قدر الله وما شاء فعل ، كنت هموت من الرعب
امبارح كنت بعمل شغل في العربية قدام وكل حاجة كانت مفكوكة حتى كالون الكبوت .
المهم الصنايعي خلص و استلمت العربية
أخدتها أجربها وشد يامعلم على سرعه لزوم التجربه بقى و-
طاااااخ
الكبوت اتفتح !!! ورزع ذي القنبلة في القزاز والسقف
أنا حسيت كأني أخدت قطرفي وشي
واللي رعبني أكتر بعد صدمة الكبوت في وشي اني كنت بفرمل عمياني من غير ماشوف حاجة قدامي ولمسافة طويلة
نزلت بصيت لقيت الصنيعي مركبش كالون الكبوت !! نهار أبوك زي وشك
طبعاً الكبوت إتدمر وخصوصاً إنه ألمونيوم مش صاج والقزاز شرحه بقى حتت وكمان السقف اطبق وأنا نفسيتي إتحطمت :(
الحمد لله على كل حال وعلى انها جت على قد كدة
يا فرحة ما تمت
للخلف در على الحرفيين
آه يانا ربنا يرحمنا بقى
دعواتكم بالشفاء العاجل وحفظ الله
