تانى هقول الكلمتين اللى فيهم الفايده من الاخر
قبل مانتكلم على شكل وتقليد والكلام ده
لازم نعرف الاول ان ده
مجهود طلبه طلبــــــــــــــــه مش مهندسين ولا مصممين
وكمان المصاريف كلها من جيب الطلبه
عارفين يعنى ايه تصميم عربيه كامله بمجهود ومن جيب 4 بنى ادميين بس !!
دى حاجه
حاجه تانيه ودى الاهم
العربيات معموله جوه كليه لامعموله فى ورشه ولا مصنع
يعنى
مكان غير مناسب تماما لأى حاجه سواء عمل ولا نوم ولا ولا ولا
يعنى
مافيش عدد ولا ادوات متاحه
واعتقد الجامعه ماعندهاش غير شويه عدد بدائيه و الطلبه برضه
وكمان دول 4 طلاب 4 بس لكل عربيه !!!
شوفوا الصوره اللى فوق بتاعه الهيكل شوفوا معموله ازاى
ستامبه خشب متعشق !!!!
اعتقد مش حاجه سهله ولا بسيطه
بناء بودى من 0 للـ 100%
برضه مش حاجه سهله
لما حد بيروه لواحد بتاع فايبر عشان يعمل شغل بسيط رفرف ولا كساحه ولا كبوت شوفوا بيقعد عنده قد ايه وبياخد كام وكمان ده صنايعى وعنده ورشه وعدد ومساعدين
الكلام اللى بقوله ده يفهمه واحد بيصمم عربيات او حاول يصمم
ياريت كل واحد كده ينزل يبص على عربيه حته حته وجزء جزء ويفكر دى معموله ازاى طب دى ايه لازمتها
وحاولوا تشوفوا كده فيديوهات من مصانع السيارات طبعا كله شغل الى
الصاج بيدخل يتقطع ويتشكل ويخرج يتعالج ويتلحم وشكرا
وتانى برضه هقول ان الشباب دى تعتبر بتحاول تبتدى تنافس سبايكر ورولز رويس
والناس الكبيره اللى بتصنع يدوى دى
كفايه كده عشان تعبت من الكلام بجد
حد عنده تعليق؟؟؟