أسرع طريقة لتنظيف الكربراتير
الطريقة دى منقولة من موقع أجنبى
وتنفع للمبتدئين وكمان سهلة جدا مع الشرح بالصور
http://cdn-write.demandstudios.com/u.../50/6/5556.jpg
الصورة الاولى بها الفلتر راكب او العمة - لو عربية 127 او 128 هتلاقى تلات صواميل 10 فكهم وارفع الغطاء بس خلى بالك لتقع جوه الكربراتير
ثانى حاجة شيل الفلتر هتلاقيه تحت الغطا علطول
طبعا كلنا عارفين شكل العمة بالتالى مفيش صورة
نخلع العمة والفلتر كما فى الصورة الثانية
http://cdn-write.demandstudios.com/u.../00/8/7508.jpg
نجيب منظف كربراتير هتلاقيه فى حدود 10-15 جنيه وترش رشة صغيرة كما موضح بالصور فى البوابة - وشيل اى عدد موجودة فى حوض العربية
بعد كده هندور العربية ونستنى شوية لغاية منسخن العربية واكبس بايدك دراع البنزين (موجود على يسار الكربراتير او شد من الواير زو الجراب) على عدد لفات عالية ورش بكميات كبيرة شوية بحيث يسمح ضغط المحرك الكبير بتنظيف اى ترسبات كربونية وبعدين رش على عدد لفات منخفضة يعنى وانت رافع ايدك من على دراع البنزين وهكذا بالتتابع حتى تستهلك حوالى ثلث العبوة - ثم اترك السيارة تعمل بدون تزويد بنزين ثم اطفئ المحرك
ركب الفلتر تانى والعمة وانزل جرب العربية لمدة 10 - 15 دقيقة لتسمح ببواقى منظف الكربراتير باخذ رحلة قصيرة داخل اجزاء الكربراتير وبالتالى تنظيفها
وأخيرا اذا تمت العملية على أكمل وجه سوف يتحسن سحب السيارة وأيضا توفير الوقود
وشكرا جزيلا - ويارب اكون قدرت اوصلكم الطريقة بشكل واضح
وأى استفسار انا فى الخدمة