انا لى راى مختلف عن كل اللى فات
1-التوك توك عبارة عن اسلوب ملتوى لكسب الرزق قام به كل مشترى توك توك على مسئوليته الشخصية وهو يعلم تمام العلم ان مستقبل مشروع التوك توك غير واضح
2- التوكتوك وسيلة منعدمة الامان للمواصلات واى خلل بسيط فى الطريق او اصطدام صغير سيعرضه للإنقلاب، فالحادث البسيط الذى يكسر رفرف او مرآة سيارة بأربعة عجلات يكمنه ان يكسر عظام 3 من راكبى التوكتوك ، فهل القصة مجرد اننا راكبى السيارات المكيفة نتضايق من التوكتوك ام اننا نخاف على سلامة من يركبون التوكتوك غير مبالين بسلامتهم
3- موضوع المواصلة فى المناطق الضيقة والشعبية ليس حله اطلاقا كارثة متحركة بثلاثة عجلات تهدد كل من يركبها وكل من يعترض طريقها بالإصابة، لكن حله يكمن فى اصغر وسيلة مواصلات متاحة ذات اربعة عجلات، وجود العجلات الإربعة يعنى ببساطة توفير امان للراكب وتحجيم امكانية السائق الأرعن فى ايذاء الآخرين
هتقولولى ان العربيات غالية جدا، هقول لك لا غالية ولا حاجة، فالموضوع يمكن حله بطريقتين، الطريقة الأولى حكومية ، هى استحداث قانون مش هياخد جلستين فى مجلس الشعب، لوضع شريحة جمركية مخفضة ويمكن تقسيطها على السيارات اقل من ألف سى سى وطولها اقل من 380 سم مثل الماروتى والكيلسا والزن او حتى العربيات الصينى بشرط ترخيصها تاكسى بلون معين تختص به كل منطقة ولا يسمح للسيارة بالتواجد خارج منطقة عملها ، ويتم التعمل مع تواجد السيارة خارج منطقة عملها بعقوبة رداعة مثل سحب السيارة مثلا، ساعتها هتلاقى العربية الماروتى اللى هتشتغل تاكسى تمنها 15 الف جنيه كاش وخمسة وللا سبعة جمارك بالتقسيط على سنتين مثلا، كما يمكن تقسيط تمن السيارة نفسها، وساعتها اللى يلاقوه راكب توكتوك يبقبى يستاهل الإعدام رميا بالأحذية فى ميدان عام، ده لو ما انقلبش بيه التوك ومات من نفسه،
اما الطريقة التانية وهى الطريقة الشعبية اللى قام بها بعض الشباب عن طريق تحويل السيارات السيات 133 والزاستافا 750 الى توك توك، وانا مقتنع تماما ان هذة السيارة حتى لو قديمة فهى آمن على حياه ركابها من صفيحة الموت ثلاثية العجلات التى ابتلانا بها الزمن
اما حكاية ان الناس تدخل فى مشروع هى عارفة من الاول انه فيه risk وبعدين لما تظهر مخاطره وتبدا الحكومة فى تحجيمه تقول ماهم واهم بيوت وعيال؟ محدش ضربهم على ايدهم وقال لهم يشترو توك توك، ثمن التوك توك يكفى لفتح محل بقالة صغير ايجار جديد فى منطقة شعبية ، وبالتالى اللى اختار التوك توك يتحمل نتيجة اختياره