كيف يتم صناعة الغباء ؟

**KSA2011** · 05-10-2009 04:29 PM

كيف تتم صناعة الغباء؟

مجموعة من العلماء و ضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز

في كل مرة يطلع أحد القرود لأخذ الموز يرش العلماء باقي القرود بالماء البارد

بعد فترة بسيطة أصبح كل قرد يطلع لأخذ الموز, يقوم الباقين بمنعه و ضربه حتى لا يرنشون بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الأغراءات خوفا من الضرب

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد فأول شيئ يقوم به القرد الجديد أنه يصعد السلم ليأخذ الموز ولكن فورا الأربعة الباقين يضربونه و يجبرونه على النزول.

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب.

قام العلماء أيضا بتبديل أحد القرود القدامى بقرد جديد و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب و هكذا حتى تم تبديل جميع القرود الخمسة الأوائل بقرود جديدة حتى صار في القفص خمسة قرود لم يرش عليهم ماء بارد أبدا و مع ذلك يضربون أي قرد تسول له نفسه صعود السلم بدون أن يعرفوا ما السبب.

لو فرضنا ..

و سألنا القرود لماذا يضربون القرد الذي يصعد السلم؟

اكيد سيكون الجواب : لا ندري ولكن وجدنا آباءنا وأجدادنا له ضاربين

هناك شيئين لا حدود لهما ... العالَم و غباء الأنسان.

هكذا قال اينشتاين

**aymansaad** · 05-10-2009 04:32 PM

مقال فى محله

**Haytham1212** · 05-10-2009 05:02 PM

المشاركة الأصلية كتبت بواسطة ksa2011

هناك شيئين لا حدود لهما ... العالَم و غباء الأنسان.

هكذا قال اينشتاين

اعترض معاك

هناك شئ واحد فقط لاحدود لة

قدرة الله سبحانة وتعالى

اينشتاين دا مش مسلم

فمش كل كلامة صحيح
ولا كل كلمة قالها نبقى نرددها
تقبل مرورى
وشكرا يا اخى على الموضوع

**nab!l** · 05-10-2009 06:15 PM

فعلا

**KSA2011** · 05-10-2009 07:18 PM

المشاركة الأصلية كتبت بواسطة haytham1212

اعترض معاك

هناك شئ واحد فقط لاحدود لة

قدرة الله سبحانة وتعالى

اينشتاين دا مش مسلم

فمش كل كلامة صحيح
ولا كل كلمة قالها نبقى نرددها
تقبل مرورى
وشكرا يا اخى على الموضوع

حضرتك فهمت الكلام غلط
كلام كتير بنستخدمه بمليون معنى
مش عشان التركيبه دى كانت حاضره فى دماغك يبقى تتحط رد
وانا مثلا لما اقولك انى حبى لربى مالوش حدود وحبى لدينى مالوش حدود
يبقى حرام ؟؟؟؟
تقبل مرورى ومنور الموضوع

**KSA2011** · 05-10-2009 07:23 PM

نسيت اقولك انه ايناشتاين ده مهما كان فهو من اذكى العلماء واكتشافاته والنظريه النسبيه بتطبق تقريبا فى كل شى انت بتعمله فى حياتك
نسيت اقولك كمان انه ايناشتاين ما بيعرفش عربى مش هو الى قال الكلام ده بالانجليزى وترجمه للعربى فانا ما نقلتش حاجه منه
على فكره انت نرفذتنى جداا
اه انا صريح معاك واخبى ليه
وربنا يهديك ويهدينا جميعا

**Haytham1212** · 05-10-2009 10:24 PM

شوفت انك معندكش نقاش

نرفذتك ازاى وانا بتناقش معاك

حضرتك لم تتقبل مرورى على العموم لم
اتوقع هذا الرد من حضرتك

سقط الحوار من نظرى

**SHNORY** · 05-10-2009 10:55 PM

المشاركة الأصلية كتبت بواسطة haytham1212

شوفت انك معندكش نقاش

نرفذتك ازاى وانا بتناقش معاك

حضرتك لم تتقبل مرورى على العموم لم
اتوقع هذا الرد من حضرتك

سقط الحوار من نظرى

هو النقاش اننا نحول كل حاجه لمسلم وغير مسلم ؟؟؟
ولا المسلمين لما بيقولوا كلمه بتبقي مصدقه وغير المسلمين لما بينطقوها تبقي كفر
ولما ييجي اعلان لعربيه او منتج ويقولوا رفاهيه او جمال بلا حدود
نعمل مقاطعه ليهم علشان الكمال لله
بيتهيالي ان القصد من مداخلتك هي نرفزه الاعضاء مش اسداء نصيحه

**KSA2011** · 06-10-2009 12:05 AM

المشاركة الأصلية كتبت بواسطة shnory

هو النقاش اننا نحول كل حاجه لمسلم وغير مسلم ؟؟؟
ولا المسلمين لما بيقولوا كلمه بتبقي مصدقه وغير المسلمين لما بينطقوها تبقي كفر
ولما ييجي اعلان لعربيه او منتج ويقولوا رفاهيه او جمال بلا حدود
نعمل مقاطعه ليهم علشان الكمال لله
بيتهيالي ان القصد من مداخلتك هي نرفزه الاعضاء مش اسداء نصيحه

على فكره يا استاذ شنورى
انا عمرى ما اتنرفذ من الكلام ده لانى متخيل صاحبه كويس وعرفته من اول كلمه
بس انا كنت لازم اقوله كده عشان اوصله رساله واهى الحمد لله وصلته
سيبك انت والله العظيم انت منور الموضوع
كل سنه وانت طيب