بالنسبة للرش والسمكرة... أرجو المساعدة

**ammahah_ahmed** · 09-11-2007 02:56 PM

السلام عليكم

من يومين كده و انا لسه طالع من البيت خبطت في عربية فيتارا, بأمانة أنا اللي كنت غلطان هوه محصلوش حاجة بس انا الاكصدام اتحك عندي حكة كبيرة شوية ... الحمد لله

أنا مأمن على العربية وكنت عاوز أصلح الاكصدام ده و الاكصدام الخلفي برضو فيه كان حكة كده و الرفرف الأمامي كمان

السؤال بقى , أروح فين أعمل الموضوع ده, أنا كنت ناوي أروح كارتك بس قريت انه وحش أوي في السمكرة و الرش , و غبور لما اتصلت بيهم قالو لي حاجة كوميدية جدا ( تيجي تسلم العربية في أي وقت , والعربية تقعد فترة انتظار عندهم ما بين اسبوعين أو 3 أسابيع و بعد كده يصلحوها في حوالي اسبوعين ) يعني مجمل حوالي شهر أو أكتر عشان شغلانة بسيطة مش كبيرة يعني الحمد لله
ده مش معقول بصراحة غبور بقى حاجة مملة جدا في كل حاجة

فعاوز خبرة الناس في الموضوع ده ... أرش و أسمكر فين, أنا عاوز يكون في مركز معتمد

شكرااااااااااااااااااا
أحمد خليفة

**zezo13178** · 17-11-2007 09:03 AM

في ورش كتير كويسه في الحرفيين لو عاوز تروح لحد منهم انا تحت امرك

**Eng.Salah Mahdy Salama** · 17-11-2007 09:57 AM

بص يا سيدي الفاضل انا بعمل الصياننة عند فرع لتوكيل غبور في السويس
سفت شغلهم في الرش و السمكرة مصدقتش
عربيات خارجة من حوادث و طالعة ماشاء الله عليها زي الفل ربنا يبارك لصحابها فيهم
و و روني اكتر من عربية هما اللي اشتفغلوا فيها بصراحة شغل نضيفجدا لدرجة اني مصدقتش انها كانت مخبوطة اصلا

معلومة يمكن تفيد

شكرا!!