الموضوع: رئيس هوندا : " هيونداي .. مدهشة ! " ! رئيس نيسان : هيونداي اكبر تهديد لليابان "

ماهو ياجماعة على قد مابنلوم غبور و سياساته التسويقية و الكماليات الي ناقصة تعالوا نكون واقعيين شوية ..

في الفترة الي فاتت .

المارتكس .. سيارة العائلة الاولى في مصر ( علي الاقل الشكل القديم ) تمنها كان كام 80-90 الف ؟
لو نزلت ب4 ايرباجز و ABS - EBD وبعض الكماليات الاخرى كانت حتبقى من 100 الف الي 110 .

حد كان حيعبرها ؟ او علي الاقل بالكمية دي ؟

الانترا بتبدا من 93 الف .. لو نزلت في اول فئة بالكماليات الناقصة .. حتعدي ال 100 بالرحاة لاول فئة .. حد كان حيجيبها ؟ او علي الاقل بالكمية دي ؟

الفرنا لو نزلت ب 80 الف جنيه كاملة .. حد حشيتريها ؟

النيو اكسنت - الجتز كله نفس الكلام .

الi30 حتى .. النسختين الي عليهم اقبال هما الي ب اول واحدة في المانوال و اول واحدة في الاوتو .. عمركوا شفتم i30 الي ب 136 الف الشبه كاملة في مصر ؟

الكوبيه .. الشكل الجديد ب 145 الف .. شفتم كام واحدة مقابل الشكل القديم ؟

السوناتا المجمعة محليا حتى .. ده بشوف بريلانس جالينا اكتر منها !

هي دي سياسة غبور .. مبيعات مهولة ! و موزعين و مراكز خدمة ..

الخطة دي كانت ناجحة طوال السنين الي فاتت و الى حد ما الى الان ..

ولكن مع بدا نزول سيارات كورية اخرى ( مماثلة ان لم تكن من نفس العائلة ) بكماليات اكثر مثل الكيا ..

و اكتساح السيارات الصينية ب"جردل " الاوبشنز زي مابيسموه

و اقتراب بعض السيارات الاوروبية في الثمن بكماليات عالية جدا من ( فيات - سيات - فولكس - سكودا )

مش حتظل الخطة دي ناجحة كتير .. بس في نفس الوقت حيفضل فيه سوق كبير ان لم يكن اكثر من 75% من المصريين بيهتموا ان السيارة تكون واسعة و 1600 سي سي بصرف النظر عن اي عوامل امان و كماليات و تكون سعرها مناسب !

فكل سوق ليه متطلبات نجاح معينة .. مش شرط تكون الانسب او الاوقع او الاحسن .. ولكنها بالفعل و بالارقام الانجح " ماديا " و هو ده المهم .. في الاول و في الاخر دي " شركة " ز

و لو قولنا احنا 10 الاف واحد هنا معترضين و عايزن كماليات و مواصفات امان اعلى ... في 10 مليون مصري اخرين ولا فارق معاهم المهم يركب عربية كبيرة محترمة 1600 سي سي مثل الانترا مثل .. و ان شاء الله مايكون معاها كاسيت حتى !