تمام حضرتك بتقول ليس لنا الا الظاهر
فما هو الظاهر الان فى رأيك
إن الراجل متعصب لرأيه و إنه في الفترة الأخيرة تدهور صحيا و أصبحت له تصرفات و أفعال غير مبرره ، و دي كلها علامات كبر السن
قال تعالى : " و الله خلقكم ثم يتوفاكم و منكم من يرد الى أرذل العمر لكي لا يعلم من بعد علم شيئا ان الله عليم قدير "
ألا تري بعض هذه العلامات في الشيخ
كلام مهم جدا:
.
.
سيد طنطاوي ليه تفسير أسمه التفسير الوسيط للقرآن الكريم بيقول فيه أيه:
في الجزء الـ 11 صفحة 245 تفسير الأية 59 من سورة الأحزاب
{ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً } (الأحزاب:59) يقول : (( والجلابيب جمع جلباب ، وهو ثوب يستر جميع البدن ، تلبسه المرأة فوق ثيابها . والمعنى : يا أيها النبي قل لأزواجك اللائي في عصمتك ، وقل لبناتك اللائي هن من نَسْلك ، وقل لنساء المؤمنين كافة ، قل لهن : إذا ما خرجن لقضاء حاجتهن ، فعليهن أن يَسدلن الجلاليب عليهن ، حتى يسترن أجسامهن سترًا تامًّا من رؤوسهن إلى أقدامهن ؛ زيادة في التستر والاحتشام ، وبعدًا عن مكان التهمة والريبة . قالت أم سلمة رضي الله عنها : لما نزلت هذه الآية خرج نساء الأنصار كأن على رؤوسهن الغربان من السكينة وعليهن أكسية سُود يلبسنها ))
الكلام دا من تفسير نفس الراجل اللي بيقول ان النقاب عادة وملوش دعوة بالاسلام
حسبنا الله و كفى
يا هيومان ايوة غير رايه زي ما غير كل ارائه اللى كان كاتبها قبل ما يبدا يبص للمناصب وتغريه الدنيا الله يهديه او يريحه ويريحنا احنا كمان
على فكرة اللى يجنن انه لا يجوز عزله وهيفضل كاتم على نفسنا كدة ويعملنا مشاكل كل شوية لغاية لما يموت او يثبت طبيا انه مجنون وده مش هيحصل يبقي هايفضل كاتم على نفسنا سبحان الله نفسي الاقي واحد من اللى هيفضلوا كاتمين على نفسنا لغاية ما يموت يبقي كويس
بالتأكيد كلامك كله صح , انا من مؤلفاته بحترمه جدا وعارف مقداره ولذلك كنت زعلان من ان الناس هنا فى الموضوع بتقول عليه كلام صعب قوى لدرجه ان فى عضو هنا قال عليه زى تامر حسنى , حاجه صعبه جدا لما نقلل من قدر الراجل بالشكل البشع ده
الراجل فعلا بقا كلامه كتير غلط وغير مقبول بالمره , الله اعلم من السن ولا من المنصب اللى اغراه او اسباب اخرى والراجل مضغوط عليه , لذلك اختلف معاه فى الرأى لكن مازلت احترمه
انا اسف جدا انى اخطات التعبير بكلمه خبر هايف , انا كنت اقصد يعنى انه قد يكون خبر مفبرك وعلشان كدا هو تجاهله لكن انا عارف طبعا مدى اهميه راى شيخ الازهر فى امر هام من الدين زى النقاب ( اسف مره تانيه على سوء التعبير )
بخصوص الاختلاف معاه انا عارف فعلا هو عصبى جدا ومن النوع اللى لما تجادل معاه صوته تلاقيه بدا يتغير زى مثلا ما تكون بتكلم راجل كبير وبيزهق بسرعه من الجدال , انا مستبعدش عليه الكلام اللى قاله من نوعيه انا اعرف اكتر منك ومن اهلك لانى شوفته وهو بيتناقش بس انا بقول قد يكون سياق الكلام كان غير كدا , لما حصل وكان الطلبه بتختلف معاه فى راى كان لازم غصب عنه يقول حجته لان ساعتها الموجودين كلهم فاهمين كويس الكلام بيدور فى ايه و اللى مش بيتقبل رأى التانى كان ساعتها بيبقى معروف ان موقفه ضعيف , موضوع الصحفيه ده انا اول مره اسمعه بس فعلا حاجه صعبه قوى
انا متفهم سخط حضرتك على اسلوبه وازاى هو واجهه غير مشرفه بتاتا للأزهر مؤخرا بعد تحول مساره تماما عن ما كان عليه
الحمد لله علي قدرتنا علي النقاش و خلينا نتمسك بعدم الخطأ في الشيخ و نناقش الموقف فقط
لا يصح أن نقول علي الشيخ ألفاظ أشد من ألفاظ انتقدناها عليه ،جزاكم الله خيرا