استفسار عن الrpm فى الجراند
السلام عليكم,
يا جماعة سؤال لأى حد راكب جراند تيريوس أو تريوس أوتوماتيك
أنا معايا جراند موديل 2010 من ساعة ماجبتها وأنا لما أكون نازل منزل جامد أو نازل من كوبرى وأجى أحط رجلى على الفرامل بلاقى أن الrpm بيفضل عالى شوية حوالى مدة 3-4 ثوانى وساعات بيعلى عن ما كان عليه وبعدين يبتدى ينزل!! هل ده طبيعى فى العربيات الأوتوماتيك زى ما قالولى فى التوكيل وأنا بعمل صيانة ال5000؟ وللا هما بيزحلقونى وخلاص؟
صراحة أنا فكرت أن لعنة التويوتا أصابت الدايهاتسو بس هما قالولى لا عادى ده هو الأوتوماتيك كده.
برجتء الافادة ولكم جزيل الشكر.