يا جماعة ان شاء الله المفروض اعمل صيانة الالف لازم تتعمل والا ممكن اطنش واعمل صيانة ال 5000 علطول
افيدونى افادكم الله
ولو مروحتش لازم اغير الزيت والا الزيت شغال عادى للـ 5000
عرض للطباعة
يا جماعة ان شاء الله المفروض اعمل صيانة الالف لازم تتعمل والا ممكن اطنش واعمل صيانة ال 5000 علطول
افيدونى افادكم الله
ولو مروحتش لازم اغير الزيت والا الزيت شغال عادى للـ 5000
لا طبعا .. لازم تروح تعمل صيانة الألف
الزيت اللى موجود فى المحرك بعد استلام سيارتك بيقعد ألف كيلو فقط
ده بالاضافة الى أنهم بيكشفوا على العربية وبيتم تربيط العفشة
والمصنعية مجانا
.
.
.
ومعلش يعنى .. حضرتك دافع مبلغ وقدره .. تمن العربية .. ربنا يحافظ لك عليها
لما تبدأ تطنش كده من أولها فى صيانتها .. مش هتلاقيها بعد كده
حافظ على عربيتك .. علشان تعيش معاك
تحياتى لحضرتك
ضرورى جداااااااا :M_yes[1]:
ربنا يوفق
مهم جدا تغيير الزيت والفلتر بعد الالف الاولى للمحرك لان الزيت ده فيه اكبر واهم كميه رايش فى عمر المحرك اللى فيها الاسطوانه بتتطبع مع المكبس ده بالاضافه ان الشوائب دى تؤدى الى انه حيسخن بسرعه لوجود معدن بها ومش حيبرد بسهوله وبالتالى مش حيؤدى عمليه التزييت المطلوبه منه
تحياتى
مهمة جدا طبعا دى فترة التليين كأنك لسه عامل عمرة للعربية لازم تغير الزيت لأنه مليان رايش و تراجع العربية بالمرة
لازم الصيانة تتعمل في مواعيدها عشان العربية تعيش معاك مدة أطول من غير مشاكل
شكرا جدا الى الجميع على النصيحة الغالية ........منكم
وان شاء الله هروح اعملها بس اعملها فى التوكيل والا فى العجوزة احسن
ال2 زي بعض مع اني بفضل العجوزة علشان الزحمة و خاصة ان ال1000 مافيهاش حاجة مهمة
شكرا ليك يا لرود
طيب هو فى حجز زى الصحرواى والا اروح فى اى وقت ومواعيدهم اية