إمكانيات سوبارو التى لا يعرفها أحد

انا من أشد المحبين لماركة سوبارو اليابانية واحترم جدا اى حد راكب الماركة دى
بس ياترى اللى راكبها ده او حتى اللى ماشى وشايف حد راكب عربية سوبارو يعرف امكانياتها الحقيقية ولا اخره معجب بشكلها من بره وخلاص
وواحد تانى يهمه الكماليات ولا الهورس باور بتاع الموتور
وآخر شايف سعرها مبالغ فيه وما تستاهلش الفلوس اللى تتدفع فيها لأنه هايخسر نصف ثمنها لو باعها بعد كام سنة
ولا اللى شايف ان قطع غيارها وصيانتها غالية ع الفاضى


كل الخواطر والجوانب دى هانتناولها هنا ان شاء الله وبمشاركة آرائكم طبعا
لأن سوبارو من الماركات الفريدة فى العالم اللى ارتبط اسمها بأنظمة الدفع الرباعى
كما ارتبط اسم bmw بنظام الدفع الخلفى
وفولفو اللى غيرت مفاهيم الأمان والسلامة فى تاريخ صناعة السيارات بالعالم أجمع

Think . Feel . Drive

هذا شعار سوبارو وهدفها المنشود فى كل سياراتها الحديثة لكن ما وراء هذه الكلمات الثلاث أشياء كثيرة وتقنيات أكثر يجب ان نعلمها جيدا ومنها:

1. تعد سوبارو للسيارات احدى شركات مجموعة فوجى Fuji للصناعات الثقيلة المحدودة منذ عام 1953.

2. تحتل سوبارو المركز السابع فى قائمة الصانعين اليابانيين بعد كل من: تويوتا-هوندا-نيسان-سوزوكى-مازدا-ميتسوبيشى.

3. رائدة فى صناعة سيارات الركوب رباعية الدفع حيث انتجت اول طراز عام 1972 اطلقت عليه اسم (Leone AWD) بعد العديد من الطرازات ذات الجر الأمامى فيما يعد نقطة تحول فى تاريخ الشركة.

4. فى العام 1987 أطلقت ناقل الحركة الاوتوماتيكى المتواصل ومتغير الحركة فيما عرف باسم ECVT - هو نفس التقنية المتبعة حاليا فى طرازات شهيرة وجديرة بالكفاءة مثل ميتسوبيشى لانسر وهوندا سيتى وسيفيك - وكان وقتها يعد طفرة فى عالم نواقل الحركة الاوتوماتيكية.

5. فى عام 1989 أطلقت طراز ليجاسى Legacy الشهير وينتمى لفئة السيارات العائلية المتوسطة.

6. بينما اطلقت طراز امبريزا Impreza الاكثر شهرة عام 1992 ضمن فئة السيارات العائلية الصغيرة والذى عرف بعد ذلك بطراز بطولة العالم للراليات.

7. عام 1995 خرج الى النور طراز اوت باك Outback وهو النسخة الواجن من الليجاسى وايضا حصلت سوبارو على بطولتى العالم للراليات WRC للصانعين والسائقين مع الاسطورة الراحل كولين ماكراى Colin Macrae.

8. كما حصلت على بطولة العالم للصانعين فى ذات البطولة فى اعوام (1996-1997) وبطولة السائقين عام 2001 مع ريتشارد بيرنز وعام 2003 مع الواعد النرويجى بيتر سولبيرج.

9. وفى عام 2005 توسعت سوبارو فى انتاج سيارات الدفع الرباعى المتعددة الاغراض والمعروفة باسم SUV بعد طرازها فورستر واطلقت سيارة كبيرة الحجم للمنافسة فى السوق الامريكى تحديدا تحت اسم B9 Tribeca.

10. وأخيرا وليس آخرا انتجت سوبارو اول محرك بوكسر BOXER يعمل بالديزل والتى اختصت به طرازات سوبارو منذ سنوات طويلة ويعتمد تقنية الاسطوانات المتقابلة والمنبطحة بوضعية عكسية فى الامام والذى يمتاز بانخفاض مركز ثقله وانخفاض وزنه وصغر حجمه ناهيك عن تدنى حجم الاهتزازت الناتجة عن دورانه خاصة على سرعات عالية ويعتمد نفس التقنية التى يعتمدها محركات سيارات البورش الرياضية العريقة.

http://www.youtube.com/watch?v=XKPTo2fKNqw

Thanks for the Great info, Subaru is indeed a respectable Car.

ده فيديو تفصيلى عن محركات سوبارو المميزة ونظام AWD المتطور يشرح مدى تفوقها على منافسيها

YouTube - subaru_symetrical_awd.mpg

اما الفيديو ده عن اول محرك بوكسر يعمل بالديزل فى العالم من صنع سوبارو

YouTube - Subaru Boxer Turbo Diesel Engine

باشا بجد انا مستنيك تخلص الموضوع التحفه ده عشان اعرف اشكرك براحتي
وعايزين نتعرف عليك اكتر بما انك مهتم بسوبارو كده
معلش انا شاركت في نص الموضوع كده بس اكيد المشرف حيظبطو ويجمعو كله لما الراجل الحلو ده يخلص
soo nice and go ahead

اقتباس:

---

المشاركة الأصلية كتبت بواسطة khalid_adel

باشا بجد انا مستنيك تخلص الموضوع التحفه ده عشان اعرف اشكرك براحتي
وعايزين نتعرف عليك اكتر بما انك مهتم بسوبارو كده
معلش انا شاركت في نص الموضوع كده بس اكيد المشرف حيظبطو ويجمعو كله لما الراجل الحلو ده يخلص
soo nice and go ahead

---

بجد انا اللى بأشكرك جدا على اهتمامك ومطالعتك لموضوعى
وبأرحب بأى تعليق او اضافة على كلامى

واسألنى على أى حاجة عاوز تعرفها عن اى ماركة مش سوبارو بس

لأنى الحمد لله قارى كتيييييييييير والعربيات بالنسبة لى عشقى الاول والاخير وبخصوص طلب حضرتك بالتعرف عليه اكتر

فيكفى اذكر انى أملك جميع أعداد ملحق سيارات جريدة الاهرام من اول عدد حتى العدد 605 بتاع الجمعة اللى فاتت محتفظ بيها وبأجمعها على مدار 13 سنة لحد دلوقتى ... وما تقوليش ليه ولا إزاى لأنى ما اعرفش لحد دلوقتى اجابة للسؤال ده


وكمان اعداد كتييييييييييير لمجلة سبور أوتو اللبنانية العريقة وشوية كتالوجات كده لموديلات مختلفة


وتقريبا ما بأسيبش معرض من اوتوماك ولا فورميلا من سنة 1997 لحد دلوقتى


وأخيرا وليس آخرا أفخر بشدة انى اشتغلت فترة سنة ونصف تقريبا من 12/2004 حتى 4/2006 فى العمل الصحفى حيث كتبت موضوعات عديدة فى ملحق بورصة السيارات الخاص بجريدة صوت الأمة المستقلة أغلبها تتعلق بنتيجة سباقات الفورميلا-1 وبطولة العالم للراليات WRC

وده ايميلى:
youssef_hassan2005@yahoo.com
youssef_hassan2005@hotmail.com

موضوعك بجد جميل و الاجمل منه هو السيارة نفسها التي لم و لن أركب مثلها فهي تفجر كل الطاقات و الققدرات لديك كسائق و بجد تملأ نفسك متعة و ثقة عند قيادتها
و علي رأي اخ هنا في المنتدي" لن تشعر بالسوبارو كما ينبغي الا وقت الخطر "
و كيف تتفاني السيارة في حمايتك و امتاعك في نفس الوقت

السوبارو اسطورة و فعلا فئة بذاتها و لا يظلمها في مصر سوي جهل السوق المصري و انحصار نظره تحت قدميه فقط,فهي سيارة العمر و كل جيل
و اذا كانت الظروف تجبر اصحابها احيانا الى التخلي عنها فهذا فقط كي يعودوا لها مرة اخري لانها لا مثيل لها

و شكرا مرة اخري و متابعين الموضوع بأهتمام

فعلا موضوع جيد يا اخ يوسف ونتمنى انك تعمل مواضيع تانية عن انواع تانية (وخصوصا الجين 2:shyy:)
ربنا يجزيك الخير

اقتباس:

---

المشاركة الأصلية كتبت بواسطة alfa

فعلا موضوع جيد يا اخ يوسف ونتمنى انك تعمل مواضيع تانية عن انواع تانية (وخصوصا الجين 2:shyy:)
ربنا يجزيك الخير

---

شكرا جدا على ذوقك ويارب أكون عند حسن ظن الجميع
بس أعذرونى لأن المواضيع دى بتحتاج وقت عشان التحضير وأنا ظروف شغلى متغيرة من وقت للتانى:ask:

واشمعنى يعنى الجين 2
عشان عربيتك يعنى
حاضر ياسيدى طلباتك أوامر بس الزملاء كتبوا كل كبيرة وصغيرة عن محبوبة الجماهير (وأنا أولهم) وماسابوش حاجة لحد
بس هأحاول لأنى بأحب العربية دى أوى ولسه من أسبوعين كده ناصح واحد زميلى يشتريها والحمد لله سمع كلامى :36_1_1[1]:

يا شباب بس السوبارو مشكله في مصر بجد .. هاموت عليها و سعرها ممكن اجيبها مستعمل موديل 2006 او حاجه و لكن ياتي العائق الاكبر و هو قطع الغيار لو عليا انا مش مشكله ولكن المشكله في الوالد ... حاجه تخنق و كمان مافيش حد خالصصص بيشتغل فيها بره التوكيل عشان تبقي ارخص او كده

اقتباس:

---

المشاركة الأصلية كتبت بواسطة totoelgen

يا شباب بس السوبارو مشكله في مصر بجد .. هاموت عليها و سعرها ممكن اجيبها مستعمل موديل 2006 او حاجه و لكن ياتي العائق الاكبر و هو قطع الغيار لو عليا انا مش مشكله ولكن المشكله في الوالد ...

---

طبعا معاك حق 100%
لكن متعة ركوب السوبارو نفسها محتاجة واحد ما يفكرش فى موضوع قطع الغيار والتوكيل وخلافه لأنه فى الاول والاخر بتعتمد على أسلوب قيادة صاحبها

وبالنسبة للوالد فكلهم كده الزمن وقف بيهم عند الزلموكة والمعدل والبيجو ولو طالبة معاهم جديد يبقى يا تويوتا يا ميتسوبيشى آخرهم :majd(4):

اقتباس:

---

المشاركة الأصلية كتبت بواسطة totoelgen

.. حاجه تخنق و كمان مافيش حد خالصصص بيشتغل فيها بره التوكيل عشان تبقي ارخص او كده

---

لا فيه واحد اسمه عايد فى الحرفيين عنده كل حاجة للسوبارو وبأسعار معقولة جدا عن التوكيل الغالى بتاع أبو غالى :_Alshmokh08[1]:

اشكرك علي هذا الموضوع...

اقتباس:

---

المشاركة الأصلية كتبت بواسطة mohamedsalamaaa

اشكرك علي هذا الموضوع...

---

:M_yes[1]::M_yes[1]::M_yes[1]:

العفو يافندم تحت أمرك وشرفتنا بزيارتك للموضوع والتعليق :S_thum1[1]:

موضوع رائع لعربية رائعة
رغم أنى مش معايا سوبارو بس أنا من عشاق سوبارو
و اتمنى تنزل فى الموديلات الجديدة بدون فريم كعادة سوبارو لان دة كان من أهم مميزات سوباور غير تقنية الماتور المميزة
بصراحة فعلآ بحترم أى حد راكب سوبارو
أنا بشكرك جدآ جدآ على الموضوع المميز دة اللى أكيد من شخص مميز جدآ :verygood:

اقتباس:

---

المشاركة الأصلية كتبت بواسطة night_whisper

موضوع رائع لعربية رائعة

رغم أنى مش معايا سوبارو بس أنا من عشاق سوبارو
و اتمنى تنزل فى الموديلات الجديدة بدون فريم كعادة سوبارو لان دة كان من أهم مميزات سوباور غير تقنية الماتور المميزة
بصراحة فعلآ بحترم أى حد راكب سوبارو

أنا بشكرك جدآ جدآ على الموضوع المميز دة اللى أكيد من شخص مميز جدآ :verygood:

---

:Y_hi_3[1]:
العفو ياباشا ...
وشكراااااااااااااااا جدااااااااااااااااااا على ذوقك وكلامك الحلو ده
ولولا حبى وشغفى وولعى بماركة زى السوبارو وغيرها ما كنتش عملت الموضوع ده
بس للأسف ناس كتير فى مصر ما تعرفش يعنى إيه عربيات سوبارو ولا تميزها عن بقية العربيات بنظام الدفع الرباعة الدائم والمحركات البوكسر :8_8_13:

متشكرين على المعلومات الهامة دى

انا اول مرة اسمع عن المعلومات دى وانت كدة حببتنى فى السوبارو

اقتباس:

---

المشاركة الأصلية كتبت بواسطة tarekmomo

متشكرين على المعلومات الهامة دى

---

العفو يا طارق بييييييييه
احنا دايما فى الخدمة

اقتباس:

---

المشاركة الأصلية كتبت بواسطة tarekmomo

انا اول مرة اسمع عن المعلومات دى وانت كدة حببتنى فى السوبارو

---

:hlopaet_prv::hlopaet_prv::hlopaet_prv:
أنا لى الشرف أنى أكون أحد أسباب حبك للسوبارو لأنها فعلا من الماركات المظلومة والمهدور حقها فى مصر
وشرفتنا بمشاركتك :Ob_mak1[1]: