طبعا كلنا عرفنا موضوع بداية تخفيض الجمارك على السيارات الأوروبى بداية من 2010 تدريجيا انتهاءا بالوصول الى ال " زيرو جمارك " سنة 2019 ان شاء رينا يحيينا و يحييكم
بالاضافة الى ان الكتير يتوقع انه يصدر قرار مماثل بالنسبة لباقى فئات السيارات نظرا لاستحالة الاستمرار فى المنافسة اذا استمر الوضع على ما هو عليه بالنسبة للسيارات بخلاف المنشأ الأوروبى
النهاردة قعدت مع صاحبي نسرح بخيالنا شوية و نقول كل واحد هيبقى نفسه يركب ايه ساعتها ربنا يرزقنا بالحلال ان شاء الله ... و كمان مشكلة التاكسي اللى هنلاقيه بى ام و مرسيدس على اعتبار ان فى حاليا تاكسي بوما !
ياريت كل واحد يقول ايه تصوره لعربيته عام 2019 ان شاء الله ... مع الاعتبار اننا هنتكلم مبدئيا عن الأوروبي فقط لحين وضوح الرؤية بالنسبة لغير ذلك
و ياريت كل واحد 3 فئات عربيات ... واحده تقابل رينج أسعار ما تحت ال100 الف حاليا .. واحده تقابل من 100-200 الف حاليا .. واحده تقابل 200 الف و انت طالع
بمعنى اخر هنفترض ان حالتك المادية وقتها تساوى انك تجيب الوقتى عربية اقل من 100 او اكتر و هكذا .... هتختار ايه فى كل فئة بالتقريب يعني على اساس اننا ممكن نوصل لسعر تقريبى للعربيات بعد حذف الجمارك
منتظر الاختيارات و التخيلات من الاعضاء