اعتقد ان فى 2019 هتنتشر العربيات الهيبرد فى الدول الناميه زى مصر.
عرض للطباعة
اعتقد ان فى 2019 هتنتشر العربيات الهيبرد فى الدول الناميه زى مصر.
تفتكروا فى 2019 ممكن منتخب مصر يكون وصل كاس العالم ؟ :36_1_37[1]:
بالنسبة لموضوع كأس العالم ده صاحب الموضوع قال نحلم مش ننتظر معجزه وبالنسبة للعربيات مش عارف أنا حاسس أنى لو خليت العفريته الصغيرة إللى معايا دلوقتى دى (128) هتكون ساعتها عربية نادرة و مميزه ومش أى حد راكبها عكس البى أم والمرسيدس
اهو كاس العالم ده اللى لا ينفع معاه جمارك و لا غيره
الحل الوحيد عشان نشوف مصر بتلعب فى كاس العالم ان احنا اللى ننظمه!
===
نظرية ال128 دى تستحق الاحترام برضه :)
يا جماعة انا متفائل جدا مش حيكون فية جمارك خالص و لا فية اى ضرائب بس حيكون 1 يورو = 500 جنية الدكر يشترى بقى
1019 هتكون العربيات كلها بالكهربة، انا عايز اي حاجة الماني بالكهربة.
لو المواتير كهربه ، هيحسبو ازاي الجمارك ساعتها ؟
ان الجمارك تتلغي والفيراري تبقى تاكسي ممكن
لكن مصر تدخل كاس العالم ...
مستحيل مستحيل مستحيل مستحيل مستحيل
واضح ان فى اجماع على موضوع كاس العالم :)
الموضوع ده جميل جداً وأنا عاوز أشترك فيه بعد إذنكم وأقول رأيى فى عدة نقاط :
1- فى عام 2019 ومع زيادة عدد السكان هيبقى فيه زحمة كبيرة قوى فى القاهرة ومش عارفين لسة القاهرة هيبقى شكلها عامل إزاى .
2- مع معدل زيادة الأسعار ورفع الدعم عن الوقود ممكن نسمع فى مصر إن لتر البنزين الــ95 بيبدأ من 12 جنيه وإنت طالع ، ده لو قدروا يتحكم فى أسعار البترول وفضلت ثابتة لغاية 2019 لإن البترول سعره زاد فى الفترة اللى فاتت بسبب المضاربات وحرب العراق
3- العربيات دى كلها شكلها هيتغير إلى أشكال تانية كتيرة وهيبقى فيه كماليات تانية كتيرة من اللى موجودة فى السيارات الفارهة هتبقى استاندارد واساسية فى العربيات العادية مثل أنظمة الثبات الإلكترونىesp وأنظمة الفرامل ,abs,ebd,asr,tcs والأوامر الصوتية
4- انتشار السيارات الكهربائية والهجينة .
5- السيارات الصينية والكورية هتكون بدأت تصنع سيارات بنفس جودة السيارات اليابانية .
6- هنسمع إن هيونداى بتنافس تويوتا على لقب صانع السيارات رقم 1 فى العالم .
7- مصر هيبقى فيها طرق حرة كتيرة .
8- هنفضل نعانى من مشاكل الصيانة الدورية وتغيير الزيوت والفلاتر وتيل الفرامل وغيره وغيره وغيره ، والأكتر من كده إن العربية هيبقى فيها حساسات وأنظمة متطورة أكتر من الأول .
9- إنخفاض السعات اللترية للمحركات وزيادة قوتها .
10-زى ما فيه أنظمة متطورة دلوقتى فى سيارات مرسيدس بتخلى العربية ترصد العوائق على الطريق وبها أنظمة رؤية ليلية وغيره من الأنظمة المتطورة هتكون انتشرت بعض الشئ فى باقى السيارات .
11- ده غير أجهزة الكمبيوتر والتليفونات المحمولة وشبكات الانترنت وغيره وغيره .