الموضوع: طريقة فك هواية التكيف فيكترا سي بالصور

السلام عليكم ورحمة الله وبركاته
موضوع الهواية دة ان الريشة اللي من تحت خالص بتتكسر مش عيب تقفيل بس عشان هيا شغالة على قطعة بلاستيك رفيعة أوي
وطبعا لو روحت التوكيل هيقولك ده برة الضمان ويغيرهالك خالص
المهم احنا هنا هنفكها ونلزقها ولا هتبان خالص
نبدأ بقى
أولا : الادوات المستخدمة:



1.مفك عادي 2.طقم الانكيه مشرشر 3.أنبوبة أمير 4.دبوس رفيع ومنديل

ثانيا الخطوات:

1.نبدأ بفك الحرف اللي تحت الهوايات على طول (الابانوس) بعد ما تفتح درج التابلوه وواحدة واحدة من الجنب وانت فاتح باب العربية اليمين ما تخافش الكلبسات صاج مش هتتكسر
2.هتلاقي مسامير مشرشرة 2 تحت كل هواية

3.بالنسة للاتنين اللي في النص لازم تفك الاربعة اما الي في الجنب هتفك الاتنين بتوعها بس وتكمل معانا من خطوة 7


4.هنطلع الهوايتين ومعاهم الشاشة بس مش للاخر عشان نفك كابل الشاشة

5.نرفع الكلس الاسود اللي في الكابل بتاع الشاشة بالراحة هتلاقي الاكابل اتفك خالص

6.كدة هتلاقي في ايدك الهوايتين اللي في النص ومعاهم الشاشة

7.يفضل انك تاخدهم برة العربية عشان تكمل براحتك
8.هتلاقي كلبسين من فوق بالمفك أو بايدك ترفعهم لفوق (خلي بالك تفك الهواية اللي المكسورة فقط)

9.في كلبس تاني من الجنب تفكه لبره

10.كده بقيت الهواية لوحدها في ايدك
11.على الجنب الخارجي هتلاقي فتحة صغيرة فيها كلبس صغير اوي بالدبوس تدوس عليها عشان تطلع الريش


12.كدة الريش بقيت برة خالص نبدأ نلزقها هتحط قطعة فلين صغيرة جدا بين الحتة المكسورة وتقفل عليها بعدين تحط نقطية أمير وتدوس علهم بعد ما تظبطهم زي وضعهم الاصلي

13.ممكن تحط أمير من الجوانب عشان تثبت أكتر
14.سيبها شوية لغاية ما تنشف
15.مرحلة التركيب: خلي الهوايات اللي في ايدك لفوق على الاخر زي اللي راكبة مش اكتر
16.خلي بكرة التحكم في الهوايات لفوق عاى الاخر
17.ركب الهوايات من ناحية الكلبس الاول وبعد كده الناحية التانية و ماتحركهاش دلوقتي
18.ركبها في المكان الاصلي بتاعها تاني وكدة ممكن تجرب شغالة ولا لأ
19.اعكس الخطوات السابقة تاني وانت بتركب
20.كابل الشاشة تحطه في مكانة و تضغط هيركب لوحده
21.كمل تركيب بقى للاخر بس هتحتاج تظبط الوقت والتاريخ تاني

الموضوع مجهود شخصي وأي خدمة
اي حد عايز استفسار ممكن يكلمني على الموبايل في أي وقت 0105100383