-
تغيير لون العربيه
شباب..
انا جايب مكوه من شهر
لونها ( اخضر فستقي) زي ما هوا واضح في صوره التوقيع
ودماغي بتلعب عشان ارشها اسود جوه وبره
انا عارف ان ده بينقص سعرها..بس -ان شاء الله- انا يمكن اخطب الفتره الجايه دي وبعد كده طبعا في جواز..يعني موضوع اني ابيع العربيه عشان اغير..مش قبل 7 او 8 سنين قدام...وياعالم ايه الي هيحصل بكره
ايه رأيكم..أغير اللون..؟؟؟
-
عاوز تغير اللون غيره بس نصيحه ماتقربش من الدواخل (حوض - شنطه - قوائم - دواخل الابواب)
علشان لو هاتبيع حتى لو بعد حين تعرف تبيع بسهوله حتى لو اضطريت ترجع لونها الخارجى لاصله
-
العربيه ما شاء الله عليها لونها جميل ولايق جدا عليها
نصيحه متغيروش الا لو ما طايقه ساعتها يبقى كلام تانى
-
أنا رأيي أوعى تقرب من تغيير اللون دة خالص
العربية ما شاء الله لونها زي الفل ، واللون الأسود متعب جدا في النظافة ( وأسأل مجرب كل يوم بتتغسل ومش نافع)
شوف لو انت فعلا مصمم على تغيير اللون يبقى ممكن تبيعها احسن لك وتجيب اللون اللي يعجبك ، صدقني حتى لو خسرت في الحوار دة مش هتخسر قد اللي هتخسره لو غيرت لونها وفكرت تبيعها بعد كدة
-
شكرا ليكم ع الردود يا شباب
وشكرا لاهتمامكم
.....
بس محدش قالي مبروك على مشروع الخطويه
-
اولا مبروك على الخطوبه وعقبال الجواز ان شاء الله وربنا يوفقك
اما بخصوص العربيه فلونها حلو مش للدرجه اللى انته تفكر تغيره
لو انته مصمم غير من بره بس ومتروشش جوه ابدا
-
أولآ ألف مبروك ع الخطوبة وعقبال الجواز إن شاء الله
بس صراحة العربية لونها حلو
والأسود مقررررف ف التنظيف والجو كل يوم تراب
ممكن تديها لون تاني بس من برة طبعآ وأبعد عن الداخل خااااااااالص
كان عاجبني اللون الأزرق علي عربية سيراتو ماشاء الله موش ممكن
شوف اللون ده
http://sharebyimage.com/images/95img...i_20Lancer.jpg
-
العربية اهم من الخطوبة يا صديقى
:j
-
طبعا
العربيه اهم من اي حاجه..
انا بفكر اعمل الهوايات الي في الكابوت
شكلها جامد اوي
انا عرفت اك عشان تعملها..بتقطع حته من الكبوت بتاعك..وتلحم مكانها الهوايات دي..بتكون جاهزه مخلوعه من صاج عربيه تانيه او عربيه قديمه..انا اعرف واحد معاه هوندا..وكان عامل فيها الهوايات دي في الرفارف والكبوت
وبسيطه..لما تيجي تبيع..ممكن تغير الكبوت..او تجيب كبوت وتعمل فيه الشغل الي انت عاوزه
-
انا شايف ان لونها حلو
بس لو مصمم يبقي خارجي بس
عشان لو حبيت تغير لونها عشان الاسود متعب في مصر يبقي اسمك رشيت خوارج بس وتقدر تبيعها بسعر حلو
Content Relevant URLs by
vBSEO 3.6.0 PL2