سؤال بخصوص المارش و اتوماتيك المارش (جين 2 )

**momenhamdy** · 06-10-2009 12:15 AM

بسم الله الرحمن الرحيم

الاخوه اعضاء منتدي بروتون الكرام

بصراحة انا كنت عايز اسأل عن المارش و اتوماتيك المارش بالنسبه للجين 2 و هل ممكن تغير اتوماتيك المارش في البروتون من غير تغير المارش و سعره اد ايه ؟؟؟؟

لان انا سمعت ان المارش و اتوماتيك المارش في البروتون بيكونوا مع بعض

فأرجوا توضيح هذه المعلومه لانها مهمه بالنسبه لي

( و طبعاً دا راجع اني لغايه النهارده المشكله الي عندي في العربيه لسه متحلتش و طبعاً كثير من اعضاء المنتدي و علي رأسهم الاستاذ ايمن و الاستاذ احمد صيام عارفين القصه بتاعتي الخاصه بالدواره و طبعاً الموضوع دا قديم اوي اوي من شهر واحد الي فات و لسه مفيش حل حتي الان )

و طبعاً تم المرور في التوكيل بهذه الاعمال لتفادي هذه المشكله و كانت اولها بالترتيب
1- الكشف علي حساس النقلات
2-الكشف علي البطارية و توصيلتها
3-الكشف علي الضفيره
4-تم تغير علبه الفيوزات الاماميه ( داخل غرفه المحرك )
5-المفاتيح و تكويد المفاتيح و اعاده التكويد علي الرغم ان التكويد سليم

و لم يتبقي غير المارش و الاتوماتيك الخاص بيه

فارجو من سيادتكم مساعتدي في هذه النقطه للوصول الي الحل لان بصراحة و بأمانه شديده انا غير راضي عن العربيه من ساعه مخرجت من الاصلاح في التوكيل من بعد الحادث الي تعرض ليه مما و نتيجه لذلك اذا لم يتم التوصل الي حل جزري في هذه المسئله خلال الفتره القادمه سوف يتم بيع السياره و هذا الكلام بجديه شديده جداً جداً

اسف للاطاله

تحياتي لجميع الاخوه الافاضل

**ahmad alshaaer** · 06-10-2009 02:08 AM

والله مش هقدر افيدك يااستاذي العزيز ولكن لو صوت المارش طبيعي
وبيلقط معاك دايما يبقى اعتقد انه مش منه العيب ده

تحياتي

**momenhamdy** · 06-10-2009 02:19 AM

المشاركة الأصلية كتبت بواسطة tweety26980

والله مش هقدر افيدك يااستاذي العزيز ولكن لو صوت المارش طبيعي
وبيلقط معاك دايما يبقى اعتقد انه مش منه العيب ده

تحياتي

ربنا يخليك يا استاذ احمد

انا عارف ان العيب مش من المارش نفسه و لكل الاحتمال الي اتقالي من ناس كتير بعد كل العناء دا ان المشكله في الاتوماتيك الخاص بالمارش

تحياتي ليك يا استاذ احمد

**ahmad alshaaer** · 06-10-2009 04:39 AM

حبيبي انا من رايي كمان انك تفضى لموضوع العربيه ده شويه مع التوكيل وخليك وراهم ولو ماكانش اتبع اساليب احد الاخوه من مقابلة الاستاذ امر او من اعلى منه
او اخيرا حماية المستهلك
مش هينفع غير كده

تحياتي وربنا يقدملك اللي فيه الخير

**momenhamdy** · 06-10-2009 01:04 PM

المشاركة الأصلية كتبت بواسطة tweety26980

حبيبي انا من رايي كمان انك تفضى لموضوع العربيه ده شويه مع التوكيل وخليك وراهم ولو ماكانش اتبع اساليب احد الاخوه من مقابلة الاستاذ امر او من اعلى منه
او اخيرا حماية المستهلك
مش هينفع غير كده

تحياتي وربنا يقدملك اللي فيه الخير

للاسف يا استاذ احمد يعني انا و الله معنديش و قت للتفكير في الموضوع دا بشكل كبير لاني مشغول
و بعدين يعني انا شايف ان الموضوع دا واخد اكبر من حجمه معايا يعني لما تكون المشكله من شهر 1/2009 يبقي بجد حرام يعني انا عندي job ضمان اكتر من اي ورق تاني فيعني حرام عربيه تكون 14000 كم و مش عرفين ايه الحل ........... شئ في منتهي الملل

ممكن تقول انت كنت صابر ليه الفتره دي كلها ؟؟؟ اقولك يعني عندي امل بكره يكون افضل لكل مش باين و الله و ربنا يستر

تحياتي ليك احمد باشا

**viper911s** · 06-10-2009 01:26 PM

م مؤمن ازيك عامل اية بقولك انا بصراحة معرفش المشكلة اية بس هسئلك عندى الصنايعية لو فى اتوماتيك مارش وهبلغك استنى عليا لبكرة

**ahmad alshaaer** · 06-10-2009 01:36 PM

خير بأمر الله
وربنا يكرم كل المسلمين

تحياتي

**momenhamdy** · 06-10-2009 01:52 PM

المشاركة الأصلية كتبت بواسطة viper911s

م مؤمن ازيك عامل اية بقولك انا بصراحة معرفش المشكلة اية بس هسئلك عندى الصنايعية لو فى اتوماتيك مارش وهبلغك استنى عليا لبكرة

ربنا يخليك ليا يا استاذ احمد .......... و انت اكتر واحد اعتقد كنت بتشفني في التوكيل علشان المشكله دي

تحياتي ليك يا باشا

المشاركة الأصلية كتبت بواسطة tweety26980

خير بأمر الله
وربنا يكرم كل المسلمين

تحياتي

آمين يا استاذ احمد

تحياتي

**ramyar** · 12-10-2009 05:34 PM

في واحد في الوكاله مسخصص مارش ودينامو فقط وعنده حاجه القرده لغايه المرسيدس كومبروسور والمارش بتاعك عنده في حدود 425 لو غلبت خالص قوالي واديلك رقم موبايله وتظبط معاه

**momenhamdy** · 12-10-2009 08:31 PM

المشاركة الأصلية كتبت بواسطة ramyar

في واحد في الوكاله مسخصص مارش ودينامو فقط وعنده حاجه القرده لغايه المرسيدس كومبروسور والمارش بتاعك عنده في حدود 425 لو غلبت خالص قوالي واديلك رقم موبايله وتظبط معاه

الف شكر لحضرتك انا و لله الحمد قدرت احصل علي اتوماتيك مارش من اسكندرية

و الحمد لله الامور تمام

و شاكر جداً لاهتمامك الغالي

تحياتي

الموضوع: سؤال بخصوص المارش و اتوماتيك المارش (جين 2 )

LinkBack

أدوات الموضوع

عرض

سؤال بخصوص المارش و اتوماتيك المارش (جين 2 ) - انشر الموضوع فى :

-

-

-

-

-

المواضيع المتشابهه

المارش !!!!

استفسار بخصوص بوبينة المارش

سؤال عن المارش

اتوماتيك المارش هوندا سيفيك 92

سؤال الى المهندس طارق -مصراوى ::سؤال فنى فى المارش بتاع الشكل القديم 2006

الكلمات الدلالية لهذا الموضوع

المفضلات

المفضلات

ضوابط المشاركة