الموضوع: شاشة الكومبيتر الموجودة عند العدادات

المشاركة الأصلية كتبت بواسطة jackal_sheriff

السلام عليكم و رحمه الله و بركاته
ازيكم يا بروتوناويين
عامليين ايه كلكوا
يارب تكونوا في احسن حال
ليه طلب من حبايبنا و هومش طلب رخم اوي يعني
عايز حد يصورلي شاشة العدادات الموجودة (الشاشه الكومبيوتر)
اللي من خلالها بعرف انا مشيت اد ايه بالعربية و استهلكت بنزين اد ايه و المسافة الكلية اللي قطعتها العربيةو هكذا.....) بس مع شرح كل شاشة و بتعمل ايه وازاي اتحكم فيها و لو عايز اصفرها (ارجع لنقطة الصفر ازاي)وياريت حد كمان يشرح الكاسيت و كل وظايفه لان العربية مليانة زراير و الواحد عايز لما يجي يستلم يبقه فاهم كل زرار بتاع ايه
انا بتهيائلي ان جينا او برسونا واحد في كل التابلوه بس لو في اختلاف يا ريت حد يذكره بس عموما انا بتكلم على جينا حبيبة قلبي
في موضوع مماثل في اللنك ده مصور فيه العدادات و الكمبيوتر ووظايفه
فا يارت اي حد من الاخوة الافاضل يعمل كده كوباية شاي بنعناع (على حسابى)
وياخد الموبايل ابو كاميرا و ينزل كده يصور التابلوة التحفة و ياسلام لو كان باليل عشان نشوف التابلوة و هوا منور و نشوف المبات كلها اللي فيه
و يرجع يحمال الصور و بشوية (فوتوشوب):b4_039: كده يظبط التظابيط و يديها شرح و كلنا اذان صاغية و يدووووووم الخير
شكرا مقدما لاني عارف ان الاخوة مش هيتاخروا عليا ابدا
طالما عندنا (ayman-m.abdelall-haythem-toot-mohab-.....(
كتيير اوي و مش معقولة هاكتب اسامي المنتدى......
وكمان انا حاسس اني طولت اوي فا بزيادة كده
سلامممممم عليكممممممممممممم

عشان تصفر أي قرايه من اللي في الشاشة دي هتلاقي عندك في تحت الشاشة على طول في زرارين رفيعين يمين وشمال هتقف على أي شاشة ولنفرض معدل إستهلاك البنزين عشان تصفره تدوس على الزرار الشمال بشكل متواصل لمدة نص دقيقة وهتلاقيه إداك شرط , وهكذا في أي حاجة تانية , وعلى فكرة هي شبيهة أوي بالقرايات اللي في الشاشة اللي في اللينك بس الشكل هو اللي مختلف

حتكلم بالنسبه الواجا ..........مفهاش شاشه كمبيوتر رحلات زى الى فى اللوجان .

هما شاشتين واحده للساعه الديجيتال .

و التانيه لل اودو ميتر .. الكيلو مترات الى قطعتها العربيه , و فى زرار جمبيها بتقلب ل عداد التريب .