم يشكلون 90% من أسباب الحوادث على الطرق في مصر والتي تحصد ارواح المئات بل والألاف لذا فبعد طول تفكير في حل لهذه المشكله التي قد تطال يوما ما احد أبنائي أو أقاربي أو أحد ذويكم اقترح على سيادتكم مايلي :

إنشاء جهاز لإدارة الطرق مستقل تماما وغير خاضع لأي جهة حكوميه كوزارة النقل او هيئة الطرق والكباري او وزارة الداخليه بل يخضع فقط لرئاسة الوزراء يسمى (جهاز إدارة ومراقبة الطرق ) على ان تكون ألية عمل هذا الجهاز من خلال وضع كاميرات مراقبه مثبته على الطرق تتم متابعتها من خلال غرفة عمليات لمدة 24 ساعه لرصد اي مخالفات على الطرق يقوم بها السائقين وخاصة سائقي النقل والميكروباص والأتوبيس مثل عدم الإلتزام بالحارة اليمنى للطريق أثناء السير او تجاوز السرعه وخلافه من المخالفات كذا تواجد سيارات مرور تتبع وحدة (أمن الطرق ) بإدارة المرور تسير بإستمرار على الطرق لرصد هذه المخالفات ومن ثم إبلاغ أحد اللجان والتي يجب ان تكون موجوده على مسافت بعيده نوعا ما على الطرق أي انها منتشره على الطرق وليس لها علاقه بالبوابات فورا عن المخالف لإتخاذ الإجراء الازم ضد السائق المخالف .
اعتقد سيدي رئيس الوزراء ان دماء ابناء هذا البلد اولى ان تهتمون لأمرها بشكل فعال ومع إحترامي لشخصكم الكريم فلايوجد في مصر اليوم قانون مرور حقيقي يوقف هذه المهازل ويحاسب مرتكبيها بدلا من الإصرار على الأهتمام بمتابعة الملصقات على السيارات والفاميه وغيرها من المخالفات التي لن تؤثر( من وجهة نظري) في حل ازمة المروروالذي ادى التشديد عليهم بالفعل إلى إستجابة الناس خوفا من الغرامات فلماذا لايتم التشديد على متابعة الطرق وسائقي النقل والميكروباصات والأتوبيس والمتسببين في 90% كما ذكرت سابقا في هذه الحوادث البشعه وفي إمكان سيادتكم إلقاء نظره صغيره على الطريق الدائري بالقاهره او خط الصعيد او طريق مصر أسكندريه الصحراوي وغيرها من الطرق لكي تروا بأعيونكم مدى إخلاص ضباط وعساكر المرور فعلا في إداء واجبات عملهم !!!!!!!!!!! وشكرا سيادة رئيس الوزراء .

**Rembrandt** · 05-10-2009 02:30 PM

أعتقد ان رسالتك وصلت علشان كدة أتعملك باند

**evoo90** · 06-10-2009 02:08 AM

!!!!!!!!!!!!!!!!!!!!!!!!!!!!!!!!!!!!!!

**Nile Heart** · 06-10-2009 11:10 AM

ممكن اعرف الأخ ده اتعملوا بان ليه؟

**Rembrandt** · 06-10-2009 11:52 AM

تم ايقاف العضو بسبب تطاولة على عضوة فى موضوع أخر ,شوف الينك دة المشاركة رقم 19
http://www.nilemotors.net/Nile/98679-a-2.html

**bassemali** · 07-10-2009 03:39 AM

لا ياجماعه أنا مش موقوف عشان الموضوع ده ... انا كتبت كلمه كنت قاصد بيها هزار بس مش أكتر أعتبرتها الإداره تطاول ... لكن يلا جت سليمه ..

**evoo90** · 07-10-2009 10:21 AM

المشاركة الأصلية كتبت بواسطة bassemali

لا ياجماعه أنا مش موقوف عشان الموضوع ده ... انا كتبت كلمه كنت قاصد بيها هزار بس مش أكتر أعتبرتها الإداره تطاول ... لكن يلا جت سليمه ..

حدا لله على السلامه بس ياترى فى حد يسمع اقتراحك ده
ماتكتفيش بيه هنا بس حاول تنشره فى اكتر من منتدى واكتر من مكان
على فكره معظم الدول العربيه عامله كده واكتر كمان انت قاعد فى ksa وشايف الدنيا هناك ماشيه ازاى

**mr_sameh** · 07-10-2009 11:12 AM

ياجماعة الموضوع مش ادارة جديدة ولاقانون جديد ولا رئيس وزراء الموضوع في حاجات كتير اولها سؤ حالة الطرق وسلوك السائقين وغياب القانون والرشاوي اللي بتندفع للمرور وكمان احساس المواطن بان القانون ظالم وحاجات كتييييييييييييييييييييير لوفضلت اقول مش هبطل الموضوع زاد عن حدة في كل حاجة في البلد دي وطبيعي زي ما الفساد في كل حاجة لازم يكون نتيجتة ناس تموت علي الطريق وناس تموت من الجوع وناس تموت من المخدرات وناس تموت نفسها لان مفيش شغل ليهم . ثم المحترم احمد بيك نظيف ماهوا جزء من منظومة الفساد ويعني مش عارف اية اللي بيحصل اكيد عارف كل حاجة بس طبيعة مهامة انو ميعملش حاجة وكمان يفسد اكتر لان لو عمل فيها شملول هيشلو وكمان هيلفقو لية قضية ويحبسوة بصراحة انا تعبت جدا من اللي بيحصل في البلد دي وحسبي الله ونعم الوكيل