صيانة السيفيك 2008 عند ال 40000 كيلو

**sa7aby** · 05-10-2009 02:10 PM

النهاردة كان ميعاد تسليم حبيبة قلبى عربيتى للتوكيل عشان صيانة الأربعين ألف
طبعا أنا حاجز بئالى أسبوعين كالعادة
و كان لية شوية ملاحظات و أنا باسيبلهم العربية:
أولا أنا سامع صوت تخبيط فى العفشة من الأمام بئالى بتاع 20000 كيلو
و برضه بحس بغربلة مع الفرامل على السرعات فوق ال100 ك\س
و ده إلى جانب الصفارة و الحكة العجيبة مع الفرامل من فترة طويلة (وكل ماروحلهم يقولولى تراب وكلام فاضى من دة مع إنى كنت مصر إنها الطنابير)

المهم كلمنى المهندس سامح من شوية و قال إنهم حيغيروا الطنابير و إن التيل الأمامى لازم يتغير معاها (التيل طبعا على حسابى)
التيل بخمسمية و شوية!!!!!!
و قال كمان إنهم غيروا البطاحات الأمامى لإنى إشتكيت من صوتها
و المفاجئة إن التيش الأمامى يمين (جزء من نظام التوجيه فى العربية) محتاج يتغير!!!! بس مفيش منه حاليا فلازم أحجز معاد تانى كمان أسبوعين لتغييره!!
ده طبعا إلى جانب صيانة الأربعين ألف و إلى هى تغيير زيت موتور و فيلتر، تغيير زيت الفتيس!!!!!!(ليييييييييييييي� �يييييييييييييييييييييييه) ، تغيير فلتر الهواء التعبان بتاعهم.
القصة هى إن الأسعار فى السما، دى يمكن تكون أغلى من أسعار HFP إلى فى أمريكا!!!
المرة الجاية إن شاء الله أنا حبعت أجيب التيل و الفلاتر والكلام ده من أمريكا.
بالمناسبة صحيح، حد عاوز حاجة من أمريكا؟ فى واحد قريبى مسافر على شهر يناير القادم، بلاش حد يئولى جنوط بس! حاجة سهلة الحمل خفيفة الوزن صغيرة الحجم.

**kemo0o** · 05-10-2009 06:11 PM

ليه التيش عاوز يتغير ليه ؟؟

وبعدين ياريت تفاصي للاسعار عشان انا قربت أحصلك

**boodimania** · 08-10-2009 10:08 AM

المشاركة الأصلية كتبت بواسطة kemo0o

ليه التيش عاوز يتغير ليه ؟؟

وبعدين ياريت تفاصي للاسعار عشان انا قربت أحصلك

كيمو و صحابى ..الناس الحلوة كلها هنا...

تيل و طنابير...ممم...سؤالى لصحابى بية ...لية مغيرتهومش بالبديل الرياضلى EBC or BREMBO ,و ياريت يا ريت...سعر فلتر الهواء بتاع التوكيل,,,و برضة أسال لية مغيرتش ل K&N....؟؟؟؟؟!!!

**boodimania** · 08-10-2009 10:38 AM

صحابى بية كان لية طلب كده من صاحبك بتاع أمريكا...هبعتهولك على الخاص..
و شكرا مقدما...

**bebo511** · 08-10-2009 05:55 PM

سورى ياجماعة يعنى صيانة 40000 بيتم فيها ايه وبكام

**NaBeLeOn** · 09-10-2009 09:47 AM

زيت الفتيس بيتغير عند 40 الف ؟
===
انا لما لقيت التيل سعره مستفز كده نزلت بورسعيد عند مجدي الدسوقى و قالى بص احنا كنا بنتعامل فى الاصلى بتاع التوكيل بس و مبنجبش الانواع التعبانة اللى مالية السوق ( ماليزي كورى اندونيسي صيني الخ ) عشان فعلا بتاكل فى الطنابير .. لحد ما اتصرف فى تيل تركى قالى ده الوحيد اللى جربناه و مكنش فى فرق فى الاداء عن الاصلى و بيحافظ على الطنابير .. بصراحة جبته لان الراجل ده ثقة فى الهوندا ... بس بأمانة أداء الفرامل معايا قل حوالى 20% .. و مش عارف بقى الطنابير وضعها هيبقى ايه ربنا يستر :( ... انا ماشي بيه بقالى حوالى 2000 كم الوقتى

**sa7aby** · 11-10-2009 11:00 AM

كيمو حبيبى
واحشنى فعلا
أخبار الشغل إيه، عملت إيه مع مرسيدس؟
بالنسبة للتفاصيل:
التيل ب +500 بشوية
فلتر الهواء تقريبا ب 136
زيت الفتيس بحوالى 65
وزيت الموتور و الفلتر إنت عارفهم
أما التيش فالجلبة بس هى إللى محتاجة تتغير، ليه؟ عشان جلب تعبانة مش قوية التحمل، ربنا يستر على باقى العفشة!!
بودى باشا
التوكيل غير الطنابير على حسابه طبعا، عشان كدة سيبتهم يغيروها، لو على إنا كنت غيرت نظام الفرامل بالكامل brembo أو ما شابه للأمامى والخلفى بدل الفرامل التعبانة إللى راكبة فى الخلف.
أما فلتر الهواء، فدى تاهت عن بالى، بس فعلا الفلتر بتاعهم تعبان جدا، المرة الجاية إن شاء الله حركب k&n العادى
لما سألتهم عن تغيير زيت الفتيس، قالولى أول مرة بيتغير على ال40000 و بعد كدة كل 20000!!!!!!!!!!!!!!!!!!!!!!!!!!!! ليه؟؟؟ هو أنا بألى فيها طعمية؟!!!!!! إيه كل 20000 دى؟ الناس دى أكيد بتهرج!! حد يقولى حاجة لو أنا غلطان!!

**sa7aby** · 11-10-2009 11:31 AM

كيمو حبيبى
واحشنى فعلا
أخبار الشغل إيه، عملت إيه مع مرسيدس؟
بالنسبة للتفاصيل:
التيل ب +500 بشوية
فلتر الهواء تقريبا ب 136
زيت الفتيس بحوالى 65
وزيت الموتور و الفلتر إنت عارفهم
أما التيش فالجلبة بس هى إللى محتاجة تتغير، ليه؟ عشان جلب تعبانة مش قوية التحمل، ربنا يستر على باقى العفشة!!
بودى باشا
التوكيل غير الطنابير على حسابه طبعا، عشان كدة سيبتهم يغيروها، لو على إنا كنت غيرت نظام الفرامل بالكامل brembo أو ما شابه للأمامى والخلفى بدل الفرامل التعبانة إللى راكبة فى الخلف.
أما فلتر الهواء، فدى تاهت عن بالى، بس فعلا الفلتر بتاعهم تعبان جدا، المرة الجاية إن شاء الله حركب k&n العادى
لما سألتهم عن تغيير زيت الفتيس، قالولى أول مرة بيتغير على ال40000 و بعد كدة كل 20000!!!!!!!!!!!!!!!!!!!!!!!!!!!! ليه؟؟؟ هو أنا بألى فيها طعمية؟!!!!!! إيه كل 20000 دى؟ الناس دى أكيد بتهرج!! حد يقولى حاجة لو أنا غلطان!!

**ahm128** · 11-10-2009 11:33 AM

انا من عشاق الهوندا وكان معايا هوندا حتى وقت قريب - والان معايا نيسان زيت الفتيس بيتغير بعد اول 40 وبعدين كل 20 فعلا وده فى النيسان والمقامات محفوظة بين السياراتين

**kemo0o** · 11-10-2009 01:31 PM

المشاركة الأصلية كتبت بواسطة sa7aby

كيمو حبيبى
واحشنى فعلا
أخبار الشغل إيه، عملت إيه مع مرسيدس؟
بالنسبة للتفاصيل:
التيل ب +500 بشوية
فلتر الهواء تقريبا ب 136
زيت الفتيس بحوالى 65
وزيت الموتور و الفلتر إنت عارفهم
أما التيش فالجلبة بس هى إللى محتاجة تتغير، ليه؟ عشان جلب تعبانة مش قوية التحمل، ربنا يستر على باقى العفشة!!
بودى باشا
التوكيل غير الطنابير على حسابه طبعا، عشان كدة سيبتهم يغيروها، لو على إنا كنت غيرت نظام الفرامل بالكامل brembo أو ما شابه للأمامى والخلفى بدل الفرامل التعبانة إللى راكبة فى الخلف.
أما فلتر الهواء، فدى تاهت عن بالى، بس فعلا الفلتر بتاعهم تعبان جدا، المرة الجاية إن شاء الله حركب k&n العادى
لما سألتهم عن تغيير زيت الفتيس، قالولى أول مرة بيتغير على ال40000 و بعد كدة كل 20000!!!!!!!!!!!!!!!!!!!!!!!!!!!! ليه؟؟؟ هو أنا بألى فيها طعمية؟!!!!!! إيه كل 20000 دى؟ الناس دى أكيد بتهرج!! حد يقولى حاجة لو أنا غلطان!!

يا مساء الانوار !!
والله انتوا كلكوا واحشني جدا جدا .... هنتكلم في حكاية الشغل دي لما نتقابل باذن الله

المهم زيت ايه صحيح اللي هيتغير كل 20 الف بعد اول 40 الف ؟؟ على رأيك صحيح بنقلي فيه طعمية !! والله توكيل بيهرج !

يعني هما كده مش ماشيين بكلام دليل الصيانة وبيمشوا على مزاجهم
الدليل بيقول اول تغيير عند 60 الف وبعد كده بعد كل 40 الف ده في حالات القيادة الشاقة زي عندنا في مصر

العالم دي بتهزر !! ياعم انا لما هروح لهم هقول لهم انا همشي بدليل الصيانة

اصلا انا ماعملتش صيانة ال 25

المهم كويس انك قولت لنا عشان ناخد بالنا من العالم دول لحسن والله كده هزار ونصب عيني عينك
بقولكم ايه تيجوا نبعت ايميل لهوندا ونقول لهم على اللي بيحصل ده ! وبسم الله علينا احنا كتير وهنمضي على الايميل بارقام شاسيهات عربياتنا ونحكيلهم ولا الموضوع انتوا شايفينه مش مستاهل ؟؟

الموضوع: صيانة السيفيك 2008 عند ال 40000 كيلو

LinkBack

أدوات الموضوع

عرض

-

-

-

-

-

المواضيع المتشابهه

حصريا ً :: تقرير قنبلة عن صيانة 40000 كيلو لنيسان صني بأوتوايجيبت

عاوز اعمل صيانة 40000 للفيرنا 2008 فين فى اسكندرية

استفسار بخصوص صيانة 40000 لسيتي 2008 مانيوال-ارجو الرد للاهمية!!

صيانه 40000 كيلو لانوس 2008 عند ابو غالي جسر السويس

الكلمات الدلالية لهذا الموضوع

المفضلات

المفضلات

ضوابط المشاركة